Homeຂ່າວເຫດການເຈົ້າແຂວງບໍລິຄຳໄຊຕ້ອນຮັບທູດອັງກິດ ປະຈຳລາວ

ເຈົ້າແຂວງບໍລິຄຳໄຊຕ້ອນຮັບທູດອັງກິດ ປະຈຳລາວ

Published on

2-1

ທ່ານ ດຣ. ກອງແກ້ວ ໄຊສົງຄາມ ເຈົ້າແຂວງບໍລິຄຳໄຊ ໄດ້ຕ້ອນຮັບທ່ານ ຮິວ ເອເວັນ ເອກອັກຄະລາຊະທູດ ຜູ້ມີອຳນາດເຕັມ ແຫ່ງປະເທດ ອັງກິດ ປະຈຳ ສປປ ລາວ ພ້ອມ ດ້ວຍຄະນະໄດ້ເດີນທາງ ມາຢ້ຽມຢາມແຂວງບໍລິຄຳໄຊ ເມື່ອບໍ່ດົນມານີ້ທີ່ຫ້ອງຮັບແຂກ ແຂວງ.
ໃນໂອກາດນີ້, ທ່ານເຈົ້າ ແຂວງ ໄດ້ແຈ້ງສະພາບການພັດທະ ນາເສດຖະກິດ-ສັງຄົມຂອງ ແຂວງຂະຫຍາຍຕົວຢ່າງຕໍ່ ເນື່ອງ ໃນລະດັບສະເລ່ຍ 8,9%ຕໍ່ປີ, ສະເລ່ຍໃສ່ຫົວຄົນ ໄດ້ 1.621 ໂດລາ, ການພັດ ທະນາຊົນນະບົດແກ້ໄຂຄວາມ ທຸກຍາກຂອງປະຊາຊົນໄດ້ມີ ບາດກ້າວຂະຫຍາຍຕົວ ແລະ ມີຜົນສຳເລັດຫຼາຍດ້ານ ໂດຍ ເຫັນໄດ້ການແກ້ໄຂຄວາມທຸກ ຍາກໄດ້ເຮັດຢ່າງຕັ້ງໜ້າ ແລະ ມີປະສິດທິພາບສູງ, ມາຮອດ ປະຈຸບັນມີຄອບຄົວພົ້ນທຸກ ກວມເອົາ 92,41% ແລະ ບ້ານພົ້ນທຸກກວມເອົາ 88,21%, ສ້າງບ້ານໃຫຍ່ໃນຊົນນະບົດ ເປັນຕົວເມືອງນ້ອຍຫຼາຍຂຶ້ນ ທຽບໃສ່ປີ 1984 ຄອບຄົວ ແລະ ບ້ານພົ້ນທຸກຍັງກວມອັດ ຕາສ່ວນໜ້ອຍ.
ທ່ານເອກອັກຄະລາຊະທູດໄດ້ກ່າວຂອບໃຈ ພ້ອມທີ່ຈະຊ່ວຍເຫຼືອບາງດ້ານເປັນຕົ້ນແມ່ນວຽກງານສຶກສາກໍຄືການຍົກລະດັບພາສາອັງກິດ ໃຫ້ແກ່ນັກສຶກສາເວົ້າລວມ, ເວົ້າສະເພາະ ກໍຄືແຂວງບໍລິຄຳໄຊ ໃຫ້ນັບມື້ນັບດີຂຶ້ນທັນກັບປະເທດອ້ອມຂ້າງ. ໃນເວ ລາດຽວກັນ ທ່ານເຈົ້າແຂວງ ກໍ ໄດ້ນຳພາຄະນະໄປຢ້ຽມຢາມ ເບິ່ງເຂດການຜະລິດກະສິກຳ ຂອງຊາວ ບ້ານປາກບຶງ ກຳລັງ ລົງປູກເຂົ້ານາແຊງ, ປູກພືດຊະ ນິດຕ່າງໆ, ການລ້ຽງປາດຸກ ພັນ ແລະ ສະຖານທີ່ການຜະລິດອື່ນໆຈຳນວນໜຶ່ງ.

ແຫ່ລງຂ່າວ

ປຊຊ

ບົດຄວາມຫຼ້າສຸດ

ນາຍົກລັດຖະມົນຕີລາວ ພົບປະກັບ ປະທານສະພາແຫ່ງຊາດຫວຽດນາມ ໃນໂອກາດເດີນທາງຢ້ຽມຢາມ ສສ ຫວຽດນາມ ແລະ ເຂົ້າຮ່ວມກອງປະຊຸມເວທີອະນາຄົດອາຊຽນ ຄັ້ງທີ 3

ໃນຕອນບ່າຍວັນທີ 8 ມິຖຸນາ 2026, ທີ່ ນະຄອນຫຼວງຮ່າໂນ້ຍ ສສ ຫວຽດນາມ, ສະຫາຍ ສອນໄຊ ສີພັນດອນ ກໍາມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງ...

ແຈ້ງການມອດໄຟຟ້າຊົ່ວຄາວ ລັດວິສາຫະກິດໄຟຟ້າລາວ ນວ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ ເລີ່ມແຕ່ວັນທີ 9-14 ມິຖຸນາ 2026

​ລັດວິສາຫະກິດໄຟຟ້າລາວ (EDL) ຝ່າຍຄຸ້ມຄອງລະບົບໄຟຟ້າພາກກາງ ສາຂານະຄອນຫຼວງວຽງຈັນ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ (ມອດໄຟ) ເພື່ອປັບປຸງ, ສ້ອມແປງລະບົບຕາໜ່າງໄຟຟ້າ ແລະ ຕິດຕັ້ງເສົາໄຟຟ້າໃໝ່ ໃຫ້ມີຄວາມປອດໄພ ແລະ ກຽມພ້ອມຮອງຮັບການຊົມໃຊ້ທີ່ດີຂຶ້ນ....

ກຽມໄປແຂ່ງຕໍ່ທີ່ຍີ່ປຸ່ນ MAZDA GB FC U12 ຄວ້າແຊ້ມ ບານເຕະເຍົາວະຊົນທີ່ອິນໂດເນເຊຍ ພ້ອມໄດ້ໄປແຂ່ງຕໍ່ຮອບສຸດທ້າຍທີ່ປະເທດຍີ່ປຸ່ນ

ເກັ່ງຫຼາຍ MAZDA GB FC ຢູ 12 ຄວ້າແຊ້ມບານເຕະເຍົາວະຊົນ ທີ່ອິນໂດເນເຊຍ ພ້ອມໄດ້ສິດບິນລັດຟ້າໄປແຂ່ງຂັນທີ່ປະເທດຍີ່ປຸ່ນ. ນ້ອງໆເຍົາວະຊົນຈາກສະໂມສອນ Mazda Laos GB FC ໂຊຊຟອງເກັ່ງຄວ້າແຊ້ມລາຍການແຂ່ງຂັນບານເຕະເຍົາວະຊົນລະດັບພາກພື້ນ...

ນາຍົກລັດຖະມົນຕີລາວ ສົ່ງຈົດໝາຍເຖິງນາຍົກລັດຖະມົນຕີໄທ ເພື່ອສະແດງຄວາມຂອບໃຈຕໍ່ການຊ່ວຍເຫຼືອຄົ້ນຫາ ແລະ ກອບກູ້ເອົາຊິວິດປະຊາຊົນທີ່ຕິດຄ້າງຢູ່ໃນຖໍ້າ

ວັນທີ 7 ມິຖຸນາ 2026 ທີ່ນະຄອນຫຼວງວຽງຈັນ, ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ໄດ້ສົ່ງຈົດໝາຍຂອບໃຈເຖິງທ່ານ ອະນຸທິນ ຊານວີຣະກູນ, ນາຍົກລັດຖະມົນຕີ ແຫ່ງ...