spot_img
Homeຂ່າວເຫດການກອງປະຊຸມໃຫຍ່ ຄັ້ງທີ VII ຂອງທະນາຍຄວາມທົ່ວປະເທດ

ກອງປະຊຸມໃຫຍ່ ຄັ້ງທີ VII ຂອງທະນາຍຄວາມທົ່ວປະເທດ

Published on

5-1

ກອງປະຊຸມໃຫຍ່ ຄັ້ງ ທີ VII ຂອງທະນາຍຄວາມທົ່ວ ປະເທດ ໄດ້ຈັດຂຶ້ນໃນວັນທີ 15-16 ທັນວານີ້ ທີ່ຫ້ອງປະ ຊຸມໄອເຕັກ ຊັ້ນ 2 ໂດຍການ ໃຫ້ກຽດເຂົ້າຮ່ວມຂອງ ທ່ານ ບຸນເກີດ ສັງສົມສັກ ເລຂາຄະ ນະພັກ ລັດຖະມົນຕີວ່າການກະຊວງຍຸຕິທຳ, ມີບັນດາແຂກຖືກເຊີນ ພ້ອມດ້ວຍບັນດາປະທານ-ຮອງປະທານ ຕະຫຼອດຮອດສະມາຊິກທະນາຍຄວາມ ທີ່ມາຈາກທົ່ວປະເທດເຂົ້າຮ່ວມ 200 ກວ່າທ່ານ.
ກອງປະຊຸມທະນາຍ ຄວາມທົ່ວປະເທດ ໄດ້ດຳເນີນ ມາເປັນເວລາສອງວັນ ຊຶ່ງກອງ ປະຊຸມໄດ້ຜ່ານບົດລາຍງານ ການເຄື່ອນໄຫວວຽກງານຂອງ ທະນາຍຄວາມຊຸດທີ VI (2013 – 2015) ແລະ ທິດທາງແຜນ ການ 2015-2019 ໄດ້ມີການ ປ່ອນບັດຄັດເລືອກເອົາຄະນະ ບໍລິຫານສະພາທະນາຍຄວາມ ແຫ່ງ ສປປ ລາວ ຊຸດທີ VII. ກອງ ປະຊຸມຄັ້ງ ປະຖົມມະລືກຂອງ ສະພາທະນາຍຄວາມຊຸດທີ VII ໄດ້ຄັດເລືອກເອົາທ່ານ ຄຳ ໃສ ສຸລິນທອນ ເປັນປະທານ ສະພາທະນາຍຄວາມ ແຫ່ງ ສປປ ລາວ; ທ່ານ ວໍລັດສະໝີ ສຸລິປະພັນ, ທ່ານ ອຸ່ນເຮືອນ ແກ່ນປະເສີດ ແລະ ທ່ານ ນາງ ລຳເງິນ ຄັດສະຫວ່າງ ເປັນ ຮອງປະທານ, ຄັດເລືອກເອົາ ທ່ານ ອຸ່ນເຮືອນ ແກ່ນປະເສີດ ເປັນປະທານກວດກາ, ທ່ານ ບຸນເລັດ ເທບພິທັກ ເປັນຮອງ ປະທານກວດກາ ແລະ ທ່ານ ນາງ ກອງສີ ວິໄລວັນ ເປັນຄະ ນະ.
ໃນໂອກາດນີ້, ທ່ານ ບຸນ ເກີດ ສັງສົມສັກ ໄດ້ມີຄຳເຫັນ ໂອ້ລົມຕໍ່ກອງປະຊຸມ ຊຶ່ງກ່ອນ ອື່ນທ່ານໄດ້ສະແດງຄວາມ ຍ້ອງຍໍຊົມເຊີຍຕໍ່ຜົນງານ ແລະ ໄຊຊະນະທີ່ສະພາທະນາຍ ຄວາມຊຸດທີ VI ຍາດມາໄດ້  ໃນໄລຍະທີ່ຜ່ານມາ (2013- 2015). ພ້ອມກັນນີ້ ທ່ານຍັງ ໄດ້ເນັ້ນບາງບັນຫາທີ່ສຳຄັນ ທີ່ຈະຕ້ອງໄດ້ເອົາໃຈໃສ່ຄື: ຕ້ອງໄດ້ເພີ່ມທະວີການສຶກສາ ອົບຮົມການເມືອງແນວຄິດ, ຄຸນທາດການເມືອງ, ຄຸນສົມ ບັດສິນທຳປະຕິວັດ ໃຫ້ແກ່ບັນ ດາສະມາຊິກທະນາຍຄວາມ ຢ່າງເປັນປົກກະຕິ; ເພີ່ມທະວີ ແລະ ເອົາໃຈໃສ່ປັບປຸງ ແບບ ແຜນວິທີນຳພາ, ແບບແຜນວິ ທີເຮັດວຽກ ແລະ ແບບແຜນວິ ທີຄຸ້ມຄອງຂອງຄະນະສະພາ ທະນາຍຄວາມ; ຊຸກຍູ້ປຸກລະ ດົມຂົນຂວາຍໃຫ້ບັນດາສະມາ ຊິກທະນາຍ ຄວາມ ເຄື່ອນໄຫວ ປະຕິບັດພັນທະ ແລະ ໜ້າທີ່ ວຽກງານຂອງຕົນບົນພື້ນຖານ ເຄົາລົບ ແລະ ປະຕິບັດຕາມລັດຖະທຳມະນູນ ແລະ ກົດໝາຍຢ່າງເຂັ້ມງວດ ແລະ ສິ່ງ ທີ່ສຳຄັນຈຳເປັນ ແລະ ຮີບດ່ວນພາຍຫຼັງທີ່ສຳເລັດກອງ ປະຊຸມໃນຄັ້ງນີ້ ແມ່ນຕ້ອງຮີບຮ້ອນ ແລະ ເອົາໃຈໃສ່ຄົ້ນຄວ້າປັບປຸງກົດໝາຍວ່າດ້ວຍທະ ນາຍຄວາມ ແນໃສ່ຮັບ ປະກັນ ເນື້ອໃນທີ່ມີຄວາມສອດຄ່ອງ ກັບສະພາບຈຸດພິເສດ ແລະ ຄວາມເປັນຈິງຂອງສັງຄົມໃນ ໄລຍະໃໝ່ໄປພ້ອມໆດຽວກັນ ນັ້ນ ຕ້ອງຮີບຮ້ອນ ແລະ ເອົາ ໃຈໃສ່ຄົ້ນຄວ້າ ປັບປຸງກົດ ລະບຽບພາຍໃນຂອງທະນາຍ ຄວາມໃຫ້ສາມາດຮັບປະກັນ ໄດ້ການເຄື່ອນໄຫວປະຕິບັດ ພາລະບົດບາດ ແລະ ໜ້າທີ່ ຂອງຕົນ. (ຂ່າວ: ສະຫວັນຄຳ)

ແຫ່ລງຂ່າວ

ປຊຊ

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...