spot_img
Homeຂ່າວເຫດການກອງປະຊຸມອາຊີວະສຶກສາປະເທດພາກພື້ນ ຄັ້ງທີ 3

ກອງປະຊຸມອາຊີວະສຶກສາປະເທດພາກພື້ນ ຄັ້ງທີ 3

Published on

5-1

ກະຊວງສຶກສາທິການ ແລະ ກິລາ ແຫ່ງ ສປປ ລາວ ຮ່ວມກັບກະຊວງຮ່ວມມື ເສດຖະກິດ ແລະ ການພັດທະນາ ສສ ເຢຍລະມັນໄດ້ຈັດກອງປະຊຸມອາຊີວະສຶກສາ ຂອງປະເທດພາກພື້ນ ຄັ້ງທີ 3 ປະຈຳປີ 2015 ພາຍໃຕ້ຫົວຂໍ້ “ການສະໜັບສະໜູນການ ເຊື່ອມໂຍງປະຊາຄົມເສດຖະ ກິດອາຊຽນດ້ວຍການເລັ່ງໃສ່ ການຮຽນຮ່ວມ ແລະ ຕະຫຼາດ ແຮງງານ” ຂຶ້ນໃນວັນທີ 14-15 ທັນວານີ້ ທີ່ໂຮງແຮມດອນຈັນ ພາເລດ ນະຄອນຫຼວງວຽງຈັນ ໂດຍໃຫ້ກຽດເຂົ້າຮ່ວມຂອງ ທ່ານ ພັນຄຳ ວິພາວັນ ຮອງ ນາຍົກ ລັດຖະມົນຕີ, ລັດຖະມົນຕີວ່າ ການກະຊວງສຶກສາທິການ ແລະ ກິລາ, ມີລັດຖະມົນຕີ, ທູຕານຸທູດ, ຜູ້ຕາງໜ້າອົງການ ຈັດຕັ້ງສາກົນປະຈຳລາວ, ອົງການ ຈັດຕັ້ງທີ່ ກ່ຽວຂ້ອງ ແລະ ແຂກຖືກເຊີນເຂົ້າຮ່ວມ.
ໃນພິທີ, ທ່ານ ພັນຄຳ ວິພາວັນ ໄດ້ກ່າວຄຳເຫັນບາງ ຕອນສຳຄັນວ່າ: ກອງປະຊຸມ ອາຊີວະສຶກສາພາກພື້ນ ຄັ້ງທີ 3 ເປັນກອງປະຊຸມທີ່ສຳຄັນເພາະຈະເປີດ ໂອກາດ ໃຫ້ຜູ້ ແທນກອງປະຊຸມໄດ້ແລກປ່ຽນ ປະສົບການ ແລະ ຄຳຄິດເຫັນ ກ່ຽວກັບສະຖານະພາບຂອງ ວຽກງານອາຊີວະສຶກສາ ແລະ ການຝຶກອົບຮົມໃນພາກພື້ນ ແລະ ສາກົນ. ນອກຈາກນັ້ນ, ມັນຍັງຈະໃຫ້ໂອກາດແກ່ຜູ້ ເຂົ້າຮ່ວມສາມາດກຳນົດບັນ ດາສິ່ງທ້າທາຍໃນອະນາຄົດ ຂ້າງໜ້າ. ບັນຫາສຳຄັນແມ່ນ ຈະເປັນເວທີການປຶກສາ ຫາລື ເຖິງວິທີການຕ່າງໆຂອງບັນ ດາປະເທດອາຊຽນ ໃນການ ສ້າງຄວາມກົມກຽວດ້ານການ ພັດທະນາວຽກງານດັ່ງກ່າວ ຮ່ວມກັນ ຫຼັງປີ 2015.
ກອງປະຊຸມຄັ້ງນີ້ ມີຄວາມ ສຳຄັນຫຼາຍສຳລັບວຽກງານອາ ຊີວະສຶກສາຂອງ ສປປ ລາວ ຊຶ່ງເນື້ອໃນ ແລະ ຜົນໄດ້ຮັບຂອງກອງປະຊຸມ ຈະເປັນການ ປະກອບສ່ວນ ເຂົ້າໃນການປັບ ປຸງຄຸນນະພາບຂອງການສຶກ ສາດ້ານອາຊີວະສຶກສາ ກໍຄືການພັດທະນາຊັບພະຍາກອນມະນຸດ, ໃນນັ້ນ ບໍ່ພຽງແຕ່ມີ ຄວາມສຳຄັນໃນການສ້າງ ຄວາມເຂັ້ມແຂງໃຫ້ແກ່ກຳລັງແຮງງານ ມີຄວາມຮູ້, ຄວາມ ສາມາດ ພາຍໃນປະເທດເທົ່າ ນັ້ນ, ແຕ່ພວກເຮົາຈະຕ້ອງເພີ່ມ ການຮ່ວມມືຊຶ່ງກັນ ແລະ ກັນ ໃຫ້ຫຼາຍຂຶ້ນ ໂດຍອີງໃສ່ມາດຕະຖານດຽວກັນ. ກອງປະຊຸມດັ່ງກ່າວໄດ້ເປີດໂອກາດໃຫ້ມີການແລກປ່ຽນກ່ຽວກັບຜົນກະທົບຂອງການເຂົ້າເປັນປະຊາຄົມເສດຖະກິດອາຊຽນ ຕໍ່ກັບ ຕະຫຼາດ ແຮງງານທ້ອງຖິ່ນ ແລະ ພາກພື້ນ ຊຶ່ງເປັນສິ່ງ ທີ່ຈຳເປັນຈະຕ້ອງມີການປັບ ປຸງລະບົບອາຊີວະສຶກສາ ລວມເຖິງພາກເອກະຊົນ ໃຫ້ເຂົ້າມາມີສ່ວນຮ່ວມໃນ ວຽກງານອາຊີ ວະສຶກສາກັບພາກລັດ ແລະ ຄູ່ ຮ່ວມພັດທະນາ.

ແຫ່ລງຂ່າວ

ປຊຊ

ບົດຄວາມຫຼ້າສຸດ

ແຈ້ງການເປີດການສັນຈອນ ເສັ້ນທາງ ເລກທີ 11 ເຫນືອ, ເລກທີ 13 ໃຕ້ ແລະ ເລກທີ 11 ໃຕ້ ຂອງລົດບັນທຸກຫນັກ

ພະແນກ ໂຍທາທິການ ແລະ ຂົນສົ່ງອອກແຈ້ງການເລື່ອງ: ເປີດການສັນຈອນ ເສັ້ນທາງ ເລກທີ 11 ເຫນືອ, ເລກທີ 13 ໃຕ້ ແລະ ເລກທີ...

ກັກຕົວແກ້ງມົ້ວສຸມນໍ້າກະທ້ອມ ເຂດບ້ານໂພນພິມ ເມືອງທ່າແຂກ ແຂວງຄຳມ່ວນ

ເຈົ້າໜ້າທີ່ ປກສ ແຂວງຄຳມ່ວນໃຫ້ຮູ້ວ່າ: ເວລາປະມານ 22:00 ໂມງ ຂອງວັນທີ 16 ກັນຍາທີ່ຜ່ານມາ, ໄດ້ພົບເຫັນເປົ້າໝາຍ ຈຳນວນ 7 ຄົນ ກຳລັງຄ້າ-ຂາຍ...

ນໍ້າປະປາ ນວ ແຈ້ງ ໄລຍະນີ້ການຜະລິດນຳ້ປະປາບໍ່ສະດວກ ສົ່ງຜົນນໍ້າໄຫຼຄ່ອຍ-ບໍ່ມີນໍ້າ

ອີງຕາມແຈ້ງການຂອງລັດວິສະຫະກິດນໍ້າປະປານະຄອນຫຼວງ ລົງເມື່ອວັນທີ 18 ກັນຍາ 2024 ກ່ຽວກັບການຜະລິດນໍ້າປະປາບໍ່ສະດວກ ແລະ ຈະສົ່ງຜົນກະທົບຕໍ່ປະຊາຊົນຜູ້ຊົມໃຊ້ນໍ້າປະປາ (ລາຍລະອຽດແຈ້ງການລຸ່ມນີ້)  

ແຈ້ງເຕືອນພາຍຸໜຸນເຂດຮ້ອນ ຊູລີກ ຈະຜ່ານສະຫວັນນະເຂດ ຄຳມ່ວນ ບໍລິຄຳໄຊ ວັນທີ 21 ກັນຍາ 2024

ອີງຕາມແຈ້ງການຂອງກົມອຸຕຸນິຍົມ ແລະ ອຸທົກກະສາດລົງເມື່ອວັນທີ 19 ກັນຍາ 2024 ກ່ຽວກັບແຈ້ງເຕືອນໄພ ພາຍຸໜຸນເຂດຮ້ອນ ຊູລີກ (Soulik) ໃນລະຫວ່າງ ວັນທີ 19 –...