spot_img
HomeມູມໄອທີລາວKDDI ແລະ Kyocera ແນະນຳ Digno Rafre ໂທລະສັບເຄື່ອງທຳອິດຂອງໂລກທີ່ສາມາດລ້າງດ້ວຍສະບູ

KDDI ແລະ Kyocera ແນະນຳ Digno Rafre ໂທລະສັບເຄື່ອງທຳອິດຂອງໂລກທີ່ສາມາດລ້າງດ້ວຍສະບູ

Published on

image

KDDI ແລະ Kyocera ຈາກປະເທດຍີ່ປຸ່ນໄດ້ມີການແນະນຳໂທລະສັບມືຖືລຸ້ນໃໝ່ນັ້ນກໍຄືື Digno Rafre ເຊິ່ງເປັນໂທລະສັບມືຖືລຸ້ນທຳອິດຂອງໂລກທີ່ສາມາດລ້າງຫຼືເຮັດຄວາມສະອາດດ້ວຍສະບູ!! ບໍ່ຕ້ອງຕົກໃຈເຈົ້າອ່ານຖືກແລ້ວ, ເຈົ້າສາມາດໃຊ້ສະບູເພື່ອລ້າງຫຼືເຮັດຄວາມສະອາດໂທລະສັບມືຖືຂອງເຈົ້າໄດ້.

ສຳລັບໂທລະສັບມືຖືລຸ້ນ Digno Rafre ແມ່ນໄດ້ຮັບການຈັດອັນດັບຄວາມທົນທານຕໍ່ນ້ຳຮ້ອນທີ່ 43° ອົງສາ (ເຊິ່ງນ້ຳຮ້ອນແມ່ນບໍ່ໄດ້ລວມຢູ່ໃນການຈັດອັນດັັບໃນມາດຕະຖານ IP, ສ່ວນມາດຕະຖານຂອງ Rafre ແມ່ນ IP58 )

ເຊິ່ງໂທລະສັບມືຖື Digno Rafre ແມ່ນມາພ້ອມ 3 ສີຄື: ສີຟ້າ, ສີຂາວ ແລະສີບົວ. ສຳລັັບໃຜທີ່ເປັນຫ່ວງເມື່ອເວລາເອົາໄປລ້າງນ້ຳຫຼືສະບູ ນັ້ນໜ້າຈໍຈະຍັງໃຊ້ງານໄດ້ຫຼືບໍ່? ຄຳຕອບຄືບໍ່ຕ້ອງຫ່ວງບັນຫານີ້ເລີຍເພາະວ່າໜ້າຈໍຈະຍັງສາມາດສຳຜັດຫຼືຫຼິ້ນໄດ້ຕາມປົກກະຕິເຖິງວ່າມັນຈະຍັງປຽກຢູ່ ແລະ ຍັງຖືກປົກປ້ອງດ້ວຍແກ້ວ Dragontrail X ເພື່ອປ້ອງກັນໃນເວລາເກີດອຸບັດຕິເຫດ.  ໂທລະສັບລຸ້ນດັ່ງກ່າວຍັງຮອງຮັບມາດຕະຖານກັນສັ່ນ (MIL-SSTD-810G) ອີກນຳ.

ສຳລັບລາຍລະອຽດສະເປັກຂອງ Digno Rafre ມີດັ່ງນີ້:

– ໜ້າຈໍຂະໜາດ 5 ນິ້ວ ຄວາມລະອຽດ 720p (HD)
– ໃຊ້ງານລະບົບປະຕິບັດການ Android 5.1 Lollipop
– Ram 2 GB
– Rom 16 GB  ສາມາດເພີ່ມ microSD ໄດ້
– ກ້ອງຫຼັງ 13MP
– ຮອງຮັບ 4G LTE ແລະ WiMAX plus VoLTE
– ແບັດເຕີຣີໃຫ້ມາ 3,000mAh
– ມີໃຫ້ເລືອກ 3 ສີຄື: ສີຟ້າ (Navy Blue), ສີຂາວ  (Cashmere White) ແລະ ສີບົວ (Coral Pink)

Kyocera ກຳລັງຈະເປີດໂຕ Digno Rafre ທີ່ KDDI ໃນວັນສຸກອາທິດໜ້ານີ້ ດ້ວຍລາຄາ 57,420 ເຢນ ( 3.800.000 ກີບ).

ທີ່ມາ: gsmarena

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...