Homeມູມໄອທີລາວລື iPhone 6c ຈະວາງຈຳໜ່າຍໄວທີ່ສຸດໃນເດືອນກຸມພາ ປີ 2016!!

ລື iPhone 6c ຈະວາງຈຳໜ່າຍໄວທີ່ສຸດໃນເດືອນກຸມພາ ປີ 2016!!

Published on

image

*ໝາຍເຫດ: ເປັັນພຽງພາບປະກອບເທົ່ານັ້ນບໍ່ມີສ່ວນກ່ຽວຂ້ອງໃດໆກັບເນື້ອຫາຂ່າວ

ອ້າງອີງການລາຍງານຈາກແຫຼ່ງຂ່າວຕ່າງໆ ພ້ອມກັນນັ້ນຍັງລວມໄປເຖິງແຫຼ່ງຂ່າວພາຍໃນຈາກ Foxconn, ທີ່ໄດ້ຮັບການເຮັດວຽກໃຫ້ກັບ iPhone 6c. ເຊິ່ງເຫັນໄດ້ຢ່າງຊັດເຈນເລີຍກໍຄື ຂ່າວລືກ່ອນໜ້ານີ້ ທີ່ມີນັກວິເຄາະອອກມາບອກວ່າ iPhone 6c ຈະມີຂະໜາດໜ້າຈໍຢູ່ທີ່ 4 ນິ້ວ ແລະ ຈະເປີດໂຕໃນປີ 2016 ນີ້ເອງ, ໃນຂ່າວນີ້ມີສິ່ງທີ່ເພີ່ມຕື່ມມານຳກໍຄື iPhone 6c ນັ້ນອາດຈະມີ Touch ID ສະແກນລາຍນິ້ວມືນຳ, ສຳລັບອຸປະກອນໂຕນີ້ນັ້ນຈະບໍ່ມີລູກຫຼິ້ນທີ່ເດັ່ນຫຍັງຫຼາຍ ແລະ 3D Touch ເອງກໍຈະບໍ່ມີມານຳ, ແຕ່ວ່າຈະມີສີສັນໃຫ້ເລືອກຫຼາຍສີຄືກັນກັບ iPhone 5c ແຕ່ຕ່າງກັນບ່ອນທີ່ເຮັດດ້ວຍໂລຫະ.

ເພາະນີ້ເປັນອຸປະກອນ ລະດັບ “C” ຂອງແອັບເປີ້ນ ສະນັ້ນລາຄາເອງກໍຈະຫຼຸດລົງໜ້ອຍໜຶ່ງ ຕາມລາຍງານບອກວ່າຈະຢູ່ທີ່ປະມານ $400-$500 ( 3.262.000 ຫາ 4.800.000 ກີບ ) , ແຕ່ນີ້ກໍເຮັດໃຫ້ເກີດຄຳຖາມທີ່ວ່າ ແອັບເປີ້ນຈະຂາຍໃນລາຄານີ້ແທ້ຫຼືບໍ່? ເພາະວ່າໃນຕອນນີ້ iPhone 5s ຂາຍໃນລາຄາ $450 ( 3.670.000 ກີບ ) ແລະ iPhone 6 ຂາຍໃນລາຄາ $550 ( 4.490.00 ກີບ ). ໃນຕອນທີ່ແອັບເປີ້ນໄດ້ເປີດໂຕ iPhone 5c ພ້ອມກັບ 5s, ກໍໄດ້ມີການຢຸດຂາຍ iPhone 5 ແລະ ລຸ້ນລະດັບກາງແມ່ນຖືກແທນທີ່ດ້ວຍ 5c ໃນຂະນະດຽວກັນນັ້ນ iPhone 4s ເປັນລຸ້ນລະດັບຕ່ຳສຸດຂອງຕະຫຼາດ. ແຕ່ຢ່າງໃດກໍຕາມຖ້າຫາກວ່າ iPhone 6c ນັ້ນໄດ້ວາງຈຳໜ່າຍກໍອາດຈະມາແທນທີ່ iPhone 5s ເພາະແອັບເປີ້ນອາດຕ້ອງການຮັກສາລະດັບຂອງ iPhone 6 ເອົາໄວ້

ຢ່າງໃດກໍຕາມຂ່າວລືທີ່ວ່າແອັບເປີ້ນຈະເປີດໂຕ iPhone 6c ໃນເດືອນມັງກອນແລະພ້ອມຈຳໜ່າຍໃນເດືອນກຸມພາ ເປັນພຽງແຕ່ແນວໂນ້ມໂອກາດທີ່ຈະເປັນໄປໄດ້ເທົ່ານັ້ນເດີ້

ທີ່ມາ: phonearena

ບົດຄວາມຫຼ້າສຸດ

ເຝົ້າລະວັງ-ຮັບມື ພະຍາດອີໂບລາ ຫົວໜ້າກົມຄວບຄຸມພະຍາດຕິດຕໍ່ ລາຍງານສະພາບການລະບາດຂອງພະຍາດອີໂບລາທີ່ເກີດຂຶ້ນໃນທະວີບອາຟຣິກາ (ລາວແມ່ນມີຄວາມສ່ຽງຕໍ່າ)

ໃນວັນທີ 03 ມິຖຸນາ 2026 ທີ່ຜ່ານມາ ທ່ານ ປອ. ດຣ ພອນປະດິດ ສັງໄຊຍະລາດ ຫົວໜ້າກົມຄວບຄຸມພະຍາດຕິດຕໍ່ ລາຍງານກ່ຽວກັບສະພາບການລະບາດຂອງພະຍາດອີໂບລາທີ່ເກີດຂຶ້ນໃນບັນດາປະເທດຢູ່ທະວີບອາຟຣິກາ. ພະຍາດອີໂບລາເປັນພະຍາດທີ່ຕິດຕໍ່ຈາກສັດສູ່ຄົນ ແລະ ເປັນພະຍາດທີ່ຕິດຕໍ່ຈາກຄົນສູ່ຄົນໄດ້...

ມ້າງແກ້ງສະແກມເມີຈີນ ເຈົ້າໜ້າເມືອງໄຊທານີ ເຂົ້າມ້າງແກ້ງສະແກມເມີ ກັກຕົວຜູ້ກະທຳຜິດ 24 ຄົນ ບ້ານຂຸດສາມບາດ ເມືອງໄຊທານີ ນະຄອນຫຼວງວຽງຈັນ

ໂດຍປະຕິບັດຕາມທິດຊີ້ນໍາຂອງທ່ານລັດຖະມົນຕີ ກະຊວງປ້ອງກັນຄວາມສະຫງົບຢ່າງເຂັ້ມງວດ ແລະ ເດັດຂາດ ໃນການສຸມໃສ່ສະກັດກັ້ນ, ຕ້ານ ແລະ ແກ້ໄຂບັນຫາອາຊະຍາກຳທາງໂທລະຄົມ ຫຼື ອາຊະຍາກຳທາງລະບົບຄອມພິວເຕີ ກໍຄື ການປາບປາມພວກສໍ້ໂກງຊັບທາງໂທລະຄົມ ຫຼື ແກ້ງສະແກມເມີ. ຄຽງຄູ່ກັນນັ້ນ,...

ປະທານປະເທດ ພ້ອມດ້ວຍພັນລະຍາ ແລະ ຄະນະຜູ້ແທນຂັ້ນສູງ ເດີນທາງເຖິງສະໜາມບິນສາກົນຊ່ຽວຊານ ນະຄອນຫາງໂຈ  ແຂວງເຈີ້ຈ່ຽງ  ສປ ຈີນ

ໃນວັນທີ 02 ມິຖຸນາ 2026, ສະຫາຍ ທອງລຸນ ສີສຸລິດ, ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ, ປະທານປະເທດ ແຫ່ງ ສປປ ລາວ ພ້ອມດ້ວຍພັນລະຍາ ແລະ...