spot_img
Homeຂ່າວພາຍ​ໃນລາວ-ຈີນ ເປີດໂຄງການນຳໃຊ້ລະບົບບັດທະນາຄານຮ່ວມກັນ

ລາວ-ຈີນ ເປີດໂຄງການນຳໃຊ້ລະບົບບັດທະນາຄານຮ່ວມກັນ

Published on

7981714b0a0469c85ad0352b7a7c7bed

ທະນາຄານ​ແຫ່ງ ​ສປປ ລາວ (​ທຫລ) ໄດ້​ຮັບ​ທຶນ​ຊ່ວຍເຫຼືອ​ລ້າຈາກ​ລັດຖະບານ ​ສປ ຈີນ ມູນ​ຄ່າ 56 ລ້ານ​ຢວນ ຫຼື ປະມານ 9 ລ້ານ​ໂດ​ລາ​ສະຫະລັດ ເພື່ອ​ຈັດຕັ້ງ​ປະຕິບັດ​ໂຄງການ ການ​ນຳໃຊ້​ລະບົບ​ບັດ​ທະນາຄານ​ຮ່ວມກັນ ລະຫວ່າງບັນດາ​ທະນາຄານຂອງ ​ສປປ ລາວ ແລະ ທະ​ນາຄານ​ຂອງ ​ສປ ຈີນ ເຊິ່ງ​ເປົ້າ​ໝາຍສຳຄັນ​ການ​ຮ່ວມ​ມື​ຄັ້ງ​ນີ້ ແນໃສ່ສ້າງ​ຜົນ​ປະໂຫຍດ​ມາສູ່​ຂະແໜງທະນາຄານ​ສອງ​ປະເທດ ພ້ອມທັງ​ເປັນ​ບາດກ້າວ​ໃໝ່​ໃຫ້​ແກ່ວຽກ​ງານ​ການ​ຫັນ​ເປັນ​ອຸດ​ສາ​ຫະກຳ ແລະ ທັນ​ສະໄໝ​ຂອງ​ຂະແໜງ​ທະນາຄານ​ຂອງ ​ສປປ ລາວ ໃຫ້​ມີ​ຮູບ​ປະ​ທຳ​ຍິ່ງ​ຂຶ້ນ.

ພິທີ​ເປີດ​ໂຄງການ ການ​ນຳໃຊ້​ລະບົບ​ບັດ​ທະນາຄານ​ຮ່ວມກັນ​ ລະຫວ່າງທະນາຄານ ແຫ່ງ ​ສປປ ລາວ ແລະ ສະ​ຖາ​ບັນ​ການເງິນ​ຂອງ ​ສປ ຈີນ ໂດຍ​ສະເພາະແມ່ນ​ທະນາຄານພັດທະນາ​ແຫ່ງຊາດ​ຈີນ ຈັດ​ຂຶ້ນ​ໃນ​ອາທິດ​ຜ່ານມາ ຢູ່​ທີ່​ໂຮງແຮມ​ລາວ​ພລາ​ຊາ ໂດຍ​ການ​ເຂົ້າ​ຮ່ວມ​ຂອງ​ທ່ານ ​ດຣ. ບຸນ​ປອນ ບຸດ​ຕະ​ນະ​ວົງ ຮອງນາຍົກລັດຖະມົນຕີ ຜູ້​ຊີ້​ນຳ​ວຽກງານ​ເສດຖະກິດ​ມະຫາ​ພາກ ແລະ ບໍລິການ ທ່ານ ກວນ ຫົວ ປິງ ເອກ​ອັກ​ຄະ​ລັດ​ຖະ​ທູດ​ຈີນ ປະຈຳ​ລາວ ພ້ອມ​ດ້ວຍ​ຜູ້ຕາງໜ້າຈາກ​ທະນາຄານ ​ທຫລ ທະ​ນາຄານ​ພັດທະນາ​ແຫ່ງ​ຊາດ​ຈີນ ແລະ ພະນັກງານ-ວິຊາ​ການກ່ຽວຂ້ອງ​ສອງ​ຝ່າຍ.

ທ່ານ ສອນ​ໄຊ ສິດ​ພະ​ໄຊ ຮອງ​ຜູ້​ວ່າການ​ທະນາຄານ​ແຫ່ງ ​ສປປ ລາວ ກ່າວ​ວ່າ: ໂຄງການນຳ​ໃຊ້​ລະບົບ​ບັດ​ທະນາຄານຮ່ວມ​ກັນ​ນີ້ ລັດຖະບານ​ລາວ ໄດ້​ມອບ​ໃຫ້​ທະນາຄານ ​ທຫລ ເປັນ​ຜູ້​ຮັບຜິດຊອບ​ການຈັດຕັ້ງ​ປະຕິບັດໂຄງການ​ສ່ວນ​ຝ່າຍ ​ສປ ຈີນ ມອບ​ໃຫ້​ທະນາຄານ​ພັດທະນາແຫ່ງ​ຊາດ​ຈີນ ເປັນ​ຜູ້​ຮັບຜິດຊອບ​ໂຄງການ​ດັ່ງກ່າວ ​ແມ່ນ​ໝາກຜົນ​ຂອງ​ການ​ຮ່ວມ​ມື ​ກໍ່​ຄື​ການ​ເຫັນ​ໄດ້​ຄວາມ​ສຳຄັນ​ ໃນ​ການ​ພັດທະນາ​ລະບົບ​ຊຳລະ​ສະ​ສາງ​ຜ່ານ​ຕູ້ ATM ໂຄງການ​ຈະ​ເຮັດ​ໃຫ້​ຂະແໜງການ​ເງິນ​ຂອງ​ສອງ​ຝ່າຍ ​ມີ​ຄວາມ​ທັນ​ສະໄໝ ວ່ອງໄວ ແລະ ຊັດ​ເຈນ​ຍິ່ງ​ຂຶ້ນ ລວມ​ທັງ​ຫຼຸດຜ່ອນ​ຕົ້ນ​ທຶນ​ການ​ຕິດ​ຕັ້ງ​ຕູ້ ATM ເຊິ່ງ​ລັດຖະບານ​ສອງ​ປະເທດ ​ໄດ້​ອະນຸຍາດ​ໃຫ້​ສອງ​ທະນາຄານ​ລາວ-ຈີນ ສຶກ​ສາ ແລະ ຮ່ວມ​ກັນຄົ້ນຄວ້າ​ການຈັດຕັ້ງ​ປະຕິບັດ​ໂຄງການ​ແຕ່​ປີ 2012 ເປັນຕົ້ນ​ມາ.

ແຫ່ລງຂ່າວ

ວຈໝ

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...