ສຳນັກຂ່າວຕ່າງປະເທດ ລາຍງານໃນວັນທີ 24 ພະຈິກຜ່ານມານີ້ວ່າ ໃນລະຫວ່າງການພົບປະຫາລື ທີ່ນະຄອນຫລວງເຕເຮຣານ ປະເທດອີຣ່ານ ເມື່ອວັນຈັນທີ 23 ພະຈິກຜ່ານມາ ທ່ານ ຢາຕໍເລາະ ອາລີ ຄາເມເນອີ ຜູ້ນຳສູງສຸດຂອງອີຣ່ານ ໄດ້ກ່າວກັບ ທ່ານ ວະລາດີເມຍ ປູຕິນ ປະທານາທິບໍດີຣັດເຊຍວ່າ ” ອາເມຣິກາ ມີແຜນການໄລຍະຍາວ ແລະ ກຳລັງພະຍາຍາມ ຍຶດຄອງຊີຣີ ກ່ອນທີ່ຈະຄອບງຳທັງໝົດ ທົ່ວຕາເວັນອອກກາງ ຊຶ່ງຈະກະທົບກະເທືອນທຸກໆປະເທດ ໂດຍສະເພາະ ອີຣ່ານ ແລະ ຣັດເຊຍ “
ພ້ອມກັນນັ້ນ ທັງສອງຝ່າຍຍັງເຫັນດີເຫັນພ້ອມກັນວ່າ ຄົນນອກບໍ່ຄວນໄປບົງການ ໃນຂະບວນການທາງການເມືອງຂອງຊີຣີ ແລະ ມີພຽງປະຊາຊົນຊີຣີເທົ່ານັ້ນ ທີ່ສາມາດຕັດສິນອານາຄົດ ຂອງປະທານາທິບໍດີ ບາຊາ-ອັນ ອັດຊາດ ໄດ້ ໂດຍຜ່ານການເລືອກຕັ້ງ ພາຍຫລັງການຢຸດຍິງ.