spot_img
Homeຂ່າວການພັດທະນາກອງປະຊຸມຄະນະກຳມະການແຫ່ງຊາດດ້ານໂພຊະນາການ

ກອງປະຊຸມຄະນະກຳມະການແຫ່ງຊາດດ້ານໂພຊະນາການ

Published on

4-1-2 4-1-1

ກອງປະຊຸມຄະນະກຳມະການແຫ່ງຊາດ ດ້ານໂພ ຊະນາການໄດ້ຈັດຂຶ້ນໃນວັນທີ 20 ພະຈິກນີ້ ທີ່ໂຮງແຮມລາວພລາຊາ ພາຍໃຕ້ການເປັນປະທານຂອງ ທ່ານ ພັນຄຳ ວິພາວັນ ຮອງນາຍົກລັດຖະມົນຕີຜູ້ຊີ້ນຳຂົງເຂດວັດທະນະທຳ-ສັງຄົມລັດຖະມົນຕີວ່າການກະຊວງສຶກສາທິການ ແລະ ກິລາປະທານຄະນະກຳມະການແຫ່ງຊາດດ້ານ ໂພຊະນາການ;ພ້ອມດ້ວຍບັນດາຄະນະກຳມະການ, ກອງເລຂາຄະນະກຳມະການແຫ່ງຊາດ ດ້ານໂພຊະນາການ, ເຈົ້າແຂວງ, ຫົວໜ້າພະແນກ ສາທາລະນະສຸກແຂວງ,ຫົວໜ້າພະແນກ ແຜນການ ແລະ ການລົງ ທຶນແຂວງ 18 ແຂວງເຂົ້າຮ່ວມ.
ຈຸດປະສົງຂອງກອງປະຊຸມ ແມ່ນ:
ເພື່ອຜ່ານບົດບັນທຶກກອງ ປະຊຸມຄະນະກຳມະການຄັ້ງ ຜ່ານມາໃນວັນທີ 9 ເດືອນກຸມ ພາປີ 2015 ແລະ ເພື່ອສະເໜີແຜນຍຸດທະສາດແຫ່ງຊາດ ດ້ານໂພຊະນາການປີ 2025 ແລະ ແຜນງານການຈັດຕັ້ງປະຕິບັດ ຂອງວຽກງານ ໂພຊະນາການສຳລັບປີ 2016-2020 ພ້ອມນັ້ນກອງປະຊຸມໄດ້ຮັບຟັງການລາຍງານກ່ຽວກັບສະພາບຄວາມຄືບ ໜ້າໃນການ ຈັດຕັ້ງປະຕິບັດແບບມີສ່ວນ ຮ່ວມຂອງຫຼາຍພາກສ່ວນໃນ ສປປ ລາວ ໂດຍການສະເໜີຂອງ ທ່ານ ສຈ. ດຣ ເອກະຫວ່າງ ວົງວິຈິດ ລັດຖະມົນຕີວ່າການກະຊວງສາທາ ລະນະສຸກທ່ານ ໄດ້ຍົກໃຫ້ເຫັນຫຼາຍບັນຫາພົ້ນ ເດັ່ນທີ່ຍັງເປັນສິ່ງທ້າທາຍໃນ ການຈັດຕັ້ງປະຕິບັດ ເພື່ອໃຫ້ ບັນລຸເປົ້າໝາຍສະຫັດສະຫວັດ ດ້ານການພັດທະນາໃນເປົ້າ ໝາຍທີ 1. ຊຶ່ງປະຈຸບັນເດັກຕ່ຳ ກວ່າ 5 ປີ ໃນປະເທດເຮົາຍັງ ມີບັນຫາດ້ານໂພຊະນາການ ເຊັ່ນ: ການຂາດສານອາຫານ ຊຳເຮື້ອ 44% ນ້ຳໜັກຫຼຸຸດມາດ ຕະຖານ 27% ຈ່ອຍ 7% ຂາດ ສານອາຫານກະທັນຫັນ (ຂໍ້ ມູນຈາກການສຳຫຼວດດັດຊະນີ ໝາຍສັງຄົມລາວ ປີ 2012).ກອງປະຊຸມໄດ້ນຳສະເໜີການ ມີສ່ວນຮ່ວມຂອງໂຄງການຫຼຸຸດ ຜ່ອນຄວາມທຸກຍາກທີ່ໄດ້ປະ ກອບສ່ວນໃນການຈັດຕັ້ງປະ ຕິບັດວຽກງານໂພຊະນາການ ໃນ ສປປ ລາວ.
ທ່ານປະທານກອງປະຊຸມ ໄດ້ໃຫ້ທິດຊີ້ນຳໃຫ້ຄະນະກຳມະການແຫ່ງຊາດໃຫ້ກອງເລຂາຄະນະກຳມະການແຫ່ງຊາດ ແລະ ທຸກພາກສ່ວນກ່ຽວ ຂ້ອງຈັດຕັ້ງຜັນຂະຫຍາຍ ທິດຊີ້ ນຳ 5 ອັນດັ່ງນີ້.
1. ເປັນເອກະພາບກັບ ການລາຍງານກ່ຽວກັບສະ ພາບທາງດ້ານໂພຊະນະການ ທີ່ ສປປ ລາວ.
2. ໃຫ້ປັບປຸງການຈັດຕັ້ງ ແລະ ການເຄື່ອນໄຫວຂອງກອງ ເລຂາຄະນະກຳມະການແຫ່ງ ຊາດໃຫ້ເຂັ້ມແຂງໃຫ້ເປັນຈຸດ ໃຈກາງໃນການພົວພັນປະ ສານງານ ແລະ ຕີຈັງຫວະ ໃຫ້ການຈັດຕັ້ງຜັນຂະຫຍາຍຂອງບັນດາແຜນການ ພ້ອມທັງຕິດຕາມປະເມີນຜົນສະຫຼຸບສັງລວມລາຍງານຄວາມຄືບໜ້າໃນການຈັດຕັ້ງປະຕິບັດແຜນໂພຊະນາການ ໃຫ້ຄະນະ ກຳມະການແຫ່ງຊາດ ແລະ ໃຫ້ ແຕ່ລະຂະແໜງການເປັນໄລຍະ.
3. ໃຫ້ກອງເລຂາ ຄະນະກຳມະການແຫ່ງຊາດ ແລະ ຄະນະທີ່ກ່ຽວຂ້ອງແບ່ງຄວາມຮັບ ຜິດຊອບໃຫ້ລະອຽດວ່າຈະໃຫ້ ແຕ່ລະຂະແໜງການນັບແຕ່ ສູນກາງຫາທ້ອງຖິ່ນ ເຮັດຫຍັງ ເຮັດແນວໃດ.
4. ໃຫ້ກອງເລຂາ ຄະນະກຳມະການແຫ່ງຊາດ ແລະ ຄະນະທີ່ກ່ຽວຂ້ອງໄປຄົ້ນຄວ້າໃຫ້ ມີຄວາມເປັນເອກະພາບດ້ານ ການອອກແບບແຜນການ, ໂຄງການ, ການກຳນົດ ຈຸດປະສົງ ແລະ ຕົວຊີ້ວັດ, ໃຫ້ຄົ້ນຄວ້າ ສຸດມາດຕະການ ແລະ ວິທີການ ທີ່ເປັນເອກະພາບ, ການເຊື່ອມ ສານດັ່ງກ່າວເຂົ້າໃນ ແຜນການ ຂອງແຕ່ລະຂະແໜງການ, ການ ສ້າງແຜນເຄື່ອນໄຫວທີ່ເປັນເອ ກະພາບແລ້ວໃຫ້ແຕ່ລະຂະ ແໜງຈັດຕັ້ງປະຕິບັດໄປລວງດຽວກັນ ແລະ  ບໍ່ຊ້ຳຊ້ອນກັນ.
5. ໃຫ້ກອງເລຂາຄະນະກຳມະການແຫ່ງຊາດ ແລະ ຄະນະທີ່ກ່ຽວຂ້ອງໄປຄົ້ນຄວ້າ ແລະ ພິຈາລະນາຄືນໃໝ່ໃຫ້ ເລິກເຊິ່ງກ່ຽວກັບຈຸດສຸມທ້ອງ ຖິ່ນທີ່ຈະຈັດຕັ້ງປະຕິບັດ ແຜນ ໂພຊະນາການນັບແຕ່ລະດັບ ແຂວງ, ເມືອງ, ບ້ານ, ຊຸມຊົນ ແລະ ຄົວເຮືອນເພື່ອໃຫ້ມີປະ ສິດທິຜົນ ແລະ ໄປລວງດຽວກັນ.

ແຫ່ລງຂ່າວ

ປຊຊ

ບົດຄວາມຫຼ້າສຸດ

ປະກາດການແຕ່ງຕັ້ງ ຮອງເລຂາພັກ ແຂວງ-ຮອງເຈົ້າແຂວງ ສາລະວັນ

ໃນວັນທີ 18 ກັນຍາ 2024 ແຂວງສາລະວັນ ໄດ້ຈັດພິທີປະກາດ ແຕ່ງຕັ້ງຮອງເລຂາພັກແຂວງ, ຮອງເຈົ້າແຂວງໆສາລະວັນ, ທີ່ສະໂມສອນແຂວງ, ໃຫ້ກຽດເຂົ້າຮ່ວມເປັນປະທານຂອງ ສະຫາຍ ພົນເອກ ຈັນສະໝອນ ຈັນຍາລາດ...

ເປີດຢ່າງເປັນທາງການ ກອງປະຊຸມເຈົ້າຄອງນະຄອນຫຼວງອາຊຽນ ປີ 2024

ກອງປະຊຸມເຈົ້າຄອງນະຄອນຫຼວງອາຊຽນ (MGMAC) ແລະ ກອງປະຊຸມເວທີເຈົ້ານະຄອນອາຊຽນ (AMF) ປີ 2024  ເປີດຂຶ້ນຢ່າງເປັນທາງການໃນວັນທີ 18 ກັນຍານີ້ ທີ່ຫໍປະຊຸມແຫ່ງຊາດ ນະຄອນຫຼວງວຽງຈັນ ສປປ ລາວ,...

ພິຈາລະນາ ສະເໜີຂໍໃຫ້ອະໄພຍະໂທດ ແກ່ນັກໂທດ ປະຈໍາປີ 2024

ໃນຕອນເຊົ້າວັນທີ 18 ກັນຍາ 2024 ນີ້ ຢູ່ທີ່ຫ້ອງປະຊຸມຂອງອົງການໄອຍະການປະຊາຊົນສູງສຸດ ໄດ້ຈັດກອງປະຊຸມຄະນະກໍາມະການອະໄພຍະໂທດ ລະດັບຊາດ ເພື່ອຄົ້ນຄວ້າພິຈາລະນາການສະເໜີຂໍໃຫ້ອະໄພຍະໂທດ ແກ່ນັກໂທດປະຈໍາປີ 2024 ໂດຍການເປັນປະທານຂອງ ພົນເອກ ວິໄລ...

ແຈ້ງເຕືອນໄພສະບັບທີ 2 ພາຍຸຫນູນເຂດຮ້ອນ ໃນລະຫວ່າງວັນທີ 18 – 22 ກັນຍາ 2024

ພາຍຸດີເປຣຊັນ ກາລັງເຄື່ອນທີຢູ່ເຂດທະເລຈີນໃຕ້ ຕອນກາງ ດ້ວຍຄວາມໄວ 25 ກິໂລແມັດຕໍ່ ຊົ່ວໂມງ ຊຶ່ງໃນເວລາ 8 ໂມງ 25 ນາທີ ມີຈຸດສູນ ກາງ...