spot_img
Homeຂ່າວການພັດທະນານະຄອນຫຼວງວຽງຈັນເລັ່ງປະຕິບັດມາດຕະການສະອາດເພື່ອຄ່ຳນັບຮັບຕ້ອນວັນຊາດທີ 2 ທັນວາ

ນະຄອນຫຼວງວຽງຈັນເລັ່ງປະຕິບັດມາດຕະການສະອາດເພື່ອຄ່ຳນັບຮັບຕ້ອນວັນຊາດທີ 2 ທັນວາ

Published on

IMG_8075

ທ່ານ ແກ້ວພິລາວັນ ອາໄພລາດ ຮອງເຈົ້າຄອງນະຄອນຫຼວງວຽງຈັນ,ອານຸກຳມະການອະນາໄມ, ປະດັບປະດາຕົວເມືອງ ແລະ ແກ້ໄຂຄວາມແອອັດໃນນະຄອນຫຼວງວຽງຈັນເພື່ອກະ ກຽມໃຫ້ແກ່ການສະເຫຼີມສະຫຼອງວັນສະຖາປະນາ ສປປ ລາວ ຄົບຮອບ 40 ປີ ກ່າວວ່າ: ປັດຈຸບັນນະຄອນຫຼວງພວມເລັ່ງໃສ່ຮັກສາອະນາໄມ ແລະ ປະດັບປະດາຕົວເມືອງດ້ວຍຄວາມຕັ້ງໜ້າເພື່ອກຽມໃຫ້ແກ່ການສະເຫຼີມສະຫຼອງວັນປະຫວັດສາດສຳຄັນດັ່ງກ່າວ, ຊຶ່ງເລັ່ງໃສ່ປະຕິບັດມາດຕະ ການສະອາດຄື: ໃຫ້ທຸກພາກສ່ວນນັບທັງສຳນັກງານອົງການແດລະເຮືອນຊານປະຊາຊົນເອົາ ໃຈໃສ່ການຮັກສາອະນາໄມຕາມເສັ້ນທາງບໍ່ໃຫ້ມີຂີ້ຝຸ່ນ ແລະ ນ້ຳຂັງເປີະເປື້ອນ, ພ້ອມທັງບູລະນະເສັ້ນທາງທີ່ມີສະພາບຊຸດໂຊກເປ່ເພ ແລະ ຫ້າມນຳໃຊ້ທາງຍ່າງເປັນບ່ອນຄ້າຂາຍຫຼືກິດຈະກຳອື່ນໆອັນເປັນສິ່ງກີດຂວາງການສັນຈອນ, ສວນສາທາລະນະທຸກແຫ່ງໃຫ້ມີຄວາມສະອາດ ແລະ ຂຽວ ງາມຢູ່ຕະຫຼອດເວລາ,ສະຖານທີ່ຈອດລົດ, ທ່າເຮືອ ແລະ

ສະໜາມບິນທຸກແຫ່ງບໍ່ໃຫ້ມີສະພາບເປື້ອນເປືະຂາດຄວາມເປັນລະບຽບຮຽບຮ້ອຍ, ຕະຫຼາດສູນການຄ້າ ແລະ ຮ້ານອາຫານຕ່າງາໆໃນຕົວເມືອງຕ້ອງມີສະພາບແວດລ້ອມທີ່ດີບໍ່ສົ່ງຜົນກະທົບທາງລົບຕໍ່ສິ່ງແວດລ້ອມ ແລະ ຜູ້ບໍລິໂພກບໍ່ຖິ້ມຂີ້ເຫຍື້ອຊະຊາຍ ແລະ ຕ້ອງມີບ່ອນຈອດລົດໃຫ້ພຽງພໍ, ໂຮງຮຽນ, ໂຮງໝໍ, ສະໂມສອນ, ໂຮງລະຄອນ, ຫໍວັດທະນະທຳ, ຫໍສະໝຸດ, ສະໜາມກິລາ ແລະອື່ນໆກໍຕ້ອງມີສະພາບແວດລ້ອມທີ່ດີມີຄວາມສະອາດສວຍງາມ, ໂຮງຈັກໂຮງງານບໍ່ໃຫ້ມີສານເຄມີຕົກຄ້າງບໍ່ປ່ອຍຄວັນ, ກິ່ນ ແລະ ສຽງດັງອອກທາງນອກເກີນມາດຕະຖານທີ່ກຳນົດໄວ້ ແລະຕອງມີລະບົບບຳບັດນ້ຳເສຍນ້ຳເປື້ອນກ່ອນຈະປ່ອຍລົງສູ່ໜອງນ້ຳທຳມະຊາດ, ເຂດຊຸມຊົນ,ຕະຫຼາດ ແລະ ບ່ອນຈຳໜ່າຍສິນຄ້າອຸປະ ໂພກ, ບໍລິໂພກຕ່າງໆຕ້ອງມີສະພາບແວດລ້ອມທີ່ດີ, ມີຄວາມສະອາດ, ໂດຍສະເພາະແມ່ນອາຫານການກິນຕ່າງໆຕ້ອງມີຄວາມປອດໄພບໍ່ໃຫ້ມີສານປົນເປື້ອນໃດໆ ແລະ ບໍ່ສົ່ງຜົນກະທົບຕໍ່ສິ່ງແວດ ລ້ອມ, ຄອງລະບາຍນ້ຳຕ່າງໆໃນຕົວເມືອງບໍ່ໃຫ້ມີກິນເໝັ່ນ, ບໍ່ໃຫ້ມີຂີ້ເຫຍື້ອ, ນ້ຳດື່ມທຸກປະເພດທີ່ນຳອອກຈຳໜ່າຍຕ້ອງມີຄວາມສະອາດຕາມມາດຕະຖານຫຼັກອະນາໄມ,ຫ້າມເດັດຂາດບໍ່ໃຫ້ມີການຈູດຂີ້ເຫຍື້ອຊະຊາຍສົ່ງສິ່ງປົນເປື້ອນໃນອາກາດ, ທັງເປັນການຮັກສາບໍ່ໃຫ້ເກີດມົນລະພິດໃນສິ່ງແວດລ້ອມ ແລະ ອື່ນໆ, ດັ່ງນັ້ນຈຶ່ງຮຽຮ້ອງໃຫ້ທຸກພາກສ່ວນ, ທັງພາກລັດ ແລະ ເອກະຊົນ, ຕະຫຼອດຮອດປະຊາຊົນຊາວນະຄອນຫຼວງວຽງຈັນຈົ່ງພ້ອມກັນເອົາໃຈໃສ່ເປັນເຈົ້າການໃນການ ຈັດຕັ້ງປະຕິບັດ, ເພື່ອສ້າງຜົນງານຄຳນັບຮັບຕ້ອງວັນຊາດທີ 2 ທັນວາຄົບຮອບ 40 ປີຈະມາເຖິງ ແລະ ເເຮັດໃຫ້ນະຄອນຫຼວງວຽງຈັນມີຄວາມສະອາດສວຍງາມ, ມີຄວາມເປັນລະບຽບຮຽບຮ້ອຍເປັນເມືອງທີ່ໜ້າຢູ່, ດັ່ງຄຳຂວັນ 6 ສ ທີ່ນະຄອນຫຼວງວຽງຈັນໄດ້ວາງໄວ້.

ແຫ່ລງຂ່າວ

ລພນ

ບົດຄວາມຫຼ້າສຸດ

ຍີ່ປຸ່ນທຸບສະຖິຕິໃໝ່! ກວດພົບຄື້ນຄວາມຮ້ອນ ອຸນຫະພູມ 41.8 ອົງສາ ພ້ອມເຕືອນໄພປະຊາຊົນໃຫ້ອອກຈາກພື້ນທີ່ສ່ຽງ

ຍີ່ປຸ່ນທຸບສະຖິຕິອາກາດຮ້ອນສູງສຸດ 41.8 ອົງສາ ເຈົ້າໜ້າທີ່ເລັ່ງອົບພະຍົບປະຊາຊົນ ພ້ອມເຕືອນໂຣກລົມແດດ 44 ແຂວງໃນຍີ່ປຸ່ນ ຂະນະດຽວກັນພາກເໜືອຮັບມືຝົນຕົກໜັກ-ສ່ຽງນ້ຳຖ້ວມຊຸ. ສຳນັກຂ່າວຕ່າງປະເທືດລາຍງານໃນວັນທີ 7 ສິງຫາ 2025 ສຳນັກງານອຸຕຸນິຍົມວິທະຍາຂອງປະເທດຍີ່ປຸ່ນ (Japan Meteorological...

ຄະນະບໍລິຫານງານພັກກະຊວງປ້ອງກັນຄວາມ ສະຫງົບ ສະໄໝທີ VI ປະກອບມີ 27 ສະຫາຍ ຍິງ 1 ສະຫາຍ

ຊົມເຊີຍ ຜົນສຳເລັດກອງປະຊຸມຄັ້ງປະຖົມມະລຶກກອງປະຊຸມໃຫຍ່ຜູ້ແທນ ຄັ້ງທີ VI ອົງຄະນະພັກກະຊວງປ້ອງກັນຄວາມສະຫງົບ ໃນຕອນເຊົ້າວັນທີ 6 ສິງຫາ 2025, ສະຫາຍ ພົອ ວິໄລ ຫຼ້າຄຳຟອງ ໄດ້ລາຍງານຜົນຂອງກອງປະຊຸມຄັ້ງປະຖົມມະລຶກຄະນະບໍລິຫານງານພັກກະຊວງປ້ອງກັນຄວາມສະຫງົບ ສະໄໝທີ...

ລາວປະເຊີນບັນຫາພລາສຕິກລົ້ນຕະຫຼາດທ່າມກາງລາຄາຕົກຕໍ່າ

ເສດຖົງຢາງທີ່ເກົ່າໝອງຈົນເກືອບແຍກສີບໍ່ອອກ ບວກກັບຕຸກນໍ້າພລາສຕິກທີ່ຖືກຖິ້ມຊະຊາຍເປັນວົງກວ້າງໃນນະຄອນຫຼວງວຽງຈັນ ເປັນພຽງສ້ຽວໜຶ່ງຂອງເລື່ອງເລົ່າກ່ຽວກັບພລາສຕິກຂອງເມືອງຫຼວງແຫ່ງນີ້. ພາຍໃຕ້ມົນລະມິດທີ່ສາມາດເບິ່ງເຫັນໄດ້ດ້ວຍຕາເປົ່ານີ້ ລ້ວນແຕ່ເຊື່ອງຊ້ອນວິກິດການຂັ້ນຮ້າຍແຮງກວ່າທີ່ຄິດໄວ້. ເນື່ອງຈາກສິ່ງດັ່ງກ່າວໄດ້ກາຍເປັນໄພຂົ່ມຂູ່ຕໍ່ສິ່ງແວດລ້ອມທາງທໍາມະຊາດຂອງລາວ ທັງເປັນໄພຂົ່ມຂູ່ຕໍ່ສຸຂະພາບຂອງຜູ້ຄົນຫຼາຍຮ້ອຍ ທີ່ຕ້ອງເພິ່ງພາການຊື້-ຂາຍສິ່ງເສດເຫຼືອປະເພດພລາສຕິກ. ໃນລະຫວ່າງວັນທີ 5 ຫາ 14 ສິງຫາ, ບັນດາຜູ້ນໍາຈາກຫຼາຍປະເທດໃນໂລກຈະມາເຕົ້າໂຮມກັນທີ່ ເຈນີວາ, ປະເທດສະວິດເຊີແລນ...

ປະກາດ-ແຕ່ງຕັ້ງ ສະຫາຍ ພົນຈັດຕະວາ ແປ້ນຄໍາ ບຸດຈັດແພງ ຮັກສາການແທນເຈົ້າແຂວງ ແຂວງບໍ່ແກ້ວ (ຜູ້ໃໝ່)

ມອບ-ຮັບ ໜ້າທີ່ ລະຫວ່າງ ເລຂາຄະນະບໍລິຫານງານພັກແຂວງ, ເຈົ້າແຂວງ ແຂວງບໍ່ແກ້ວ (ຜູ້ເກົ່າ) ກັບ ຮັກສາການແທນເລຂາຄະນະບໍລິຫານງານພັກແຂວງ, ຮັກສາການເຈົ້າແຂວງ ແຂວງບໍ່ແກ້ວ (ຜູ້ໃໝ່) ປະກາດ ແລະ ມອບ-ຮັບ...