ຊາຍຝຣັ່ງກໍ່ເຫດ…ຖືກຕຳຫລວດອັງກິດຕັ້ງຂໍ້ຫາ ມີທັງປືນໄຣເຟີ້ນແລະມີດໃນຄອບຄອງ ກຽມຖືກນຳຕົວຂຶ້ນສານ ຫລັງເກີດເຫດລະທຶກ ພົບ ‘ວັດຖຸຕ້ອງສົງໄສ’ ໃນສະໜາມບິນແກດວິກ ຈົນຕ້ອງອົບພະຍົບຄົນອອກຈາກອາຄານຜູ້ໂດຍສານ
ເມື່ອ 16 ພະຈິກ ສຳນັກຂ່າວຕ່າງປະເທດລາຍງານຄືບໜ້າເຫດການລະທຶກທີ່ສະໜາມບິນແກດວິກ ໃນນະຄອນຫລວງລອນດອນ ປະເທດອັງກິດ ເມື່ອພົບວັດຖຸຕ້ອງສົງໄສ ຈົນຕ້ອງອົບພະຍົບຜູ້ຄົນອອກຈາກອາຄານຜູ້ໂດຍສານ ເມື່ອເວລາປະມານ 09.30 ນ. ຂອງມື້ວັນເສົາທີ່ 14 ພະຈິກ ຕາມເວລາທ້ອງຖິ່ນ ຫລື ພຽງມື້ດຽວ ຫລັງເກີດເຫດກໍ່ການຮ້າຍເທື່ອໃຫຍ່ໂຈມຕີນະຄອນຫລວງປາຣີດ ໃນເວລາຕໍ່ມາ ເຈົ້າຫນ້າທີ່ຕຳຫລວດອັງກິດໄດ້ຈັບກຸມທ້າວ ເຈີໂຣມ ຊໍລິດ (Jerome Chauris) ຊາວຝຣັ່ງ ໄວ 41 ປີ ຈາກເມືອງ Vendome ໄດ້ທີ່ສະໜາມບິນແກດວິກ ເມື່ອວັນທີ່ 14 ພະຈິກ ໃນຂໍ້ຫາມີອາວຸດປືນໄຣເຟີ້ນ 1 ກະບອກ ແລະມີດ 1 ເຫລັ້ມໄວ້ໃນຄອບຄອງ ໂດຍຈະນຳຕົວທ້າວເຈີໂຣມ ຊໍລິດຂຶ້ນສານເຊົ້າມື້ວັນຈັນນີ້ ຕາມເວລາທ້ອງຖິ່ນ
ເວັບໄຊຕ໌ ມິລ໌ເລີ ອອນໄລນ໌ ເຜີຍວ່າ ທ້າວເຈີໂຣມ ຊໍລິດ ຊາຍຊາວຝຣັ່ງ ໄດ້ຖືກເຈົ້າຫນ້າທີ່ສະໜາມບິນແກດວິກຈັບກຸມໄດ້ທີ່ອາຄານຜູ້ໂດຍສານ ເມື່ອວັນທີ່ 14 ພະຈິກ ຂະນະທີ່ທາງສະໜາມບິນໄດ້ມີການລັອກປະຕູແລະອົບພະຍົບຜູ້ຄົນອອກຈາກອາຄານ
