spot_img
Homeຂ່າວພາຍ​ໃນສູນການຄ້າໄອເຕັກມໍ ເປີດເປັນທາງການ ພ້ອມເຜີຍຈະສ້າງສວນນ້ຳ ພາຍໃນປີ 2016!

ສູນການຄ້າໄອເຕັກມໍ ເປີດເປັນທາງການ ພ້ອມເຜີຍຈະສ້າງສວນນ້ຳ ພາຍໃນປີ 2016!

Published on

4-1

ໄອເຕັກຈະກາຍເປັນ ສູນກາງການຄ້າການບໍລິການ ສຳຄັນອີກແຫ່ງໜຶ່ງຂອງນະຄອນຫຼວງ, ຫຼັງຈາກທີ່ອາຄານ ໄອເຕັກມໍໄດ້ເປີດບໍລິການຢ່າງ ເປັນ ທາງການ ໂດຍຫວັງວ່າຈະ ເປັນທາງເລືອກໃຫ້ຊາວນະ ຄອນຫຼວງເລືອກຊື້ – ຂາຍສິນ ຄ້າຢ່າງສະດວກສະບາຍ.
ທ່ານ ສັກໄຊ ວົງມາລາສິດ ປະທານບໍລິສັດລາວເວີນ ມະຫາຊົນກ່າວວ່າ:​ ອາຄານໄອ ເຕັກມໍເປັນການລົງທຶນໄລຍະ ສອງຂອງສັນຍາການລົງທຶນກໍ່ ສ້າງ ໂດຍໄດ້ເລີ່ມລົງມືກໍ່ສ້າງ ມາແຕ່ປີ 2014 ມູນຄ່າການກໍ່ ສ້າງທັງໝົດ 251 ຕື້ກີບ, ອາ ຄານສູງ 7 ຊັ້ນເຄິ່ງ ແລະ 2 ຊັ້ນ ໃຕ້ດິນ ຊຶ່ງຊັ້ນໃຕ້ດິນ B1 ຈະເປັນຮ້ານສະດວກຊື້ ແລະ ສະ ຖານທີ່ຈອດລົດ,​ ຊັ້ນໃຕ້ດິນ B2 ສຳລັບບ່ອນຈອດລົດ, ສ່ວນ ຊັ້ນທີ 1 ສຳລັບຮ້ານຂາຍເຄື່ອງ ທົ່ວໄປ, ທະນາ ຄານ ແລະ ສະ ຖາບັນການເງິນຕ່າງໆ,​ ຊັ້ນທີ 2 ຮ້ານຂາຍຄຳ, ເຄື່ອງເງິນ, ແວ່ນຕາ, ໂມງ ແລະ ອື່ນໆ; ຊັ້ນທີ 3 ແມ່ນຂາຍເຄື່ອງແຟເຊິນຕ່າງໆ; ຊັ້ນທີ​ 4 ແມ່ນຂາຍ ເຄື່ອງໃຊ້ໃນຄົວເຮືອນ ແລະ ອຸປະກອນໄຟຟ້າ; ຊັ້ນທີ 5 ຮ້ານປອດພາສີ; ຊັ້ນທີ 6 ຮ້ານຂາຍ ເຄື່ອງກິລາ, ບ່ອນອອກກຳລັງກາຍ ແລະ ຮ້ານອາຫານຕ່າງໆ ແລະ ຊັ້ນທີ 7 ແມ່ນໃຊ້ສຳລັບຈັດກິດຈະກຳຕ່າງໆເຊັ່ນ: ຫ້ອງ ປະຊຸມ ແລະ ງານວາງສະແດງ.
ທ່ານກ່າວອີກວ່າ: ແຜນການ ໃນຕໍ່ໜ້າຍັງຈະສ້າງສວນນ້ຳ ຄາດວ່າຈະເປີດນຳໃຊ້ໃນປີ 2016 ຈະເຖິງນີ້ ພ້ອມກັນນັ້ນ ຍັງກໍ່ສ້າງສະໜາມກິລາບານ ເຕະຫຍ້າທຽມ ແລະ ຈັດລະບົບ ການສັນຈອນ ເພື່ອບໍ່ໃຫ້ສັບ ສົນໃນການເຂົ້າ-ອອກ.
ທ່ານ ວິສັນ ນະວົງສັກ ຮອງ ປະທານບໍລິສັດລາວເວີນ ມະ ຫາຊົນກ່າວວ່າ: ມາເຖິງປະຈຸ ບັນການຈັບຈອງ ເພື່ອຄ້າ-ຂາຍ ຂອງຜູ້ປະກອນການຫຼາຍ ກ່ວາ 80% ແລ້ວ,​ ເຫຼືອພຽງແຕ່ຊັ້ນ ທີ 5 ຊຶ່ງເປັນຮ້ານຄ້າປອດພາ ສີ. ປະຈຸບັນຍັງຢູ່ຂັ້ນຕອນຂອງ ການແລ່ນເອກະສານ.
ຜ່ານການເປີດທົດລອງບໍລິ ການໄດ້ຮັບສຽງຕອບຮັບຈາກ ປະຊາຊົນຊາວນະຄອນຫຼວງ ວຽງຈັນເປັນຈຳນວນຫຼວງຫຼາຍ ຊຶ່ງພິທີເປີດບໍລິການຢ່າງເປັນ ທາງການໃນມື້ນີ້, ຍິ່ງຈະເຮັດ ໃຫ້ສັງຄົມໄດ້ຮັບຮູ້ຫຼາຍຂຶ້ນອີກ ໂດຍຫວັງວ່າ: ຈະເປັນທາງ ເລືອກໃຫ້ຜູ້ສົນໃຈໄດ້ມາຈັບ ຈ່າຍໃຊ້ສອຍໄດ້ຕາມຄວາມ ຕ້ອງການ ເພາະພວກເຮົາມີສິນ ຄ້າຫຼາກຫຼາຍປະເພດມາໂຮມ ໄວ້ໃນສະຖານທີ່ແຫ່ງນີ້.

 

ແຫລ່ງຂ່າວ:

ປຊຊ

 

ບົດຄວາມຫຼ້າສຸດ

ໄລຍະ 3 ເດືອນ ຄະນະກຳມະການສົ່ງເສີມ ແລະ ຄຸ້ມຄອງການລົງທຶນ ສາມາດດຶງດູດການລົງທຶນໄດ້ 1 ຕື້ກວ່າໂດລາ

ທ່ານ ສະເຫຼີມໄຊ ກົມມະສິດ, ຮອງນາຍົກລັດຖະມົນຕີ, ປະທານຄະນະກຳມະການສົ່ງເສີມ ແລະ ຄຸ້ມຄອງການລົງທຶນ ໄດ້ລົງຊີ້ນຳວຽກງານ ຫ້ອງການ ຄະນະກຳມະການສົ່ງເສີມ ແລະ ຄຸ້ມຄອງການລົງທຶນ. ໃນຕອນເຊົ້າຂອງ ວັນທີ 13...

ເສຍຊີວິດຢ່າງນ້ອຍ 4 ຄົນ ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ

ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ ສຳນັກຂ່າວຕ່າງປະເທດລາຍງານໃນຊ່ວງຕອນເຊົ້າຂອງວັນອາທິດ 12 ຕຸລາ 2025 ເກີດເຫດເຫດການກວດຍິງ ພາຍໃນ ບາແຫ່ງໜຶ່ງ ເຊິ່ງເປັນບາທີ່ໄດ້ຮັບຄວາມນິຍົມຢູ່ໃນລັດເຊົາແຄໂລໄລນາ ສະຫະລັດອາເມລິກາ ເຊິ່ງເຫດການດັ່ງກ່າວເຮັດໃຫ້ມີຄົນເສຍຊີວິດຢ່າງນ້ອຍ 4 ຄົນ...

ເລີ່ມ! ວັນທີ 1 ພະຈິກ 2025 ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100%

ລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາ ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ໄດ້ອອກຄໍາສັ່ງ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100% ຈາກທີ່ປັດຈຸບັນສະຫະລັດເກັບພາສີສິນຄ້າຈີນຢູ່ທີ່...

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...