Homeຂ່າວທ້ອງຖິ່ນເມືອງຈັນທະບູລີ ເປີດວັນສັກຢາປ້ອງກັນພະຍາສັດແຫ່ງຊາດ

ເມືອງຈັນທະບູລີ ເປີດວັນສັກຢາປ້ອງກັນພະຍາສັດແຫ່ງຊາດ

Published on

75b025bfcf18ba5afe77608d9c5409cd

ຫ້ອງການ​ກະສິກຳ ແລະ ປ່າໄມ້ ເມືອງ​ຈັນທະ​ບູ​ລີ ຮ່ວມ​ກັບອຳນາດ​ການ​ປົກຄອງ​ບ້ານ​ຫ້ວຍຫົງ ພ້ອມ​ບ້ານ​ອ້ອມ​ຂ້າງ ຈັດ​ພິທີ​ວັນ​ສັກ​ຢາ​ປ້ອງ​ກັນ​ພະຍາ​ສັດແຫ່ງ​ຊາດ 11 ພະຈິກ 2015 ທົ່ວເມືອງ​ຂຶ້ນ​ຢ່າງ​ເປັນ​ທາງ​ການ ເພື່ອ​ເປັນ​ການ​ປູກ​ຈິດ​ສຳນຶກ​ໃຫ້ປະຊາຊົນ ແລະ ສັງຄົມ​ເອົາໃຈໃສ່​ການ​ກັນ ແລະ ຮັກສາ​ສຸ​ຂະພາບ​ສັດລ້ຽງ​ບໍ່​ໃຫ້​ຕິດພະຍາດ ທັງ​ເປັນ​ການ​ພັດທະນາ​ການ​ລ້ຽງສັດ​ຂອງ​ປະຊາຊົນ ການ​ສັດຕະວະ​ແພດ​ໃຫ້​ມີ​ການ​ຂະຫຍາຍຕົວຂຶ້ນ​ເລື້ອຍໆ.

ທ່ານ ທອງ​ຄູນ ພົມ​ມະ​ວົງສາ ຫົວໜ້າ​ຫ້ອງການ​ກະສິກຳ ແລະ ປ່າໄມ້​ເມືອງ ໄດ້​ກ່າວ​ວ່າ: ການເປີດ​ວັນ​ສັກ​ຢາ​ປ້ອງ​ກັນ​ພະຍາສັດ​ແຫ່ງ​ຊາດ 11 ພະຈິກ 2015 ນີ້​ທາງ​ຫ້ອງການ​ກະສິກຳ ແລະ ປ່າໄມ້​ເມືອງ ​ແມ່ນ​ໄດ້​ເຮັດ​ມາ​ແຕ່ລະ​ປີ ຊຶ່ງ​ໄດ້​ນຳ​ເອົາ​ສັດລ້ຽງຂອງ​ປະຊາຊົນ​ເປັນ​ງົວ​ບໍ່​ຕ່ຳ​ກວ່າ 40 ກວ່າ​ໂຕ ເຂົ້າ​ມາ​ສັກ​ຢາ​ກັນພະຍາດ ນອກຈາກ​ງົວ​ແລ້ວ​ຍັງໄດ້​ລະດົມ​ເອົາ​ປະເພດ​ສັດ​ປີກ ແລະ ໝູ ໝາ ມ້າ ແບ້ ມາ​ສັກຢາ​ກັນ​ພະຍາດ​ເຊັ່ນ​ກັນ ນອກຈາກ​ການ​ເປີດ​ສັກ​ຢາ​ກັນ​ພະຍາດຄັ້ງ​ນີ້​ແລ້ວ ທາງ​ຫ້ອງການກະສິກຳ ແລະ ປ່າໄມ້​ເມືອງ ແມ່ນຈະ​ມອບ​ໃຫ້​ສັດຕະວະແພດ​ປະຈຳບ້ານ ທີ່​ໄດ້​ສ້າງ​ຕາ​ໜ່າງ​ສັດຕະວະ​ແພດ​ໄວ້​ແລ້ວ ​ສືບຕໍ່​ສັກ​ຢາ​ໃຫ້ສຳເລັດ​ໃນ​ສົກ​ປີ 2015-2016 ໄດ້​ວາງ​ຕົວ​ເລກ​ຄາດໝາຍ​ແຜນການ​ສັກ​ຢາ​ປ້ອງ​ກັນ​ພະຍາດ​ສັດ ໃຫ້​ໄດ້​ບໍ່​ຕ່ຳ​ກວ່າ 70% ຂອງ​ຝູງ ທັງ​ນີ້​ເພື່ອ​ເຮັດ​ໃຫ້​ຂະ​ບວ​ການວຽກ​ງານ​ການ​ສັກ​ຢາ​ປ້ອງ​ກັນ​ພະຍາດ​ ສັດລ້ຽງ ບໍ່​ໃຫ້​ລົ້ມ​ຕາຍ​ຍ້ອນພະຍາດ​ສັດ​ລະບາດ ເຮັດ​ໃຫ້​ສັດລ້ຽງ​ມີ​ການ​ແຜ່ພັນ​ຂຶ້ນ​ເລື້ອຍໆ ແລະ ເປັນ​ເງື່ອນໄຂ​ເຮັດ​ໃຫ້​ເສດຖະ​ກິດ​ຄອບຄົວ​ຮັ່ງມີເຂັ້ມແຂງ ແລະ ອຸດົມສົມບູນ​ຍິ່ງໆ​ຂຶ້ນ.

ພິທີ​ເປີດ​ຂະ​ບວນ​ການ​ສັກ​ຢາກັນ​ພະຍາດ​ສັດ​ແຫ່ງ​ຊາດຂຶ້ນວັນ​ທີ 12 ພະຈິກ 2015 ຢູ່​ທີ່ບ້ານ​ຫ້ວຍ​ຫົງ ເມືອງ​ຈັນທະ​ບູ​ລີ ນະຄອນຫຼວງ​ວຽງ​ຈັນ ໃຫ້​ກຽດເຂົ້າ​ຮ່ວມ​ຂອງທ່ານ ເພັດ​ສະໄໝ ນັດ​ຜາ​ສຸກ ຮອງ​ເຈົ້າເມືອງ​ຈັນທະບູ​ລີ ມີ​ຕາງໜ້າ​ຂະແໜງ​ລ້ຽງສັດ ແລະ ການ​ປະມົງ​ນະຄອນຫຼວງ ຫົວໜ້າ​ຫ້ອງການ​ກະສິກຳ ແລະ ປ່າໄມ້​ເມືອງ ມີ​ບັນດາ​ພະນັກງານພາກສ່ວນ​ກ່ຽວຂ້ອງ ແລະ ແຂກຖືກ​ເຊີນ​ເຂົ້າ​ຮ່ວມ.

 

ແຫລ່ງຂ່າວ:

ວຈໝ

ບົດຄວາມຫຼ້າສຸດ

ນາຍົກລັດຖະມົນຕີລາວ ພົບປະກັບ ປະທານສະພາແຫ່ງຊາດຫວຽດນາມ ໃນໂອກາດເດີນທາງຢ້ຽມຢາມ ສສ ຫວຽດນາມ ແລະ ເຂົ້າຮ່ວມກອງປະຊຸມເວທີອະນາຄົດອາຊຽນ ຄັ້ງທີ 3

ໃນຕອນບ່າຍວັນທີ 8 ມິຖຸນາ 2026, ທີ່ ນະຄອນຫຼວງຮ່າໂນ້ຍ ສສ ຫວຽດນາມ, ສະຫາຍ ສອນໄຊ ສີພັນດອນ ກໍາມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງ...

ແຈ້ງການມອດໄຟຟ້າຊົ່ວຄາວ ລັດວິສາຫະກິດໄຟຟ້າລາວ ນວ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ ເລີ່ມແຕ່ວັນທີ 9-14 ມິຖຸນາ 2026

​ລັດວິສາຫະກິດໄຟຟ້າລາວ (EDL) ຝ່າຍຄຸ້ມຄອງລະບົບໄຟຟ້າພາກກາງ ສາຂານະຄອນຫຼວງວຽງຈັນ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ (ມອດໄຟ) ເພື່ອປັບປຸງ, ສ້ອມແປງລະບົບຕາໜ່າງໄຟຟ້າ ແລະ ຕິດຕັ້ງເສົາໄຟຟ້າໃໝ່ ໃຫ້ມີຄວາມປອດໄພ ແລະ ກຽມພ້ອມຮອງຮັບການຊົມໃຊ້ທີ່ດີຂຶ້ນ....

ກຽມໄປແຂ່ງຕໍ່ທີ່ຍີ່ປຸ່ນ MAZDA GB FC U12 ຄວ້າແຊ້ມ ບານເຕະເຍົາວະຊົນທີ່ອິນໂດເນເຊຍ ພ້ອມໄດ້ໄປແຂ່ງຕໍ່ຮອບສຸດທ້າຍທີ່ປະເທດຍີ່ປຸ່ນ

ເກັ່ງຫຼາຍ MAZDA GB FC ຢູ 12 ຄວ້າແຊ້ມບານເຕະເຍົາວະຊົນ ທີ່ອິນໂດເນເຊຍ ພ້ອມໄດ້ສິດບິນລັດຟ້າໄປແຂ່ງຂັນທີ່ປະເທດຍີ່ປຸ່ນ. ນ້ອງໆເຍົາວະຊົນຈາກສະໂມສອນ Mazda Laos GB FC ໂຊຊຟອງເກັ່ງຄວ້າແຊ້ມລາຍການແຂ່ງຂັນບານເຕະເຍົາວະຊົນລະດັບພາກພື້ນ...

ນາຍົກລັດຖະມົນຕີລາວ ສົ່ງຈົດໝາຍເຖິງນາຍົກລັດຖະມົນຕີໄທ ເພື່ອສະແດງຄວາມຂອບໃຈຕໍ່ການຊ່ວຍເຫຼືອຄົ້ນຫາ ແລະ ກອບກູ້ເອົາຊິວິດປະຊາຊົນທີ່ຕິດຄ້າງຢູ່ໃນຖໍ້າ

ວັນທີ 7 ມິຖຸນາ 2026 ທີ່ນະຄອນຫຼວງວຽງຈັນ, ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ໄດ້ສົ່ງຈົດໝາຍຂອບໃຈເຖິງທ່ານ ອະນຸທິນ ຊານວີຣະກູນ, ນາຍົກລັດຖະມົນຕີ ແຫ່ງ...