iPad Pro ກາຍ​ເປັນ​ໜຶ່ງ​ໃນ​ປະ​ເດັນ​ທີ່​ຜູ້​ຄົນ​ແວ​ດວົງ​ໄອ​ທີ​ໃຫ້​ຄວາມ​ສົນ​ໃຈ ຫລັງ​ການ​ເປີດ​ຕົວ​ວາງ​ຈຳ​ໜ່າຍ​ພ້ອມ​ກັບ Apple Pencil ແລະ Smart Keyboard ແລະ​ ຫລ້າ​ສຸດ Tim Cook ຊີ​ອີ​ໂອ Apple ກໍ​ໃຫ້​ໄດ້​ລຸ້ນ​ອີກ​ເທື່ອ​ດ້ວຍ​ການ​ອອກ​ມາ​ລະ​ບຸ​ວ່າ iPad Pro ຈະ​ເຂົ້າ​ມາ​ແທນ​ທີ່ notebook ແລະ pc ໃນ​ອະນາຄົດ​ອັນ​ໃກ້

ທັງ​ນີ້ Tim Cook ໄດ້​ໃຫ້​ສຳພາດ​ກັບ​ທາງ The Independent ສື່​ດັ່ງ​ຂອງ​ອັງ​ກິດ​ໂດຍ​ເປີດ​ເຜີຍ​ມຸມ​ມອງ​ຂອງ​ພວກເຂົາ​ໃນ​ຕົວ iPad Pro ວ່າ ແທັບ​ເລັດ 12.9 ນິ້ວ​ຕົວ​ຫລ້າ​ສຸດ​ນີ້​ຈະ​ເຂົ້າ​ມາ​ສົ່ງ​ຜົນ​ກະທົບ​ຕໍ່ຍ​ອດ​ຂາຍ PC ໃນ​ຕະ​ຫລາດ​ຢ່າງ​ບໍ່​ຕ້ອງ​ສົງ​ໄສ ແລະ​ ຜູ້​ໃຊ້​ງານ​ຈຳນວນ​ຫລວງຫລາຍ​ທີ່​ຈະ​ເລີ່ມ​ຫັນ​ມາໃຊ້ iPad Pro ແທນ notebook ຫລື​ຫາ​ຊື້ pc ປະກອບ​ຄື​ທີ່​ເຄີຍ​ເຮັດ​ກັນ​ມາ

“ຂ້ອຍຄິດວ່າ​ຈະ​ມີ​ຄົນ​ຫລວງຫລາຍ​ທີ່ເບີ່ງ iPad Pro ເປັນ​ຕົວ​ແທນ​ຂອງ notebook ຫລື pc ແລະ​ເມື່ອ​ເລີ່ມ​ໃຊ້​ງານ​ມັນ​ແລ້ວ​ພວກ​ເຂົາ​ຈະ​ບໍ່​ຄິດ​ຢາກ​ໄດ້​ຫຍັງ​ເພີ່ມ​ອີກ​ແລ້ວ ນອກ​ຈາ​ກສະມາດໂຟນ​ອີກ​ເຄື່ອງ” ນອກ​ຈາກ​ນີ້ Cook ຍັງ​ເສີມ​ວ່າ iPad Pro ມີ​ຮູບ​ແບບ​ການ​ໃຊ້​ງານ​ແລະ​ດີ​ໄຊນ໌​ທີ່​ດຶງ​ດູດ​ເຫລົ່າ​ບັນດາ​ສິນລະ​ປິນ​ແລະ​ຄີ​ເອ​ທີບ​ທີ່​ສົນ​ໃຈ​ຈະ​ຫັນ​ມາ​ໃຊ້​ງານ Apple Pencil ເຮັດວຽກ​ເບິ່ງ​ນຳ ແລະ​ຈະ​ເປັນ​ຈຸດ​ເລີ່ມ​ຕົ້ນ​ທີ່​ຜູ້​ໃຊ້​ຈະ​ພົບ​ວ່າ​ຕົນເອງ​ຕ້ອງ​ການ​ຫຍັງ​ໃນ​ແນວ​ທາງ​ໃໝ່​ທີ່​ຕ່າງ​ອອກ​ໄປ