spot_img
Homeຂ່າວຕ່າງປະເທດຣັດເຊຍຈັດສົ່ງລະບົບປ້ອງກັນໄພ ທາງອາກາດໃຫ້ແກ່ອິຣານ

ຣັດເຊຍຈັດສົ່ງລະບົບປ້ອງກັນໄພ ທາງອາກາດໃຫ້ແກ່ອິຣານ

Published on

ມື້ວານນີ້ ( 10 ຕຸລາ 2015) Roster ອົງກອນເທັກໂນໂລຢີຂອງທາງການຣັດເຊຍ ລາຍງານວ່າມີການຕົກລົງທີ່ຈະສົ່ງລະບົບ ປ້ອງກັນໄພທາງອາກາດ S-300 ທີ່ຄິດຄົ້ນໂດຍຣັດເຊຍ ໄປໃຫ້ແກ່ອິຣານແລ້ວ.

12191733_1688211311394884_276626835546228691_n

ທ່ານ Sergei Chemezov ປະທານອົງກອນ Roster ກ່າວກັບສຳນັກຂ່າວ RIA ທີ່ດູໄບວ່າ ສົນທິສັນຍາທີ່ຈະມີການຈັດສົ່ງລະບົບ S-300 ໃຫ້ແກ່ອິຣານນັ້ນບໍ່ພຽງແຕ່ມີການ ລົງນາມກັນຮຽບຮ້ອຍແລ້ວ ແຕ່ຍັງມີການຈັດສົ່ງໃຫ້ກັບກອງກຳລັງ ຂອງອິຣານແລ້ວນຳ.

ເມື່ອປີ 2007 ທັງຣັດເຊຍ ແລະອິຣານ ໄດ້ຮ່ວມກັນລົງນາມໃນສົນທິສັນຍາ ທີ່ມີຄຸນຄ່າ 800 ລ້ານໂດລາສະຫະລັດ ເພື່ອຈະຈັດສົ່ງລະບົບ S-300 ໃຫ້ແກ່ອິຣານ ຈຳນວນ 5 ຊຸດ. ເມື່ອກັນຍາປີ 2010 ທ່ານ ດິມິທຣີ ເມດເວເດຟ ອະດີດປະທານາທິບໍດີຣັດເຊຍ ໃນຕອນນັ້ນໄດ້ຍົກເລີກສົນທິສັນຍາ ດັ່ງກ່າວ ຕາມການຂວ້ຳບາດອິຣານ ຂອງສະພາຄວາມໝັ້ນຄົງແຫ່ງ ສະຫະປະຊາຊາດ.

ຕໍ່ມາເມື່ອຕົ້ນເດືອນເມສາ ປີນີ້ ປະທານາທິບໍດີ ວະລາດິເມຍ ປູຕິນ ໄດ້ອະນຸມັດໃນລັດຖະບັນຍັດ ເພື່ອດຳເນີນການຈັດສົ່ງລະບົບ S-300 ຫຼັງຈາກອິຣານແລະຊາດມະຫາອຳນາດ ອີກ 6 ປະເທດ ລວມທັງຣັດເຊຍໄດ້ຮ່ວມກັນບັນລຸຂໍ້ຕົກລົງ ກ່ຽວກັບໂຄງການອາວຸດນິວເຄຍ ຂອງອິຣານນັ້ນເອງ.

ລະບົບ S-300 ຫຼືທີ່ກຸ່ມນາໂຕ້ເອີ້ນວ່າ ລະບົບ SA-10  ນັ້ນ ຖືກຄິດຄົ້ນຂຶ້ນມາເປັນຄັ້ງທຳອິດ ໃນສະໄໝສະຫະພາບໂຊວຽດ ເມືອປີ 1979 ເພື່ອປ້ອງກັນປະເທດຈາກເຮືອບິນຮົບ ແລະຈະຫຼວດເວີ່ນ ເຊິ່ງນັບວ່າເປັນລະບົບປ້ອງກັນໄພທີ່ມີ ປະສິດທິພາບສູງທີ່ສຸດ.

ທັງນີ້ ການຈັດສົ່ງລະບົບປ້ອງກັນໄພ ໃຫ້ກັບປະເທດອິຣານນັ້ນ ໄດ້ສ້າງຄວາມກັງວົນໃຈ ຕໍ່ອິສະຣາເອລຫຼາຍ ເນື່ອງຈາກອິສະຣາເອລເບິ່ງວ່າ ເປັນໄພຄຸກຄາມໂດຍກົງຕໍ່ຄວາມໝັ້ນຄົງ ຂອງອິສະຣາເອລນັ້ນເອງ.

ພາບ-ຂ່າວ: ຊິນຫົວ

 

ບົດຄວາມຫຼ້າສຸດ

ສົ່ງເສີມການທ່ອງທ່ຽວທາງທຳມະຊາດໃນລາວ ໂອກາດການທ່ອງທ່ຽວໃນເຂດປ່າໄມ້ຂອງລາວແບບເປີດກວ້າງ ພ້ອມກັບສ້າງວຽກເຮັດງານທຳໃຫ້ກັບແມ່ຍິງເຖິງ 75,000 ຄົນ

ກະຊວງ ກະສິກໍາ ແລະ ສິ່ງແວດລ້ອມ ໄດ້ອອກຂໍ້ຕົກລົງ ສະບັບ ເລກທີ 1926/ກປ,ລົງວັນທີ 03 ມິຖຸນາ 2025. ຊຶ່ງຂໍ້ຕົກສະບັບດັ່ງກ່າວນີ້ໄດ້ເປັນປັດໃຈພື້ນຖານໃນການຊຸກຍູ້ ແລະ ສົ່ງເສີມການທ່ອງທ່ຽວທຳມະຊາດ...

ສະຫາຍນາງ ວຽງທອງ ສີພັນດອນ ໄດ້ຮັບເລືອກເປັນເລຂາຄະນະບໍລິຫານງານພັກ ສປສສ

ຂໍສະແດງຄວາມຊົມເຊີຍ ສະຫາຍນາງ ວຽງທອງ ສີພັນດອນ ໄດ້ຮັບເລືອກຕັ້ງເປັນເລຂາຄະນະບໍລິຫານງານພັກສານປະຊາຊົນສູງສຸດ (ສປສສ) ກອງປະຊຸມໃຫຍ່ສະມາຊິກພັກ ຄັ້ງທີ V ອົງຄະນະພັກສານປະຊາຊົນສູງສຸດ ປິດລົງດ້ວຍຜົນສຳ ເລັດຢ່າງຈົບງາມໃນວັນທີ 11 ກັນຍານີ້ ທີ່ນະຄອນຫຼວງວຽງຈັນ...

ຖືກກັກໂຕແລ້ວ ຈາກກໍລະນີແພດທຳຮ້າຍຮ່າງກາຍຄົນເຈັບ ຢູ່ຫວຽດນາມ ພົບເຄື່ອງມືບໍ່ໄດ້ມາດຕະຖານ ແລະ ບໍ່ມີໃບອະນຸຍາດ

ໃນວັນທີ 11 ກັນຍາ 2025 ທີ່ຜ່ານມາ, ເຈົ້າໜ້າທີ່ຕຳຫຼວດນະຄອນໂຮຈິມິນ ປະເທດຫວຽດນາມ ໄດ້ຈັບກຸມ ນາງ ຫວຽນ ຖິ ຕ່ວນ ຈິງ (Nguyen...

ຮູ້ຈັກກັບ Nepo Kids ກະແສຈາກລູກຫຼານນັກການເມືອງເນປານ ໃຊ້ຊີວິດອວດລວຍທ່າມກາງຄວາມລຳບາກຂອງປະຊາຊົນ

ເມື່ອບໍ່ດົນມານີ້ໄດ້ມີເຫດການປະທ້ວງລັດທະບານໃນປະເທດເນປານ ໃນວັນທີ 09/09/2025, ເຊິ່ງສາເຫດແມ່ນເກີດຈາກການອອກມາດຕະການຫ້າມປະຊາຊົນນໍາໃຊ້ສື່ສັງຄົມອອນລາຍ ແລະ ອີກໜຶ່ງສາເຫດຄືລັດຖະບານ ມີການສໍ້ລາດບັງຫຼວງ ເຮັດໃຫ້ຄົນນລຸ້ນໃໝ່ເກີດຄວາມບໍ່ພໍໃຈ. Nepo Kids ຫຼື ລູກເຈົ້າຫຼານເພິ່ນ ເຊິ່ງປະຊາຊົນວິພາກວິຈານລູກຫຼານນັກງານເມືອງ ເພາະພວກເຂົານັ້ນໄດ້ໃຊ້ຊີວິດຫຼູຫຼາ ແລະ...