<ignore_js_op>
ໃນຂະນະທີ່ບາງຄ່າຍຜູ້ບໍລິຫານກໍອອກມາບອກວ່າ 64 bit ນັ້ນເປັນພຽງຂອງແຖມອວດໆ ທາງການຕະຫຼາດ ຢ່າງໃດກໍຕາມ ສິ່ງທີ່ຕ້ອງຍອມຮັບກໍຄືໃນຕອນນີ້ Apple ເຮັດຊິບປະມວນຜົນ 64 bit ສຳເລັດຮຽບຮ້ອຍແລ້ວ ແລະແນ່ນອນວ່າຈະຕ້ອງມີບໍລິສັດອື່ນໆຕາມຫຼັງມາຢ່າງແນ່ນອນ
ເຖິງວ່າ Samsung ຈະປະກາດວ່າປີໜ້າຈະໃຊ້ຊິບ 64 bit ຢ່າງແນ່ນອນໂດຍອາດຈະເປັນ Galaxy S5 ແຕ່ວ່າບໍລິສັດໃຫຍ່ບໍລິສັດໜຶ່ງກໍໄດ້ອອກມາປະກາດຕົວຄື Intel ໂດຍບອກວ່າພ້ອມແລ້ວທີ່ຈະອອກຊິບ 64 bit ມາໃຫ້ໃຊ້ງານກັນ
ປີໜ້ານັ້ນຊິບ Atom ເວີຊັ່ນທີ່ເປັນ 64 bit (ເອີ້ນວ່າ X86-64) ນັ້ນຈະມຸ່ງເນັ້ນເປົ້າໝາຍທີ່ເປັນ Windows ເປັນຫຼັກ ແຕ່ວ່າຕະຫຼາດອີກກຸ່ມທີ່ຖືວ່າໃຫຍ່ບໍ່ນ້ອຍ ແບບແທັບເລັດແອນດຣອຍກໍຈະບໍ່ຖືກລືມໄວ້ດ້ານຫຼັງແຕ່ຢ່າງໃດ ໂດຍບອກວ່າ Bay Trail (Atom ລຸ້ນໃໝ່) ນີ້ມີປະສິດຕິພາບສູງຫຼາຍພໍທີ່ຈະເຮັດວຽກໜັກໆ ຫຼືຫຼິ້ນເກມແອນດຣອຍໄດ້ສະບາຍເລີຍ ງານນີ້ເຮົາກໍໜ້າຈະເຫັນແທັບເລັດ Windows ກ່ອນໃນໄຕມາດທຳອິດຂອງປີໜ້າ ແລ້ວຈະຟ້າວເຮັດ Android ໃຫ້ໄວທີ່ສຸດ ເຖິງຈະບໍ່ມີກຳນົດການຕາຍຕົວ ແຕ່ກໍເຊື່ອວ່າບໍ່ເກີນເຄິ່ງປີ 2014 ເຮົາກໍໜ້າຈະໄດ້ເຫັນກັນແລ້ວ
ທີ່ມາ:www.deklao.com