ກ່ອນ​ໜ້າ​ນີ້​ທາງ Microsoft ໄດ້​ພະຍາຍາມ​ໃຫ້​ຜູ້​ໃຊ້ Window 7 ແລະ 8 ຫັນ​ມາ​ໃຊ້ Windows 10 ດ້ວຍ​ການ​ອະນຸຍາດ​ໃຫ້​ມີ​ຕົວ​ເລືອກ​ໃນ​ການ​ອັບ​ເດດ ແຕ່​ຫລ້າ​ສຸດ​ທາງ Microsoft ກໍ​ໄດ້​ປະ​ກາດ​ແລ້ວ​ວ່າ​ຈະ​ປ່ຽນ​ມາ​ເປັນ​ບັງຄັບ​ໃຫ້​ຜູ້​ໃຊ້ Windows ທຸກ​ຄົວ​ເຮືອນ​ຕ້ອງ​ອັບ​ເກຣດ​ເປັນ Windows 10

ທັງ​ນີ້ ການ​ອັບ​ເກດ Windows 10 ນັ້ນ​ຈະ​ປ່ຽນ​ຈາກ​ຕົວ​ເລືອກ​ແບບ Optional ມາ​ເປັນ Recommended update ນັ້ນ​ໝາຍ​ຄວາມ​ວ່າ​ເຄື່ອງ PC ຂອງ​ຜູ້​ໃຊ້ Windows ຈະ​ຖືກ​ອັບ​ເກຣດ​ອັດ​ຕະໂນ​ມັດນັ້ນ​ເອງ ແຕ່​ຂະນະ​ດຽວ​ກັນ​ກໍ​ມີ​ຕົວ​ເລືອກ​ໃຫ້​ຜູ້​ໃຊ້​ສາມາດ​ທຳການ​ດາວ​ເກຣດ​ໄດ້​ຫາກ​ໃຊ້​ແລ້ວ​ບໍ່​ມັກ​ໃຈ

ຂະນະ​ທີ່​ຜູ້​ໃຊ້ Windows 10 ເຖື່ອນ​ນັ້ນ​ທາງ Microsoft ກໍ​ກຽມ​ຈະ​ອອກ​ຕົວ​ຄຳ​ສັ່ງ​ອັບ​ເກຣດ Windows 10 ແບບ​ຂອງແທ້​​ທີ່​ອອກ​ແບບ​ມາ​ສຳລັບ​ຜູ້​ໃຊ້​ຂອງ​ເຖື່ອນ​ໂດຍ​ສະເພາະ ຊຶ່ງ​ຖ້າຫາກ​ຜູ້​ໃຊ້​ກົດ​ປຸ່ມ activate ທຳການ​ອັບ​ເກຣດ​ພຽງ​ເທື່ອ​ດຽວ​ກໍ​ຈະ​ມີ​ການ​ສົ່ງ​ການ​ແຈ້ງ​ເຕືອນ​ໄປ​ຍັງ Windows Store ທັນ​ທີ ໂດຍ​ປຸ່ມ​​ດັ່ງ​ກ່າວ​ຈະ​ເລີ່ມ​ທົດລອງ​ໃຊ້​ໃນ​ສະ​ຫະລັດ​ອາເມາຣິ​ກາ​ກ່ອນ​ເປັນ​ປະເທດ​ທຳອິດ