spot_img
Homeຄວາມງາມຂີ້ໝິ້ນກັບຄວາມງາມ ທີ່ທ່ານອາດຍັງບໍ່ເຄີຍຮູ້

ຂີ້ໝິ້ນກັບຄວາມງາມ ທີ່ທ່ານອາດຍັງບໍ່ເຄີຍຮູ້

Published on

7147
ຫາກເວົ້າເຖີງສະມຸນໄພຄື “ຂີ້ໝິ້ນ” ຫລາຍໆຄົນຄົງຈະຮູ້ຈັກກັນດີ ເພາະມັນສາມາດນຳມາປະກອບອາຫານແລະຊ່ວຍບຳລຸງສຸຂະພາບໄດ້ ຊຶ່ງສັບພະຄຸນເຫລົ່ານີ້ຄົນລາວຕ່າງກໍຮູ້ຈັກກັນມາຊ້າດົນ ແລະປະຈຸບັນນີ້ນອກຈາກເລື່ອງອາຫານແລະສຸຂະພາບແລ້ວ ຍັງມີການນຳຂີ້ໝິ້ນມາຊ່ວຍໃນເລື່ອງຂອງຄວາມງາມຄວາມງາມໄດ້ອີກດ້ວຍ ຊຶ່ງຫລາຍໆຄົນອາດຈະຍັງບໍ່ເຄີຍຮູ້ວ່າສະໝຸນໄພສີເຫລືອງໆນີ້ມີປະໂຫຍດແລະຊ່ວຍບຳລຸງຄວາມງາມຢ່າງໃດໄດ້ນຳ ຊຶ່ງມື້ນີ້ລາວໂພສກໍໄດ້ລວບລວມສັບພະຄຸນຄວາມງາມຂອງຂີ້ໝິ້ນມາໃຫ້ສາວໆໄດ້ສຶກສາກັນ ຖ້າຢາກຮູ້ວ່າຂີ້ໝິ້ນຈະຊ່ວຍໃຫ້ສາວໆງາມຂຶ້ນຢ່າງໃດແນວໃດມາເບິ່ງກັນ
1. ຊ່ວຍໃຫ້ຜິວຂາວນຽນຢ່າງເປັນທຳມະຊາດ ຕັ້ງແຕ່ສະໄໝບູຮານ ຄົນລາວນິຍົມນຳຂີ້ໝິ້ນມາຂັດຜິວ ເພື່ອໃຫ້ຜິວຂາວແລະງາມນຽນຢ່າງເປັນທຳມະຊາດ ຊຶ່ງສູດທີ່ວ່ານີ້ກໍຍັງສາມາດນຳມາໃຊ້ໄດ້ຈົນເຖິງປະຈຸບັນ ພຽງນຳຜົງຂີ້ໝິ້ນທີ່ບົດລະອຽດແລ້ວ ນຳມາປະສົມກັບນ້ຳສະອາດແລະດິນສໍພອງ ຄົນໃຫ້ເປັນເນື້ອດຽວກັນ ແລ້ວນຳມາຂັດຜິວ ພອກໜ້າແລະພອກຕົວ ປະໄວ້ປະມານ 30 ນາທີແລ້ວລ້າງອອກ ຜິວຈະຂາວນຽນຂຶ້ນຢ່າງເຫັນໄດ້ຊັດ
2. ຊ່ວຍປິ່ນປົວສິວ ນຳຜົງຂີ້ໝິ້ນທີ່ບົດລະອຽດແລ້ວມາປະສົມກັບນ້ຳໝາກນາວຄົນໃຫ້ເຂົ້າກັນ ຈາກນັ້ນນຳມາແຕ້ມສິວຫລືພອກໜ້າໄວ້ປະມານ 20 ນາທີ ແລ້ວລ້າງອອກໃຫ້ສະອາດ ສູດນີ້ສາມາດເຮັດໄດ້ທຸກມື້ ຈະຊ່ວຍໃຫ້ຜິວໜ້າເບິ່ງດີ,ສິວອັກເສບຍຸບລົງ ແລະຊ່ວຍເຮັດໃຫ້ຮອຍດຳຮອຍແດງຈາກສິວຈາງລົງໄດ້
3. ຊ່ວຍກະຊັບຮູຂຸມຂົນເທິງໃບໜ້າ ນຳຜົງຂີ້ໝິ້ນທີ່ບົດລະອຽດແລ້ວມາປະສົມກັບນົມສົດ ແລະນ້ຳເຜຶ້ງ ຄົນໃຫ້ເຂົ້າກັນ ຈາກນັ້ນນຳມາຂັດແລະນວດໜ້າເບົາໆ ສຳເລັດແລ້ວພອກປະໄວ້ປະມານ 15-20 ນາທີ ແລ້ວລ້າງອອກໃຫ້ສະອາດສູດນີ້ຈະຊ່ວຍເຮັດໃຫ້ໜ້າສະອາດກະຊັບຮູຂຸມຂົນໃຫ້ນ້ອຍລົງແຖມຍັງຊ່ວຍໃຫ້ໜ້ານຽມນຸ່ມຂຶ້ນອີກດ້ວຍ
4.ຊ່ວຍລຸດຮອຍດ່າງດຳຕາມຮ່າງກາຍ ນຳຂິ້ໝິ້ນໄປຕາກແຫ້ງແລະບົດໃຫ້ລະອຽດເປັນຜົງ ກ່ອນອາບນ້ຳໃຫ້ນຳມາປະສົມກັບນ້ຳເລັກນ້ອຍ ແລ້ວເອົາມາຂັດເບົາໆ ຕາມລຳຕົວປະໄວ້ປະມານ 10 ນາທີ ແລ້ວຄ່ອຍອາບນ້ຳຕາມປົກກະຕິ ສູດນີ້ສາມາດເຮັດໄດ້ທຸກມື້ ຈະຊ່ວຍໃຫ້ຜິວນຽນນຸ່ມ ຂາວແລະຊ່ວຍລຸດຈຸດດ່າງດຳຕາມຮ່າງກາຍໃຫ້ເຊົາໄປໄດ້
5. ຊ່ວຍລຸດຮອງຮອຍເທິງໃບໜ້າ ນຳຜົງຂິ້ໝິ້ນທີ່ບົດລະອຽດແລ້ວມາປະສົມກັບຖົ່ວຂຽວບົດແລະນົມສົດ ຄົນໃຫ້ເປັນເນື້ອດຽວກັນ ຈາກນັ້ນນຳມາພອກໜ້າ ປະໄວ້ປະມານ 30 ນາທີ ແລ້ວລ້າງອອກໃຫ້ສະອາດ ສູດນີ້ສາມາດເຮັດໄດ້ອາທິດລະ 2-3 ເທື່ອ ຈະສາມາດຊ່ວຍລຸດຮອງຮອຍເທິງໃບໜ້າໄດ້ດີ
7. ຊ່ວຍແກ້ບັນຫາໜ້າມັນ ນຳຜົງຂິ້ໝິ້ນທີ່ບົດລະອຽດແລ້ວມາປະສົມກັບນ້ຳສົ້ມຄັ້ນໝາກກ້ຽງ ແລະນ້ຳເຜຶ້ງ ຄົນໃຫ້ເຂົ້າກັນແລ້ວນຳມາພອກໜ້າໄວ້ປະມານ 15-20 ນາທີ ລ້າງອອກໃຫ້ສະອາດ ສູດນີ້ເຮັດເປັນປະຈຳຈະຊ່ວຍລຸດບັນຫາໜ້າມັນໃຫ້ກັບສາວໆໄດ້

ບົດຄວາມຫຼ້າສຸດ

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ຢ່າງເປັນທາງການ

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025. ກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ໄດ້ໄຂຂຶ້ນໃນຕອນເຊົ້າ ວັນທີ 9 ຕຸລາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ...

ລາວເສຍຫາຍໜັກ! ຜົນກະທົບຈາກພາຍຸບົວລອຍ ພັດຖະລົ່ມລາວ ເຮັດໃຫ້ມີຜູ້ເສຍຊີວິດທັງໝົດ 4 ຄົນ.

ພາຍຸບົວລອຍ ສົ່ງຜົນກະທົບຕໍ່ 34 ເມືອງໃນທົ່ວປະເທດ ມີຜູ້ເສຍຊີວິດ 4 ຄົນ ຮອງນາຍົກຊີ້ນຳໃຫ້ເລັ່ງໃຫ້ການຊ່ວຍເຫຼືອຜູ້ໄດ້ຮັບຜົນກະທົບໂດຍດ່ວນ. ໃນຕອນເຊົ້າວັນທີ 6 ຕຸລາ 2025, ທີ່ຫ້ອງວ່າການສໍານັກງານນາຍົກລັດຖະມົນຕີ ຄະນະກໍາມະການຄຸ້ມຄອງໄພພິບັດຂັ້ນສູນກາງ ໄດ້ຈັດກອງປະຊຸມ...

ແລກເມຍກັບງົວ 1 ໂຕ ເມື່ອໜຸ່ມອິນໂດເນເຊຍຖືກເມຍຄົບຊູ້ ຈຶ່ງສະເໜີການແລກປ່ຽນເພື່ອຈົບບັນຫາ

ໃນວັນທີ 07/10/2025 ລາຍງານຈາກສຳນັກຂ່າວໃນປະເທດອິນໂດເນເຊຍ ມີຄລິບເຫດການທີ່ເປັນກະແສເນື່ອງຈາກມີຊາຍຄົນໜຶ່ງຍອມໃຫ້ເມຍຕົນເອງໄປຄົບກັບຊູ້ ພ້ອມຍອມແລກເມຍກັບງົວ 1 ໂຕ, ແລະເງິນອີກປະມານ 5,000,000 ລູເປຍອິນໂດເນເຊຍ (ປະມານ 6,800,000 ກີບ) ຜ່ານການຕົກລົງຈາກທັງ 2...

14 ຂໍ້ຫ້າມພາຍໃນບຸນອອກພັນສາ ແລະ ຊ່ວງເຮືອປະເພນີ້່ ທີ່ທ່າວັດຈັນ ເມືອງຈັນທະບູລີ ນະຄອນຫຼວງວຽງຈັນ ຈັດຂຶ້ນໃນ ວັນທີ 04-08 ຕຸລາ 2025

ທ່ານ ແສງສາທິດ ພິມເມືອງ ຕາງໜ້າອົງການປົກຄອງເມືອງຈັນທະບູລີ ປະທານຄະນະກໍາມະການຈັດງານບຸນອອກພັນສາປະວໍລະນາ ແລະ ຊ່ວງເຮືອປະເພນີ ທີ່ທ່າວັດຈັນ ປະຈໍາປີ 2025 ໄດ້ຖະແຫຼງຂ່າວຕໍ່ສື່ມວນຊົນໃນການກະກຽມ ແລະ ຈັດງານບຸນ ລະຫວ່າງ...