spot_img
Homeຂ່າວຕ່າງປະເທດຕວກກີເຊື່ອວ່າກຸ່ມຫົວຮຸນແຮງໄອເອັສ ກ່ຽວຂ້ອງກັບຄະດີລະເບີດສະລະຊີບ

ຕວກກີເຊື່ອວ່າກຸ່ມຫົວຮຸນແຮງໄອເອັສ ກ່ຽວຂ້ອງກັບຄະດີລະເບີດສະລະຊີບ

Published on

EyWwB5WU57MYnKOuXocdyjOXCZb9bz2QeXabgfLPPui0EoVJXhFdZv

ເມື່ອ​ວັນທີ່ 11 ຕຸລາ ທາງ​ການ​ຕວກກີ​ເປີດ​ເຜີຍ​ຄວາມ​ຄືບ​ໜ້າ​ເຫດ​ລະ​ເບີດ​ສະ​ເທືອນ​ຂວັນ 2 ເທື່ອ​ຊ້ອນ ກ່ອນ​ໜ້າ​ງານ​ຊຸມ​ນຸມ​ຮຽກຮ້ອງ​ສັນ​ຕິ​ພາບ ໃກ້​ກັບສະ​ຖາ​ນີ​ລົດ​ໄຟ​ໃນ​ນະຄອນຫລວງ​ອັງ​ການ​າ ໂດຍ​ທ່ານ​ອາ​ເໝັດ ກາ​ວູ​ໂຕ​ກູ ນາຍົກຣັດຖະມົນຕຣີ​ຕວກກີ ກ່າວ​ວ່າ ຍອດ​ຜູ້​ເສຍຊີວິດ​ໃນ​ເຫດການ​ເທື່ອ​ນີ້​ໄດ້​ເພີ່ມ​ເປັນ 95 ຄົນ ບາດ​ເຈັບ 246 ຄົນ ໃນ​ຈຳນວນ​ນີ້​ອາການ​ສາ​ຫັດ 48 ຄົນ ແພດ​ຢູ່​ລະຫວ່າງ​ເບິ່ງ​ອາການ​ຢ່າງ​ໃກ້​ຊິດ ຈາກ​ກໍລະນີ​ນີ້​ທີ່​ຖື​ເຫດການເສົ້າສະຫລົດຮຸນແຮງ​ເທື່ອ​ປະຫວັດ​ສາດ ລັດຖະບານ​ຈຶ່ງ​ຂໍ​ປະ​ກາດ​ໄວ້​ອາໄລ​ທົ່ວ​ປະເທດ​ເປັນ​ເວລາ 3 ມື້

ນອກ​ຈາກ​ນີ້ ທ່ານ​ ກາ​ວູ​ໂຕ​ກູ​ຍັງ​ເປີດ​ເຜີຍ​ວ່າ ຈາກ​ການ​ສືບ​ສວນ​ເບື້ອງ​ຕົ້ນ ພົບ​ສິ່ງ​ບົ່ງ​ບອກ​ວ່າ​ເປັນ​ຝີ​ມື​ຂອງ​ມື​ລະ​ເບີດ​ສະລະ​ຊີບ 2 ຄົນ ແລະ​ໃນ​ທີ່​ເກີດ​ເຫດ​ເຈົ້າ​ຫນ້າທີ່​ຍັງ​ພົບ​ໝາກ​ບານ​ເຫລັກ​ສະ​ຫລັບ​ປືນ​ຕົກ​ຢູ່​ ເຫັນ​ໄດ້​ແຈ້ງ​ວ່າ​ຄົນ​ຮ້າຍ​ຕ້ອງ​ການສ້າງ​ຄວາມ​ເສຍ​ຫາຍ​ເປັນ​ວົງ​ກວ້າງ ຈຶ່ງ​ບໍ່​ຕັດ​ຄວາມ​ເປັນ​ໄປ​ໄດ້​ທີ່​ວ່າ ກອງ​ກຳ​ລັງ​ລັດ​ອິດສະ​ລາມ ຫລື ໄອເອັສ ມີ​ສ່ວນ​ກ່ຽວ​ຂ້ອງ ເນື່ອງ​ຈາກ​ກຸ່ມ​ເຫລົ່າ​ນີ້​ມີ​​ການ​ກໍ່​ເຫດ​ໃນ​ລັກສະນະ​ດັ່ງ​ກ່າວ ເຖິງວ່າ​ຫລັງ​ຈາກ​ເກີດ​ເຫດ​ຍັງ​ບໍ່​ມີ​ກຸ່ມ​ໃດ​ປະ​ກາດ​ຕົວ​ຮັບ​ຜິດຊອບ

ຢ່າງໃດ​ກໍ​ຕາມ ທ້າວ​ເຊ​ລາ​ຮັດ​ຕິນ ເດ​ເມຍ​ຕາດ ຫົວ​ໜ້າ​ພັກ​ເອດ​ດີ​ພີ ຜູ້​ຈັດ​ງານ​ຊຸມ​ນຸມ​ບໍລິເວນ​ໜ້າ​ສະ​ຖາ​ນີ​ລົດ​ໄຟ​ເທື່ອ​ນີ້ ກ່າວ​ຫາ​ວ່າ​ເຫດ​ລະ​ເບີດ​ເປັນ​ຝີ​ມື​ຂອງ​ລັດ​ທີ່​ເຮັດ​ຕົວ​ເປັນ​ມາ​ເຟຍ ພ້ອມ​ລະ​ບຸ​ວ່າ​ຍອດ​ເສຍຊີວິດ​ທີ່​ແທ້​ຈິງ​ຄື 128 ຄົນ ຊຶ່ງ​ທ້າວເຊ​ລາ​ມີ ອັນ​ຕິ​ນັອກ ກ່າວ​ຕອບ​ໂຕ້​ວ່າ ເປັນ​ຂໍ້​ກ່າວ​ຫາ​ທີ່​ຂາດ​ສາ​ລະ ແລະ​ຕົນ​ຈະ​ບໍ່​ຍອມ​ລາ​ອອກ​ເພື່ອ​ຮັບ​ຜິດຊອບ​ຢ່າງ​ແນ່ນອນ

ຕໍ່​ມາ​ເກີດ​ການ​ປະ​ທະ​ລະຫວ່າງ​ປະຊາຊົນ​ກັບ​ເຈົ້າ​ຫນ້າທີ່​ຕຳຫ​ລວດ ຫລັງ​ມີ​ຊາວບ້ານ​ປະ​ມານ 70 ຄົນ ພະຍາຍາມ​ຈະ​ເຂົ້າໄປ​ໃນ​ທີ່​ເກີດ​ເຫດ ເພື່ອ​ວາງ​ຊໍ່​ດອກ​ໄມ້​ແລະ​ສິ່ງ​ຂອງ​ໄວ້​ອາໄລ ຈົນ​ຕຳຫລວດຕ້ອງ​ຍິງ​ແກັສ​ນ້ຳ​ຕາສະ​ກັດ​ກັ້ນ ພ້ອມ​ຊີ້​ແຈງ​ເຫດຜົນ​ວ່າ ທີ່​ບໍ່​ໃຫ້​ເຂົ້າ​ເພາະ​ເຈົ້າ​ຫນ້າທີ່​ຍັງ​ສືບ​ສວນ​ບໍ່​ສຳເລັດ ຢ້ານ​ຈະ​ໄປ​ທຳລາຍ​ຫລັກ​ຖານ ນອກ​ຈາກ​ນີ້ ຍັງມີ​ການ​ຊຸມ​ນຸມ​ໄວ້​ອາໄລ​ທີ່​ຈະຕຸລັດ​ໃຈ​ກາງ​ນະຄອນຫລວງ​ອັງ​ການ​າ ມີ​ຜູ້​ເຂົ້າ​ຮ່ວມ​ຫລາຍ​ພັນ​ຄົນ

 

ບົດຄວາມຫຼ້າສຸດ

ຜູ້ນຳຄົນໃໝ່ ອີ ແຈມະຢອງ ຄວ້າຕຳແໜ່ງປະທານາທິບໍດີ ຄົນທີ 14 ສ.ເກົາຫຼີ

ອີ ແຈມະຢອງ ຄວ້າໄຊຊະນະການເລືອກຕັ້ງປະທານາທິບໍດີ ສ.ເກົາຫຼີ ພາຍຫຼັງ ຍຸນຊ໋ອກຍອນ ຖືກຖອດອກກຈາກຕໍາແໜ່ງ. ສຳນັກຂ່າວຕ່າງປະເທດລາຍງານໃນວັນທີ 3 ມິຖຸນາ 2025 ຜ່ານມານີ້ວ່າ: ເກົາຫຼີໃຕ້ຈັດການເລືອກຕັ້ງປະທານາທິບໍດິຄັ້ງພິເສດ ເພື່ອຫາຜູ້ນຳຄົນໃໝ່ແທນ ທ່ານ...

ຈີນປະກາດ ເປີດບໍລິການວີຊາພິເສດ “ASEAN visa”

ຈີນປະກາດເປີດຕົວ ວີຊ່າອາຊຽນ ໄຟຂຽວນັກທຸລະກິດ 10 ບັນປະເທດອາຊຽນລວມເຖິງ ຕີມໍແລັດສະແຕ ເດີນທາງເຂົ້າອອກສະດວກ ສຳນັກຂ່າວຕ່າງປະເທດລາຍງານໃນວັນທີ 4 ມິຖຸນາ 2025, ຈີນປະກາດເປີດຕົວ  "ASEAN Visa" ຫຼື...

ມອບ-ຮັບໜ້າທີ່ລະຫວ່າງເຈົ້ານະຄອນຫຼວງພະບາງ ຜູ້ເກົ່າ ແລະ ຮັກສາການເຈົ້ານະຄອນຫຼວງພະບາງ ຜູ້ໃໝ່

ແຕ່ງຕັ້ງທ່ານ ທ່ານ ສະເຫວີຍ ສີລາວັນ ຮັກສາການເຈົ້ານະຄອນ ຫຼວງພະບາງ ຜູ້ໃໝ່ ໃນວັນທີ 4 ມິຖຸນາ 2025 ທີ່ຫ້ອງປະຊຸມໃຫຍ່ຫ້ອງວ່າການນະຄອນຫຼວງພະບາງ ບ້ານຄອຍ ໄດ້ຈັດພິທີ ມອບ-ຮັບໜ້າທີ່ລະ...

ທ່ານ ອານຸພາບ ວົງໜໍ່ແກ້ວ ເປັນຮອງລັດຖະມົນຕີກະຊວງການຕ່າງປະເທດຄົນໃໝ່

ປະກາດແຕ່ງຕັ້ງ ທ່ານ ອານຸພາບ ວົງໜໍ່ແກ້ວ ເປັນຮອງລັດຖະມົນຕີກະຊວງການຕ່າງປະເທດຄົນໃໝ່ ຢ່າງເປັນທາງການ ວັນທີ 4 ມິຖຸນາ 2025 ຢູ່ກະຊວງການຕ່າງປະເທດ ໄດ້ຈັດພິທີປະກາດການ ຈັດຕັ້ງຕຳແໜ່ງບໍລິຫານຮອງລັດຖະມົນຕີ, ຫົວໜ້າກົມ ແລະ...