spot_img
Homeຂ່າວຕ່າງປະເທດເກາະຕິດໄຕ້ຝຸ່ນຕູ້ຈຽນຖະຫລົ່ມໄຕ້ຫວັນຕາຍ 2 ໄຟຟ້າດັບ 1.8 ລ້ານຫລັງຄາເຮືອນ!

ເກາະຕິດໄຕ້ຝຸ່ນຕູ້ຈຽນຖະຫລົ່ມໄຕ້ຫວັນຕາຍ 2 ໄຟຟ້າດັບ 1.8 ລ້ານຫລັງຄາເຮືອນ!

Published on

 

EyWwB5WU57MYnKOuXqzmPUYcCO8f96eCb4faymdN0ZYip4gXDxl86j

ເມື່ອວັນທີ່ 29 ກັນຍາ. ສຳ​ນັກ​ຂ່າວ​ຕ່າງ​ປະເທດ​ລາຍ​ງານ​ອິດທິພົນ​ຂອງ​ພາ​ຍຸ​ໄຕ້​ຝຸ່ນ ຕູ້​ຈຽນ ເຊີ່ງ​ສຳ​ນັກ​ງານ​ອຸ​ຕຸ​ນິຍົມ​ວິທະຍາ​ຂອງ​ໄຕ້​​ຫວັນ ຍົກລະດັບ​ຄວາມ​ຮຸນແຮງ​ຂອງ​ພາ​ຍຸ​ຂຶ້ນ​ເປັນ ‘ຊູ​ເປີລ໌​ສະ​ຕອມ’ ຂະນະ​ຖະ​ຫລົ່ມ​ໄຕ້​​ຫວັນ ດ້ວຍ​ຄວາມ​ໄວ​ລົມ​ເຖິງ 227 ກິໂລແມັດ./ຊົ່ວໂມງ. ​ຄືນ​ວັນທີ່ 28 ກັນຍາ ວ່າ ກໍ່​ໃຫ້​ເກີດ​ຄື້ນ​ສູງ ລົມ​ພັດ​ແຮງ​ ​ແລະ ​ຝົນ​ຕົກ​ໜັກ ບາງ​ພື້ນ​ທີ່​ວັດ​ປະລິມານ​ນ້ຳ​ຝົນ​ໃນ​ໄລຍະ 24 ຊົ່ວໂມງ. ໄດ້​ສູງ​ເຖິງ​ກວ່າ 900 ມິນ​ລິ​ແມັດ ເປັນ​ເຫດ​ໃຫ້​ມີ​ຜູ້​ເສຍຊີວິດ ແລ້ວ​ຢ່າງ​ນ້ອຍ 2 ຄົນ ເປັນ​ຜູ້​ສູງ​ອາ​ຍຸ 1 ຄົນ ແລະ ​ຄົນ​ງານ​ກໍ່​ສ້າງ 1 ຄົນ ຂະນະ​ທີ່​ມີ​ຜູ້​ໄດ້ຮັບ​ບາດ​ເຈັບ​ກວ່າ 300 ຄົນ ແລະ​ ປະຊາຊົນ​ປະ​ມານ 1.8 ລ້ານ​ຄົວ​ເຮືອນ ປະສົບ​ບັນຫາ​ໄຟ​ຟ້າ​ດັບ ຕົ້ນ​ໄມ້​ຫັກ​ຈຳນວນ​ຫລາຍ

NjpUs24nCQKx5e1D68I8XiGOFShS0czELt1ZuL5sv2i

ບີ​ບີ​ຊີ ແຈ້ງ​ວ່າ ໂຮງຮຽນ​ໃນ​ໄຕ້​​ຫວັນ​ຕ້ອງ​ປິດ​ໂຮງຮຽນ​ເປັນ​ວັນທີ່ 2 ຕິດ​ຕໍ່​ກັນ ລວມ​ທັງ​ການ​ຄົມ​ມະນາ​ຄົມ​ທາງ​ລົດ​ໄຟ ແລະ​ ​ທາງອາກາດ ​ຖືກ​ຍົກ​ເລີກ​ຢຸດ​ໃຫ້​ບໍລິການ ໂດຍ​ທາງ​ການ​ໄຕ້​​ຫວັນ​ຍັງ​ອອກ​ຄຳ​ເຕືອນ​ປະຊາຊົນ​ໃຫ້​ລະ​ວັງ​ໄພ ຈາກ​ດິນ​ເຈື່ອນ​ຫລັງ​ເກີດ​ຝົນ​ຕົກ​ໜັກ

NjpUs24nCQKx5e1D68I8XiGOFShS0c1FWYznBk61xXh

ເມື່ອ​ວັນທີ່ 28 ກັນຍາ ທາງ​ການ​ໄຕ້​​ຫວັນ​ໄດ້​ດຳ​ເນີນ​ການ​ອົບພະ​ຍົບ​ປະຊາຊົນ​ຫລາຍ​ພັນ​ຄົນ​ໜີ​ໄພ ກ່ອນ​ພາ​ຍຸ​ຈະ​ເຄື່ອນ​ຕົວ​ມາ​ຮອດ ແລະ​ ລະ​ດົມ​ກຳ​ລັງ​ທະຫານ​ກວ່າ 2.4 ໝື່ນ​ຄົນ ກຽມ​ພ້ອມ​ຮັບ​ມື​ສະຖານະການ​ສຸກ​ເສີນ ໂດຍ​ຂະນະ​ນີ້ ໄຕ້​ຝຸ່ນ​ຕູ້​ຈຽນ ໄດ້​ອ່ອນ​ກຳ​ລັງ​ລົງ ຂະນະ​ມຸ່ງ​ໜ້າ​ໄປ​ຍັງ​ມົນ​ທົນ​ຟູ​ຈ້ຽນ​ຂອງ​ຈີນ ແລະ​ຄາດ​ວ່າ​ຈະ​ຂຶ້ນ​ຝັ່ງ​ແຜ່ນດິນ​ໃຫຍ່​ຈີນ​ໃນ​ມື້​ນີ້ 29 ກັນຍາ

ບົດຄວາມຫຼ້າສຸດ

ປະກາດການແຕ່ງຕັ້ງ ຮອງເລຂາພັກ ແຂວງ-ຮອງເຈົ້າແຂວງ ສາລະວັນ

ໃນວັນທີ 18 ກັນຍາ 2024 ແຂວງສາລະວັນ ໄດ້ຈັດພິທີປະກາດ ແຕ່ງຕັ້ງຮອງເລຂາພັກແຂວງ, ຮອງເຈົ້າແຂວງໆສາລະວັນ, ທີ່ສະໂມສອນແຂວງ, ໃຫ້ກຽດເຂົ້າຮ່ວມເປັນປະທານຂອງ ສະຫາຍ ພົນເອກ ຈັນສະໝອນ ຈັນຍາລາດ...

ເປີດຢ່າງເປັນທາງການ ກອງປະຊຸມເຈົ້າຄອງນະຄອນຫຼວງອາຊຽນ ປີ 2024

ກອງປະຊຸມເຈົ້າຄອງນະຄອນຫຼວງອາຊຽນ (MGMAC) ແລະ ກອງປະຊຸມເວທີເຈົ້ານະຄອນອາຊຽນ (AMF) ປີ 2024  ເປີດຂຶ້ນຢ່າງເປັນທາງການໃນວັນທີ 18 ກັນຍານີ້ ທີ່ຫໍປະຊຸມແຫ່ງຊາດ ນະຄອນຫຼວງວຽງຈັນ ສປປ ລາວ,...

ພິຈາລະນາ ສະເໜີຂໍໃຫ້ອະໄພຍະໂທດ ແກ່ນັກໂທດ ປະຈໍາປີ 2024

ໃນຕອນເຊົ້າວັນທີ 18 ກັນຍາ 2024 ນີ້ ຢູ່ທີ່ຫ້ອງປະຊຸມຂອງອົງການໄອຍະການປະຊາຊົນສູງສຸດ ໄດ້ຈັດກອງປະຊຸມຄະນະກໍາມະການອະໄພຍະໂທດ ລະດັບຊາດ ເພື່ອຄົ້ນຄວ້າພິຈາລະນາການສະເໜີຂໍໃຫ້ອະໄພຍະໂທດ ແກ່ນັກໂທດປະຈໍາປີ 2024 ໂດຍການເປັນປະທານຂອງ ພົນເອກ ວິໄລ...

ແຈ້ງເຕືອນໄພສະບັບທີ 2 ພາຍຸຫນູນເຂດຮ້ອນ ໃນລະຫວ່າງວັນທີ 18 – 22 ກັນຍາ 2024

ພາຍຸດີເປຣຊັນ ກາລັງເຄື່ອນທີຢູ່ເຂດທະເລຈີນໃຕ້ ຕອນກາງ ດ້ວຍຄວາມໄວ 25 ກິໂລແມັດຕໍ່ ຊົ່ວໂມງ ຊຶ່ງໃນເວລາ 8 ໂມງ 25 ນາທີ ມີຈຸດສູນ ກາງ...