ຕອນເຊົ້າວັນທີ 22 ກັນຍາ 2015 ນີ້, ເຈົ້າໜ້າທີ່ ແຂວງຄຳມ່ວນໄດ້ ລົງກວດກາ ແລະ ຈັບ ໂຮງງານຜະລິດ ນ້ຳໝາກກ້ຽງ ທີ່ບໍ່ໄດ້ມາດຕະຖານ.
ອີງຕາມການລາຍງານຈາກທ້ອງຖິ່ນໃຫ້ຮູ້ວ່າ ຕອນເຊົ້າມື້ນີ້ ວັນທີ 22 ກັນຍາ 2015 ເຈົ້າໜ້າທີ່ພະແນກການຄ້າ ແລະພະແນກສາທາລະນະສຸກ ແຂວງຄຳມ່ວນ ໄດ້ລົງກວດກາໂຮງງານຜະລິດ ນ້ຳໝາກກ້ຽງແຫ່ງໜຶ່ງ ເຊິ່ງຈາກການລົງກວດກາຕົວຈິງນັ້ນ ພົບວ່າໂຮງງານດັ່ງກ່າວເປັນໂຮງງານ ຂະໜາດນ້ອຍ ປະກອບມີຖັງຮ່າຍນ້ຳໝາກກ້ຽງ ແລະເຄື່ອງລີດຝາກຈອກນ້ຳໝາກກ້ຽງ ແລະຕູ້ແຊ່ແຂງນ້ຳໝາກກ້ຽງທີ່ຜະລິດແລ້ວ.
ໂດຍສະພາບຂອງໂຮງງານດັ່ງກ່າວ ແມ່ນມີຄວາມເປິເປື້ອນ ບໍ່ໄດ້ມາຕະຖານຕາມຫຼັກອະນາໄມ ດັ່ງນັ້ນ, ເຈົ້າໜ້າທີ່ຈຶ່ງໄດ້ດຳເນີນຕາມຂັ້ນຕອນ ຂອງລະບຽບກົດໝາຍ ສັ່ງໂຈະການຜະລິດໄວ້ຊົ່ວຄາວ ເພື່ອໃຫ້ທາງເຈົ້າຂອງໂຮງງານປັບປຸງ ແລະດຳເນີນກິດຈະການທີ່ຖືກຕ້ອງ ປອດໄພ ໄດ້ມາຕະຖານ ຖືກຫຼັກອະນາໄມສາກົນ.
ພາບແລະຂ່າວ: Viengthong Pms