spot_img
Homeຂ່າວການສຶກສາBIDV ຊ່ວຍສ້າງໂຮງຮຽນປະຖົມດົງກະແສນ ແຂວງຄຳມ່ວນ

BIDV ຊ່ວຍສ້າງໂຮງຮຽນປະຖົມດົງກະແສນ ແຂວງຄຳມ່ວນ

Published on

13092015_1
ເນື່ອງໃນໂອກາດທີ່ ທ່ານ ຫງວຽນ ເຕິນ ຢຸງ ນາຍົກລັດຖະມົນຕີ ແຫ່ງ ສສ ຫວຽດນາມ ພ້ອມດ້ວຍຄະນະ ໄດ້ເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ ໃນລະຫວ່າງວັນທີ 13-14 ກັນຍາ 2015. ດັ່ງນັ້ນ, ໃນຕອນບ່າຍຂອງວັນທີ 13 ກັນຍາ 2015 ທ່ານ ຫງວຽນ ເຕິນ ຢຸງ ແລະ ຄະນະ ກໍ່ໄດ້ໃຫ້ກຽດເຂົ້າຮ່ວມວາງສິລາລືກ ກໍ່ສ້າງໂຮງຮຽນປະຖົມສົມບູນ ທີ່ບ້ານ ດົງກະແສນ ເມືອງທ່າແຂກ ແຂວງຄຳມ່ວນ ເຊິ່ງມີ ທ່ານ ສົມສະຫວາດ ເລັ່ງສະຫວັດ ຮອງນາຍົກລັດຖະມົນຕີ ທັງເປັນປະທານຄະນະກຳມາທິການຮ່ວມມື ລາວ-ຫວຽດນາມ ພ້ອມດ້ວຍບັນດາການນຳ ທັງສູນກາງ, ທ້ອງຖິ່ນ ແລະ ພໍ່ແມ່ປະຊາຊົນອ້ອມຂ້າງ ເຂົ້າຮ່ວມ.

ໂຮງຮຽນປະຖົມສົມບູນ ດົງກະແສນ ແມ່ນ 1 ໃນຫຼາຍໆໂຮງຮຽນຂອງແຂວງຄຳມ່ວນ ທີ່ຍັງພົບກັບຄວາມຫຍຸ້ງຍາກ ທັງດ້ານພື້ນຖານໂຄງລ່າງອາຄານຮຽນ ແລະ ອຸປະກອນການຮຽນ ການສອນຕ່າງໆ ສົ່ງຜົນກະທົບໃຫ້ແກ່ການພັດທະນາການສຶກ ໃນໄລຍະໃໝ່. ດ້ານໜຶ່ງ ບ້ານດົງກະແສນ ກໍ່ແມ່ນບ້ານໜຶ່ງ ທີ່ມີມູນເຊື້ອການຕໍ່ສູ້ກູ້ຊາດໃນສະໄໝກ່ອນ ແລະ ພາຍໃນເມືອງທ່າແຂກ ກໍ່ຍັງມີຊາວລາວ ເຊື້ອຊາດຫວຽດນາມ ອາໄສຢູ່ຫຼາຍພໍສົມຄວນ ທັງຍັງເປັນຈຸດບັ້ນຮົບໜຶ່ງ ຂອງການຮ່ວມສຳພັນສູ້ຮົບ ທີ່ເປັນມູນເຊື້ອຄວາມສາມັກຄີພິເສດ ຂອງປະຊາຊົນສອງຊາດ ລາວ-ຫວຽດນາມ, ການເສຍສະຫຼະເລືອດເນື້ອຂອງບັນດານັກຮົບວິລະຊົນ ທັງ ລາວ ແລະ ຫວຽດນາມ ເພື່ອຕ້ານກັບຈັກກະພັດຜູ້ຮຸກຮານ ໃນຊຸມປີ 1946. ດັ່ງນັ້ນ, ທະນາຄານລົງທຶນ ແລະ ພັດທະນາຫວຽດນາມ (BIDV) ຈຶ່ງໄດ້ໃຫ້ການຊ່ວຍເຫຼືອສ້າງໂຮງຮຽນປະຖົມສົມບູນດັ່ງກ່າວຂຶ້ນ ຊຶ່ງເປັນອາຄານຊັ້ນດຽວ ປະກອບດ້ວຍ 6 ຫ້ອງຮຽນ, ມີລະບົບໄຟຟ້າ, ລະບົບໄຟແສງສະຫວ່າງ, ພັດລົມ ແລະ ອຸປະ ກອນຕ່າງໆຄົບຊຸດ, ສາມາດຮອງຮັບນັກຮຽນໄດ້ 30 ຄົນຕໍ່ຫ້ອງ ໂດຍກໍ່ສ້າງຕາມມາດຕະຖານ ທີ່ກະຊວງສຶກສາ ແລະ ກີລາ ວາງອອກ ລວມມູນຄ່າ 2 ແສນໂດລາສະຫະລັດ.
ທ່ານ ເຈິ່ນ ລຸກ ລາງ ຮອງອຳນວຍການໃຫຍ່ BIDV ໄດ້ກ່າວວ່າ: ໂຄງການກໍ່ສ້າງໂຮງຮຽນດັ່ງກ່າວນີ້, ພາຍຫຼັງສຳເລັດ ແລະ ນຳໃຊ້ແລ້ວ ກໍ່ຈະເອື້ອອຳນວຍຄວາມສະດວກ ໃຫ້ແກ່ການ ຮຽນການສອນ ຂອງນັກຮຽນ ແລະ ຄູອາຈານ ປະກອບສ່ວນເຂົ້າໃນການສ້າງຊັບພະຍາກອນມະນຸດ ໃຫ້ແກ່ ສປປ ລາວ ເວົ້າລວມ, ເວົ້າສະເພາະ ກໍ່ແມ່ນຂອງຂວັນອັນໜຶ່ງ ທີ່ສະແດງໃຫ້ເຫັນເຖິງ ສາຍພົວພັນອັນແໜ້ນແຟ້ນ, ໃກ້ສິດ ຂອງປະຊາຊົນຫວຽດນາມ ທີ່ມີຕໍ່ປະຊາຊົນລາວ ກໍ່ຄືປະຊາຊົນແຂວງຄຳມ່ວນ.

ແຫລ່ງຂ່າວ: ຫ້ອງວ່າການລັດຖະບານ

ບົດຄວາມຫຼ້າສຸດ

ສສກ ຈະສຸມໃສ່ປະຕິຮູບລະບົບການສຶກສາ ສາຍສາມັນ ຈາກ 5+4+3 ເປັນ 6+3+3

ອົງຄະນະພັກ ສສກ ຈະສຸມໃສ່ປະຕິຮູບລະບົບການສຶກສາ ສາຍສາມັນ ຈາກ 5+4+3 ເປັນ 6+3+3 ສະຫາຍ ຮສ.ປອ ທອງສະລິດ ມັງໜໍ່ເມກ ເລຂາທິການສູນກາງພັກ, ເລຂາຄະນະບໍລິຫານງານພັກ, ລັດຖະມົນຕີ...

ແຈ້ງເຕືອນຈາກກົມໃຫຍ່ຕຳຫຼວດ ໃຫ້ລະວັງ 10 ລັກສະນະການກໍ່ເຫດທີ່ເປັນການສໍ້ໂກງຊັບ ຖ້າພົບເຫັນເຫດລັກສະນະນີ້ ສາມາດແຈ້ງດຳເນີນຄະດີໄດ້

- ອີງຕາມ ຂໍ້ຕົກລົງຂອງລັດຖະມົນຕີກະຊວງປ້ອງກັນຄວາມສະຫງົບ ລົງວັນທີ 05 ມັງກອນ 2022 ວ່າດ້ວຍການຈັດຕັ້ງ ແລະ ການເຄື່ອນໄຫວຂອງກົມໃຫຍ່ຕໍາຫຼວດ. ເພື່ອປ້ອງກັນ ບໍ່ໃຫ້ທຸກຄົນໃນສັງຄົມ ຕົກເປັນເຫຍື່ອຂອງກຸ່ມແກ້ງສໍ້ໂກງຊັບທາງໂທລະຄົມ ແລະ...

ປະຫວັດບໍ່ທຳມະດາ ກໍລະນີແມ່ຕູ້ຄົນໄຕ້ຫວັນຖືກຖີບເທິງລົດໄຟຕອນນີ້ ຖືກກັກໂຕພ້ອມດຳເນີນຄະດີແລ້ວ

ໃນວັນທີ 01/10/2025 ທີ່ຜ່ານມາ, ສຳນັກຂ່າວໃນໄຕ້ຫວັນໄດ້ລາຍງານວ່າ ມີເຫດບໍ່ຄາດຄິດກ່ຽວກັບຜູ້ສູງ ກໍລະນີແມ່ຕູ້ທີ່ຖືກຍິງສາວປະເພດສອງ (LGBTQ) ຖີບຢູ່ໃນລົດໄຟ ໃນວັນທີ 29/09/2025 ທີ່ຜ່ານມາ, ເຊິ່ງກຳລັງເປັນກະແສດັງໃນໃນສື່ສັງຄົມອອນລາຍໃນປັດຈຸບັນ.ສາເຫດເກີດຈາກການຍາດບ່ອນນັ່ງພິເສດພາຍໃນຂະບວນລົດໄຟແຫ່ງໜຶ່ງໃນໄຕ້ຫວັນ ເນື່ອງຈາກບ່ອນນັ່ງນັ້ນເປັນບ່ອນຂອງຜູ້ສູງອາຍຸ ແມ່ຕູ້ິເລີຍພະຍາຍາມໄລ່ຍິງສາວປະເພດສອງອອກຈາກບ່ອນນັ່ງ...

ມີຜູ້ເສຍຊີວິດ 3 ຄົນຈາກຜົນກະທົບພະຍຸບົວລອຍ ພັດຜ່ານບ້ານກໍໄຮ ເມືອງອະນຸວົງ

ໜັກໜ່ວງ ພາຍຸບົວລອຍ ພັດຜ່ານບ້ານກໍໄຮ ເມືອງອະນຸວົງ ແຂວງໄຊສົມບູນ ເຮັດໃຫ້ມີຄົນເສຍຊີວິດແລ້ວ 3 ຄົນ. ແຫຼ່ງຂ່າວຈາກແຂວງໄຊສົມບູນ ແຈ້ງໃຫ້ຮູ້ວ່າ: ວັນທີ 30 ກັນຍາ 2025, ທ່ານ...