spot_img
Homeຂ່າວພາຍ​ໃນລາຄາສິນຄ້າຢູ່ທ້ອງຕະຫລາດ ນະຄອນຫຼວງວຽງຈັນ ສືບຕໍ່ເໜັງຕີງແພງຂຶ້ນ!

ລາຄາສິນຄ້າຢູ່ທ້ອງຕະຫລາດ ນະຄອນຫຼວງວຽງຈັນ ສືບຕໍ່ເໜັງຕີງແພງຂຶ້ນ!

Published on

vegetable

ປັດຈຸບັນລາຄາສິນຄ້າປະເພດເຄື່ອງບໍລິໂພກເຊັ່ນ: ຊີ້ນ, ປາ ແລະ ພືດຜັກຕ່າງໆທີ່ນຳມາວາງຂາຍຢູ່ຕາມຕະຫຼາດ ຕ່າງໆໃນນະຄອນຫຼວງວຽງຈັນມີສະພາບການເໜັງຕີງແພງຂຶ້ນ ໂດຍສະເພາະແມ່ນສັດນ້ຳທຳມະຊາດ, ຜັກບາງ ຊະນິດ ແລະ ອື່ນໆ.

ຜ່ານການລົງຕິດຕາມສະພາບລາຄາຊີ້ນ, ປາ, ອາຫານ ແລະ ພືດ, ຜັກຕ່າງໆຂອງນັກຂ່າວພວກເຮົາໃນວັນທີ 13 ກັນຍານີ້ຢູ່ຕາມຕະຫຼາດສະພານທອງ, ຂົວດິນ, ຄ້່ອຍໄຟຟ້າ ໂພນຕ້ອງ ແລະ ຕະຫຼາດໂພນສະຫວ່າງ ເຫັນວ່າລາຄາສິນຄ້າມີການເໜັງຕີງເພີ່ມຂຶ້ນເລັກໜ້ອຍ ເຊັ່ນ: ຊີ້ນງົວ 75-85 ພັນກີບ/ກິໂລ, ຊີ້ນໝູ 35-40 ພັນກີບ/ກິໂລ, ປານິນກະຊັງ 20-22 ພັນກີບ/ກິໂລ, ( ປາດຸກ, ປາຄໍ່, ອ່ຽນ ແລະ ກົບທຳມະຊາດ 70-90 ພັນກີບ/ກິໂລ), ເປັດ, ໄກ່ 35-45 ພັນກີບ/ກິໂລ, ສ່ວນພືດຜັກຕ່ງໆກໍມີລາຄາແພງຂຶ້ນເຊັ່ນ: ຫອມບົ່ວລາຄາສະເລ່ຍ 15-18 ພັນກີບຕໍ່ກິໂລ, ຫອມ ປ້ອມ ລາຄາສະເລ່ຍ 35-40ພັນກີບຕໍ່ກິໂລ, ໝາກເຜັດລາຄາສະເລ່ຍ 30-35 ພັນກີບຕໍ່ກິໂລ, ໝາກເຫລັ່ນກິໂລລະ 8-10 ພັນກີບ, ໝາກນາວ ກິໂລລະ 8-10 ພັນກີບ ແລະ ພືດຜັກ ອື່ນໆ, ເນື່ອງຈາກໄລຍະນີ້ ໄດ້ເລີ່ມເຂົ້າສູ່ທ້າຍລະດູຝົນຈະບໍ່ຄອຍເອື້ອອຳນວຍໃຫ້ແກ່ການປູກພືດຕາມລະດູການ ຈຶ່ງເຮັດໃຫ້ສິນຄ້າປະເພດພືດຜັກບາງຊະນິດມີລາຄາແພງ, ແຕ່ຄາດວ່າໝົດໜ້າຝົນລາຄາສິນຄ້າປະເພດດັ່ງກ່າວຈະຄ່ອຍຫຼຸດລົງ, ສ່ວນລາຄາຊີ້ນປາທີ່ແພງຂຶ້ນນັ້ນແມ່ນຖືວ່າເປັນໄປຕາມກົນໄກຕະຫຼາດເພາະ ວ່າລາຄາມີການປ່ຽນແປງຢູ່ຕະຫຼອດເວລາ ຕົວຢ່າງໄລຍະໃດສິນຄ້າປະເພດຊີ້ນປາມີຈຳນວນຫຼາຍ ລາຄາກໍຈະຖືກລົງເຊັ່ນດຽວກັບລາຄາພືດຜັກ.

 

ແຫລ່ງຂ່າວ:

ລພນ

ບົດຄວາມຫຼ້າສຸດ

ຍີ່ປຸ່ນທຸບສະຖິຕິໃໝ່! ກວດພົບຄື້ນຄວາມຮ້ອນ ອຸນຫະພູມ 41.8 ອົງສາ ພ້ອມເຕືອນໄພປະຊາຊົນໃຫ້ອອກຈາກພື້ນທີ່ສ່ຽງ

ຍີ່ປຸ່ນທຸບສະຖິຕິອາກາດຮ້ອນສູງສຸດ 41.8 ອົງສາ ເຈົ້າໜ້າທີ່ເລັ່ງອົບພະຍົບປະຊາຊົນ ພ້ອມເຕືອນໂຣກລົມແດດ 44 ແຂວງໃນຍີ່ປຸ່ນ ຂະນະດຽວກັນພາກເໜືອຮັບມືຝົນຕົກໜັກ-ສ່ຽງນ້ຳຖ້ວມຊຸ. ສຳນັກຂ່າວຕ່າງປະເທືດລາຍງານໃນວັນທີ 7 ສິງຫາ 2025 ສຳນັກງານອຸຕຸນິຍົມວິທະຍາຂອງປະເທດຍີ່ປຸ່ນ (Japan Meteorological...

ຄະນະບໍລິຫານງານພັກກະຊວງປ້ອງກັນຄວາມ ສະຫງົບ ສະໄໝທີ VI ປະກອບມີ 27 ສະຫາຍ ຍິງ 1 ສະຫາຍ

ຊົມເຊີຍ ຜົນສຳເລັດກອງປະຊຸມຄັ້ງປະຖົມມະລຶກກອງປະຊຸມໃຫຍ່ຜູ້ແທນ ຄັ້ງທີ VI ອົງຄະນະພັກກະຊວງປ້ອງກັນຄວາມສະຫງົບ ໃນຕອນເຊົ້າວັນທີ 6 ສິງຫາ 2025, ສະຫາຍ ພົອ ວິໄລ ຫຼ້າຄຳຟອງ ໄດ້ລາຍງານຜົນຂອງກອງປະຊຸມຄັ້ງປະຖົມມະລຶກຄະນະບໍລິຫານງານພັກກະຊວງປ້ອງກັນຄວາມສະຫງົບ ສະໄໝທີ...

ລາວປະເຊີນບັນຫາພລາສຕິກລົ້ນຕະຫຼາດທ່າມກາງລາຄາຕົກຕໍ່າ

ເສດຖົງຢາງທີ່ເກົ່າໝອງຈົນເກືອບແຍກສີບໍ່ອອກ ບວກກັບຕຸກນໍ້າພລາສຕິກທີ່ຖືກຖິ້ມຊະຊາຍເປັນວົງກວ້າງໃນນະຄອນຫຼວງວຽງຈັນ ເປັນພຽງສ້ຽວໜຶ່ງຂອງເລື່ອງເລົ່າກ່ຽວກັບພລາສຕິກຂອງເມືອງຫຼວງແຫ່ງນີ້. ພາຍໃຕ້ມົນລະມິດທີ່ສາມາດເບິ່ງເຫັນໄດ້ດ້ວຍຕາເປົ່ານີ້ ລ້ວນແຕ່ເຊື່ອງຊ້ອນວິກິດການຂັ້ນຮ້າຍແຮງກວ່າທີ່ຄິດໄວ້. ເນື່ອງຈາກສິ່ງດັ່ງກ່າວໄດ້ກາຍເປັນໄພຂົ່ມຂູ່ຕໍ່ສິ່ງແວດລ້ອມທາງທໍາມະຊາດຂອງລາວ ທັງເປັນໄພຂົ່ມຂູ່ຕໍ່ສຸຂະພາບຂອງຜູ້ຄົນຫຼາຍຮ້ອຍ ທີ່ຕ້ອງເພິ່ງພາການຊື້-ຂາຍສິ່ງເສດເຫຼືອປະເພດພລາສຕິກ. ໃນລະຫວ່າງວັນທີ 5 ຫາ 14 ສິງຫາ, ບັນດາຜູ້ນໍາຈາກຫຼາຍປະເທດໃນໂລກຈະມາເຕົ້າໂຮມກັນທີ່ ເຈນີວາ, ປະເທດສະວິດເຊີແລນ...

ປະກາດ-ແຕ່ງຕັ້ງ ສະຫາຍ ພົນຈັດຕະວາ ແປ້ນຄໍາ ບຸດຈັດແພງ ຮັກສາການແທນເຈົ້າແຂວງ ແຂວງບໍ່ແກ້ວ (ຜູ້ໃໝ່)

ມອບ-ຮັບ ໜ້າທີ່ ລະຫວ່າງ ເລຂາຄະນະບໍລິຫານງານພັກແຂວງ, ເຈົ້າແຂວງ ແຂວງບໍ່ແກ້ວ (ຜູ້ເກົ່າ) ກັບ ຮັກສາການແທນເລຂາຄະນະບໍລິຫານງານພັກແຂວງ, ຮັກສາການເຈົ້າແຂວງ ແຂວງບໍ່ແກ້ວ (ຜູ້ໃໝ່) ປະກາດ ແລະ ມອບ-ຮັບ...