ໜຸ່ມຈີນລັນທົດ ອາຍຸ30ແຕ່ໜ້າແກ່ຄືກັບ 80ປີ ສາເຫດປ່ວຍດ້ວຍພະຍາດປະຫລາດ ແພດຍັງບໍ່ຮູ້ວິທີການປິ່ນປົວ ຊ້ຳໜັກຄົນແຊວເມຍມີຜົວແກ່ເກີນ ເຊົ້າມື້ວັນອັງຄານທີ່ 8 ກັນຍາ 2015 ເວລາ 17:20 ສຳນັກຂ່າວຊິນຫົວຂອງຈີນ ລາຍງານຈາກນະຄອນສົງຊິ່ງ ປະເທດຈີນ ວ່າທ້າວຫຍວນ ໄທ່ຜິງ ໄວ 30 ປີເຜີຍຊີວິດອັບອາຍສຸດລັນທົດ ປ່ວຍເປັນພະຍາດປະຫລາດໜ້າຕາຫ່ຽວແກ່ກວ່າໄວ ແມ່ນປີນີ້ພວກເຂົາຈະຫາກໍ່ອາຍຸ 30 ປີ ແຕ່ໃບໜ້າກັບຄືປູ່ທີ່ອາຍຸ 80 ປີ ທັງນີ້ ທ້າວຫຍວນກ່າວວ່າ ຜິວໜັງຂອງພວກເຂົາເລີ່ມຫ່ຽວລົງຢ່າງວ່ອງໄວເມື່ອ 10 ປີກ່ອນ ຂາແລະແຂນມີອາການບວມແລະຮອຍຕີນກາເລີ່ມຂື້ນທີ່ໃບໜ້າຫລາຍຂຶ້ນ ໃນຕອນທຳອິດພວກເຂົາບໍ່ໃດ້ໃສ່ໃຈອາການນີ້ເທົ່າໃດ ແຕ່ຮອຍຫ່ຽວເລີ່ມແຜ່ຫລາຍຂີ້ນ ແລະເບິ່ງເຫັນໄດ້ແຈ້ງຂຶ້ນ ພວກເຂົາຈຶ່ງໄປພົບແພດທີ່ໂຮງໝໍ ແຕ່ແພດກໍບໍ່ສາມາດບອກໄດ້ວ່າ ພວກເຂົາປ່ວຍເປັນພະຍາດໃດ ໃບໜ້າຂອງພວກເຂົາຫ່ຽວຂຶ້ນເລື່ອຍໆຈົນເມື່ອບໍ່ດົນມານີ້ພວກເຂົາເດີນທາງໄປທະນາຄານ ພະນັກງານກໍກ່າວຫາວ່າພວກເຂົາແອບອ້າງໃຊ້ບັດປະຈຳຕົວປະຊາຊົນຄົນອື່ນ ທ້າວຫຍວນຮູ້ສຶກອັບອາຍກັບຊີວິດໃນຂະນະນີ້ຫລາຍ ສ່ວນເມຍຂອງພວກເຂົາເຜີຍວ່າ ເມື່ອນາງເດີນທາງໄປທີ່ຕ່າງໆ ຜູ້ຄົນມັກຖາມວ່າ ເຫດໃດຄົົນທີ່ຍັງສາວຍັງງາມເຖິງແຕ່ງກັບຄົນແກ່ກວ່າລຸ້ນປູ່ ແຕ່ແມ່ນຈະເປັນເຊັ່ນນີ້ນາງກໍຍັງຮັກທ້າວຫຍວນ ນອກຈາກນີ້ ນ້ອງຊາຍຂອງທ້າວຫຍວນແລະຄົນໃນຫມູ່ບ້ານທີ່ອາໄສຢູ່ຮ່ວມກັນຈຳນວນໜຶ່ງກໍເລີ່ມມີອາການດຽວກັນ ຈົນແພດຕັ້ງຂໍ້ສັງເກດວ່າ ທັງໝົດອາດມີອາການຂອງພະຍາດຂອງຕ່ອມໃຕ້ສະຫມອງສ່ວນໜ້າ ຫລືອະໂຄເມກາລີ Acromegaly ຊຶ່ງເກີດຈາກເຊລຂອງຕ່ອມດັ່ງກ່າວຜະລິດຮໍໂມນສຳລັບການຈະເລີນເຕີບໂຕຫລາຍເກີນໄປ ຢ່າງໃດກໍຕາມ ແພດຍັງບໍ່ໄດ້ສະຫລຸບຜົນຢ່າງຊັດເຈັນ ແລະຕ້ອງການໃຫ້ພວກເຂົາເຂົ້າຮັບການກວດຢ່າງລະອຽດຕໍ່ໄປ
https://youtu.be/XAlQFPXYS5A