spot_img
Homeຂ່າວການພັດທະນາອພບ ນະຄອນຫລວງວຽງຈັນຊີ້ ວຽກ ສໍ ສະອາດໄປຝືດ ຍ້ອນຂາດຫລາຍປັດ​ໄຈ!

ອພບ ນະຄອນຫລວງວຽງຈັນຊີ້ ວຽກ ສໍ ສະອາດໄປຝືດ ຍ້ອນຂາດຫລາຍປັດ​ໄຈ!

Published on

way

ໃນກອງປະຊຸມຄັ້ງທີ V ຂອງອົງຄະນະພັກນະຄອນຫລວງວຽງຈັນ, ໄດ້ກຳນົດນະໂຍບາຍ 6 ສ ຄື: ສ ສະຫງົບ, ສ ສະອາດ, ສ ສີຂຽວ, ສ ສະຫວ່າງ, ສ ສະເໜ່ ແລະ ສ ສີວິໄລ, ເພື່ອເປັນບ່ອນອີງໃນການພັດທະນາໃນຕົວເມືອງນະ ຄອນຫລວງວຽງຈັນ ເປັນຕາໜ້າຢູ່ອາ​ໄສ, ໃຫ້ສົມເປັນສູນກາງທາງດ້ານການເມືອງ, ເສດຖະກິດຂອງປະ ເທດ ແລະ ຜ່ານການຈັດຕັ້ງນະໂຍບາຍດັ່ງກ່າວໃນໄລຍະຜ່ານມາ, ໂດຍສະເພາະແມ່ນ ສ ສີຂຽວ, ສ ສະອາດເຫັນວ່າຍັງເຮັດບໍ່ທັນໄດ້ດີ ແລະ ດຳເນີນໄປຊັກຊ້າຫລາຍ.

ທ່ານ ຄຳປ່ຽນ ອິນທະລືຊາ ຮອງປະທານອົງການພັດທະນາ ແລະ ບໍລິຫານຕົວເມືອງວຽງຈັນ (ອພບ) ໃຫ້ຮູ້ວ່າ: ສຳລັບ ອພບ ແມ່ນໄດ້ລົງເລິກປະຕິບັດຕົວຈິງມີ ສ ສີຂຽວ ແລະ ສ ສະອາດ ແລະ ເຫັນວ່າການຈັດຕັ້ງປະຕິບັດໃນຜ່ານມາຍັງພົບຄວາມຫຍຸ້ງຍາກຫລາຍດ້ານຈາກຫລາຍປັດ​ໄຈຄື: ພວກເຮົາຍັງຂາດນິຕິກຳໃຫ້ຄົນຢູ່ຕົວເມືອງປະກອບພັນທະຮັກສາຄວາມສະອາດຂອງຕົວເມືອງ, ການຄຸ້ມຄອງ, ຕິດຕາມກວດກາລົດຂົນສົ່ງຫີນ-ຊາຍ, ວັດສະດຸເຂົ້າ-ອອກສະຖານທີ່ກໍ່ສ້າງ

ຕ່າງໆທີ່ເປັນສາເຫດຕົ້ນຕໍ່ພາໃຫ້ເສັ້ນທາງເປີະເປື້ອນຍັງບໍ່ທັນເຮັດໄດ້ດີ, ກຳລັງແຮງງານອະນາ ໄມທາງສ່ວນຫລາຍແມ່ນຜູ້ມີອາຍຸສູງ, ພາຫະນະຂົນສົ່ງຂີ້ເຫຍື້ອມີຈຳນວນຈຳກັດ ແລະ ສ່ວນຫລາຍແມ່ນບໍ່ໄດ້ມາດຕະ ຖານ, ຈຸດດູດນ້ຳມາຮັບໃຊ້ການສີດລ້າງທາງ, ຫົດດອກໄມ້ແມ່ນພົບຄວາມຫຍຸ້ງຍາກໃນລະດູແລ້ງ, ຂະນະດຽວກັນກໍບໍ່ມີຈຸດດູດນ້ຳຖາວອນ, ປັດຈຸບັນມີພຽງໜອງນ້ຳສວນສີໂຄດບ່ອນດຽວແຕ່ມີສະພາບບັນຫາກິນເໝັນ, ນອກຈາກນີ້ງົບປະ ມານໃນການນຳໃຊ້ເຂົ້າໃນວຽກງານດັ່ງກ່າວແມ່ນມີຈຳກັດ, ນອກຈາກນີ້, ຄວາມເຂົ້າໃຈຂອງພະນັກງານຍັງບໍ່ທັນສູງ ແລະ ຂາດຄວາມຮັບຜິດຊອບຕໍ່ຄວາມສະອາດຂອງຕົວເມືອງ, ສ່ວນຫລາຍພາກັນເຂົ້າໃຈວ່າວຽກງານຮັກສາຄວາມສະອາດຂອງຕົວເມືອງເປັນຄວາມຮັບຜິດຊອບຂອງພາກລັດຝ່າຍດຽວ, ເຊິ່ງສະແດງອອກຄື: ປະຊາຊົນທີ່ອາ​ໄສຢູ່ຕາມແຄມທາງ, ແຄມຮ່ອງລະບາຍນ້ຳມີຫລາຍຄອບຄົວຍັງບໍ່ທັນມີຄວາມຕື່ນຕົວໃນການອະນາໄມເສັ້ນທາງ ແລະ ຮ່ອງລະບາຍນ້ຳໃຫ້ສະອາດດີ. ແນວໃດກໍຕາມ ເພື່ອເຮັດໃຫ້ນະໂຍບາຍ ສ ສະອາດ ແລະ ສ ສີຂຽວ ໄດ້ຮັບການປະຕິບັດຢ່າງເປັນຮູບປະທຳດີຂຶ້ນໃນຕໍ່ໜ້າ, ເຮັດໃຫ້ນະຄອນຫລວງເປັນຕົວເມືອງສະອາດ, ຖະໜົນສະອາດ, ບໍ່ມີຂີ້ຝຸ່ນ, ຂີ້ເຫຍື້ອ, ບໍ່ເປິະເປື້ອນ, ບໍ່ມີສິ່ງກີດຂວາງ ແມ່ນຈະສູ້ຊົນເຮັດອະນາໄມຄວາມສະອາດ ແລະ ຂີ້ເຫຍື້ອ ຕາມສາຍທາງຫລັກໃນຕົວເມືອງ, ສືບຕໍ່ເຮັດສັນຍາເກັບມ້ຽນຂີ້ເຫຍື້ອໃຫ້ບັນລຸ 100% ໃນຂອບເຂດ 4 ເມືອງໃນ ແລະ ກວມເປັນສ່ວນຫລາຍໃນ 5 ຕົວເມືອງນອກ, ຍາດແຍ່ງໂຄງການຊ່ວຍເຫລືອດ້ານວິຊາການໃນການຄຸ້ມຄອງຂີ້ເຫຍື້ອເພື່ອປູກຈິດສຳນຶກໃຫ້ສັງຄົມ, ຊຸມຊົນ ແລະ ສະຖາບັນການສຶກສາຕ່າງໆ, ຊຸກຍູ້ດຶງດູດການລົງທຶນພາກເອກະຊົນໃນການສ້າງຕັ້ງໂຮງງານຫັນ ປ່ຽນຂີ້ເຫຍື້ອເປັນພະລັງານໃຫ້ສຳເລັດ, ປັບປຸງຮ່ອງລະບາຍນ້ຳ, ບຶງໜອງໃນເຂດຊຸມຊົນບໍ່ໃຫ້ມີກິ່ນເໝັນ ແລະ ມີສະພາບແວດລ້ອມທີ່ດີ, ສ້າງສວນສາທາລະນະໃນຕົວເມືອງ, ໃນຊຸມຊົນຕ້ອງມີຕົ້ນໄມ້ສີຂຽວສວຍງາມຮົ່ມເຢັນກາຍເປັນຕົວເມືອງທີ່ມີສະພາບແວດລ້ອມ ແລະ ອາກາດຊົດຊື່ນດີ.

 

ຂອບໃຈຂ່າວຈາກ:

ລພນ

ບົດຄວາມຫຼ້າສຸດ

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...

ວັນການທູດລາວຄົບຮອບ 80 ປີ ປັດຈຸບັນ ລາວມີສາຍພົວພັນການທູດກັບ 151 ປະເທດ ມີສໍານັກງານຕາງໜ້າການທູດ ຢູ່ຕ່າງປະເທດ 41 ແຫ່ງ

ວັນການທູດລາວຄົບຮອບ 80 ປີ (12/10/1945-12/10/2025) ແມ່ນວັນສຳຄັນທາງປະຫວັດສາດຂອງຊາດ ທີ່ມີຄວາມໝາຍຄວາມສຳຄັນ ເພາະສະແດງອອກພູມປັນຍາຄວາມສະຫລາດສ່ອງໃສຂອງບັນພະບູລຸດ ແລະ ຄວາມສຳເລັດຂອງພາລະກິດຕ່າງໆຕັ້ງແຕ່ອາດີດຮອດປັດຈຸບັນ ແລະ ແນໃສ່ສືບຕໍ່ສ້າງເປັນບົດຮຽນ ເປັນມູນມັງມໍລະດົກຕົກທອດໃຫ້ແກ່ຄົນຮຸ່ນ ໃໝ່ຕໍ່ໆໄປໃນອະນາຄົດ. ເຊິ່ງກົມການເມືອງສູນກາງພັກໄດ້ອອກແຈ້ງການສະບັບເລກທີ...

ພິທີປະກາດຊື່ໂຮງຮຽນມັດທະຍົມສົມບູນມິດຕະພາບລາວ – ສປປ ເກົາຫຼີ ແລະ ປາຖະກະຖາວັນສ້າງຕັ້ງພັກແຮງງານເກົາຫຼີ ຄົບຮອບ 80 ປີ

ສະມາຄົມມິດຕະພາບລາວ - ສປປ ເກົາຫຼີ, ໂຮງຮຽນມັດທະຍົມສົມບູນມິດຕະພາບລາວ - ສປປ ເກົາຫຼີ ຮ່ວມກັບສະຖານເອກອັກຄະລັດຖະທູດແຫ່ງ ສປປ ເກົາຫຼີ ປະຈຳ ສປປ ລາວ...

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ຢ່າງເປັນທາງການ

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025. ກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ໄດ້ໄຂຂຶ້ນໃນຕອນເຊົ້າ ວັນທີ 9 ຕຸລາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ...