ເມັກຊິໂກ ກວດພົບອຸໂມງໃຕ້ດິນບໍລິເວນເຂດແດນເມືອງທິຮົວນາ ເພື່ອໃຊ້ລັກລອບຂົນອາວຸດເສິກແລະຢາເສບຕິດເຂົ້າສະຫາຣັດອະເມຣິກາ
ວັນທີ່ 4 ສິງຫາ 2015 ສຳນັກຂ່າວຕ່າງປະເທດລາຍງານວ່າ ຫນ່ວຍງານຮັກສາຄວາມປອດໄພຂອງເມັກຊິໂກ ໄດ້ກວດພົບອຸໂມງໃຕ້ດິນຄວາມຍາວປະມານ 123 ແມັດ ບໍລິເວນເຂດແດນເມືອງທິຮົວນາ ເພື່ອລັກລອບຂົນອາວຸດເສິກ ແລະ ຢາເສບຕິດເຂົ້າມາປະເທດສະຫາຣັດອະເມຣິກາ
ໃນນັ້ນ ທາງການເມັກຊິໂກ ເຊື່ອວ່າເປັນຝີມືຂອງກອງກຳລັງ Sinaloa Cartel ເພື່ອໃຊ້ໃນການລັກລອບຂົນອາວຸດເສິກ ແລະ ຢາເສບຕິດເຂົ້າມາສະຫາຣັດໂດຍເມື່ອເດືອນທີ່ຜ່ານມາ ນາຍຮົວຄິນ ກຸຊະມັນ ຫລື ເອນ ຊາໂປ ເຈົ້າພໍ່ຄ້າຢາຫາກໍ່ແຫກຄຸກຄວາມປອດໄພສູງສຸດດ້ວຍການເຈາະອຸໂມງຫລົບໜີອອກມາເຊັ່ນດຽວກັນ
ຢ່າງໃດກໍຕາມ ການຄົ້ນພົບອຸໂມງໃຕ້ດິນເທື່ອນີ້ ນັບເປັນເທື່ອທີ່ 3 ເຊີ່ງໜຶ່ງໃນອຸໂມງທີ່ກວດພົບກ່ອນຫນ້າທີ່ມີການຕິດຕັ້ງລະບົບໄຟຟ້າແລະລາງລົດໄຟຢ່າງສົມບູນ ແລະລະບົບລະບາຍອາກາດພ້ອມ