ບໍລິສັດ ເບຍລາວແຈ້ງຂ່າວ ເລື່ອງນ້ຳດື່ມປອມຫຼ້າສຸດ ວັນທີ 28 ກໍລະກົດ 2015 ມື້ນີ້ວ່າ ລັກສະນະນ້ຳດື່ມຫົວເສືອແທ້ ແລະນ້ຳດື່ມຫົວເສືອປອມ ມີຈຸດພິເສດແຕກຕ່າງກັນດັ່ງນີ້:
1. ຜູ້ປອມແປງໄດ້ນຳໃຊ້ຕຸກເປົ່າ ແລະກາ (ສະຫຼາກ) ທີ່ໃຊ້ແລ້ວທັງ 3 ຂະໜາດຂອງນ້ຳດື່ມກາຫົວເສືອ ແລ້ວເອົາມາຮ່າຍນ້ຳໃສ່ໃໝ່, ຕຸກນ້ຳຫົວເສືອປອມຈະມີຮອຍຂູດ ແລະເກົ່າ.
2. ຜູ້ປອມແປງໄດ້ເຮັດຝາອັດໃໝ່ ເຊິ່ງຮູບຫົວເສືອເທິງຝາບໍ່ລະອຽດ, ຢາງຫຸ້ມຝາຈະມີຮູບຫົວເສືອໃຫຍ່ກວ່າ ແລະມີຫຼາຍຮູບກວ່າ ເຊິ່ງແຕກຕ່າງຢ່າງຊັດເຈນຕໍ່ນ້ຳດື່ມຫົວເສືອແທ້.
3. ຜູ້ປອມແປງໄດ້ເຮັດແກັດເຈ້ຍໃໝ່ ເຊິ່ງເປັນສີນ້ຳຕານໄໝ້ ສ່ວນແກັດນ້ຳດື່ມຫົວເສືອແທ້ ຈະອອກສີຂາວແຈ້ງກວ່າຢ່າງຊັດເຈນ.
4. ສະເພາະຕຸກໃຫຍ່ ແພັກ 6 ຕຸກ ຂອງປອມຈະມີຢາງຫຸ້ມແຂງແລະໃສ, ຢ່ວງຫິ້ວມີສີຟ້າເຂັ້ມກວ່າ.
ສຳລັບລາຍລະອຽດເພີ່ມເຕີມ ແລະ ຄວາມສະບາຍໃຈຂອງທ່ານ ສາມາດຕິດຕາມ ການຖະແຫຼງຂ່າວ ຢ່າງເປັນທາງການຂອງເຈົ້າໜ້າທີ່ ແລະ ບໍລິສັດ ເບຍລາວ ຈຳກັດ ທີ່ຈະຈັດຂຶ້ນໃນ ວັນທີ 29 ກໍລະກົດ 2015.