ອົງການ​ບໍລິຫານ​ການ​ບິນ​ແລະ​ອາວະ​ກາດ​ແຫ່ງ​ຊາ​ດຂອງສະຫາລັດ​ ຫຼື NASA ໄດ້​ເປີດ​ເຜີຍ​ການ​ຄົ້ນ​ພົບ​ອັນ​ໜ້າ​ຕື່ນ​ຕາ ນັກ​ດາ​ລາ​ສາດ​ພົບ​ກາ​ແລັກ​ຊີ​ທີ່​ສະຫວ່າງ​ທີ່ສຸດ​ເທົ່າ​ທີ່​ເຄີຍ​ຄົ້ນ​ພົບ ເຈີດ​ຈ້າ​ຫລາຍກວ່າ​ດວງ​ອາທິດ 300 ລ້ານ​ລ້ານ​ດວງ

ກາ​ແລັກ​ຊີ່​ນີ້​ມີ​ຊື່​ວ່າ WISE J224607.57-052635.0 ຢູ່ ຫ່າງ​ຈາກ​ໂລກ​ປະມານ 12, 500 ລ້ານ​ປີ​ແສງ ຫລື​ອາດ​ເວົ້າ​ໄດ້​ວ່າ ເຮົາ​ກຳ​ລັງ​ເບິ່ງເຫັນ​ອະ​ດີດ​ເມື່ອ 12, 500 ລ້ານ​ປີ​ກ່ອນ​ຂອງ​ກາ​ແລັກ​ຊີ່​ແຫ່ງນີ້ ເຊີ່ງ​​ເວລາ​ນັ້ນ​ຖື​ວ່າ​ເປັນ​ຊ່ວງ​ທຳອິດ ຫລັງ​ຈາກ​ຈັກກະວານ​ໄດ້​ຖື​ກຳ​ເນີດ​ຂຶ້ນ (ນັກ​ວິທະຍາ​ສາດ​ຄາດ​ວ່າ​ຈັກກະວານ​ມີ​ອາ​ຍຸ​ລາວ 13, 800 ລ້ານ​ປີ)

         ສິ່ງ ທີ່​ເຮັດໃຫ້​ກາ​ແລັກ​ຊີ​ແຫ່ງ​ນີ້​ສະຫວ່າງ​ໃນ​ລະ​ດັບ​ທີ່​ໜ້າ​ຕື່ນ​ຕາ ຄື​ ຂຸມ​ດຳ​ຂະໜາດ​ໃຫ່ຍມະຫຶ​ມາ​ທີ່​ຢູ່​ບໍລິເວນ​ໃຈ​ກາງ​ກາ​ແລັກຊີ ທີ່​ດູດ​ເອົາ​ກ໊າ​ດ​ແລະ​ອະ​ໜຸ​ພາກ​ຕ່າງໆ ໃຫ້​ໝຸນ​ວົນ​ຢູ່​ອ້ອມຮອບ ຂຸມ​ດຳ​ຢ່າງ​ຕໍ່​ເນື່ອງ ແລະ​ເຮັດໃຫ້​ເກີດ​ຄວາມ​ຮ້ອນ​ສູງ​ຫລາຍ​ລ້ານ​ອົງ​ສາ​ ຈົນ​ມີ​ພະລັງ​ງານ​ສູງ​ຫລາຍ ແສງ​ສະຫວ່າງ​ເຈີດ​ຈ້າ​ໂດດ​ເດັ່ນ ສະຫວ່າງ​ກວ່າ​ດວງ​ອາທິດ 300 ລ້ານ​ລ້ານ​ດວງ​ເລີຍ​