Homeຂ່າວທ້ອງຖິ່ນເມືອງຮົ່ມ ແຂວງໄຊສົມບູນ ປ່ອຍລູກປາ 5000 ໂຕ ລົງສູ່ທໍາມະຊາດ

ເມືອງຮົ່ມ ແຂວງໄຊສົມບູນ ປ່ອຍລູກປາ 5000 ໂຕ ລົງສູ່ທໍາມະຊາດ

Published on

16.07.4

ເມືອງ​ຮົ່ມ ​ແຂວງ​ໄຊ​ສົມບູນ ໄດ້​ຈັດພິທີ​ປ່ອຍ​ປາ​ລົງ​ສູ່ທຳ​ມະ​ຊາດ ຢູ່ ຫ້ວຍ​ນໍ້າ​ປັງ ໃນ​ວັນ​ທີ 13 ກໍ​ລະ​ກົດ 2015 ຈໍານວນ 5 ພັນ​ໂຕມີ​ມູນ​ຄ່າ​ກວ່າ 4 ລ້ານ​ກີບ ​​ເຊິ່ງພິທີ​ດັ່ງກ່າວ ​ເພື່ອສະ​ເຫລີ​ມສະຫລອງ​ວັນ​ອະນຸລັກ ​ສັດ​ນໍ້າ-​ສັດປ່າ ​ແຫ່ງ​ຊາດຄົບຮອບ 18 ປີ ​ໂດຍ​ເປັນ​ກຽດ​ເຂົ້າຮ່ວມ​ຂອງ ທ່ານ ດົວຊົ່ງ ໝື່ນ​ສົມ​ພູ ຮອງ​ເລຂາ​ພັກ​ເມືອງ, ປະທານ​ກວດກາ​ພັກ-ລັດ ​ເມືອງ​ຮົ່ມ ພ້ອມ​ດ້ວຍ​ພະນັກງານ​ລັດ​ຖະກອນ, ທະຫານ, ຕໍາຫລວດ ​ແລະ ພໍ່​ແມ່​ປະຊາຊົນ​ເຂົ້າຮ່ວມ.

ທ່ານ ບົວ​ລີ ​ເຮີ່ຢົງ​ເລັ່ງ ຮັກສາ​ການ ຫົວໜ້າ​ຫ້ອງການ ຊັບພະຍາກອນ​ທໍາ​ມະ​ຊາດ ​ແລະ ສີ່​ງ​ແວດ​ລ້ອມ ​ເມືອງ​ຮົ່ມ ​ໄດ້​ກ່າວ​ວ່າ:  ວັນ​ທີ 13 ກໍລະກົດ 2015 ນີ້​ເປັນ​ວັນ​ສໍາຄັນ​ວັນ​ໜຶ່ງ​ຂອງ​​ລາວເຮົາ ເພາະ​ເປັນ​ວັນ​ອະນຸລັກ​ສັດ​ນໍ້າ ​ແລະ ສັດປ່າ​ແຫ່ງ​ຊາດ ຄົບຮອບ 18 ປີ ​ແລະ ຍັງ​ເປັນ​ວັນ​ຄ້າຍ​ວັນ​ເກີດ ຂອງ​ທ່ານ ປະທານ ສຸພາ​ນຸວົງ ຜູ້​ນໍາ​ທີ່​ແສນ​ເຄົາລົບ​ຮັກ​ຂອງ​ປວງ​ຊົນ​ລາວທັງ​ຊາດ​ ຄົບຮອບ 106 ປີ​ ​ແລະ ວັນ​ກໍາ​ເນີ​ດກິລາ​ລາວຄົບຮອບ 49 ປີ. ດັ່ງນັ້ນ,  ​ເຖິງແມ່ນວ່າ ເມືອງ​ຮົ່ມ ​ມີ​ຊັບພະຍາກອນ​ທໍາ​ມະ​ຊາດທີ່​ອຸດົມສົມບູນ​ເຕັມ​ໄປ​ດ້ວຍ​ພູຜາ, ປ່າ​ໄມ້, ຫ້ວຍ​ນໍ້າ​ລໍາ​ເຊ ​ແລະ  ຊີວະ​ນານາ​ພັນ​ຫລາຍຊະນິດ​, ແຕ່ ທາງ​ພາກ-​ລັດ ​ແລະ ​ເອກະ​ຊົນ​ ຍັງ​ໄດ້​ໃຫ້ຄວາມ​ສຳຄັນ​ຕໍ່​ການ​ຟື້ນ​ຟູ​ຊີວະ​ນາໆ​ພັນ​ເປັນຕົ້ນ​ແມ່ນ​ ບໍລິສັດ ພູ​ເບຍ​ມາຍ​ນິງ ຈໍາກັດ​ ​ໄດ້ອຸປະ​ຖໍາລູກ​ປາ​​ໃນ​ຄັ້ງ​ນີ້ຈໍານວນ 5 ພັນ​ໂຕ ປະກອບ​ມີປານິນ, ປາ​ໄນ ​ແລະ ປາປາກ ເພື່ອປ່ອຍສູ່ທຳມະຊາດ, ພ້ອມນີ້ຍັງ ອຸປະຖໍາ​ເສື້ອ​ອະນຸລັກສັດນໍ້າ-ສັດປ່າ 70 ຜືນ ລວມມູນ​ຄ່າ​ທັງ​ໝົດກວ່າ 4 ລ້ານກີບ.

ທ່ານ ດົວຊົ່ງ ໝື່ນ​ສົມ​ພູ ​ຍັງ​​ໃຫ້​ຮູ້ວ່າ:  ​ເພື່ອຈັດຕັ້ງປະຕິບັດແຜນດໍາເນີນງານດ້ານສີ່ງແວດລ້ອມ, ການອະນຸລັກ ສັດນໍ້າ ແລະ ສັດປ່າແຫ່ງຊາດ ຄົບຮອບ 18 ປີ, ຕິດພັນກັບການຈັດຕັ້ງປະຕິບັດມະຕິຂອງອົງຄະນະພັກແຂວງໄຊສົມບູນ ໃນການປຸກລະດົມຂະບວນການແຂ່ງຂັນຮັກຊາດ, ສ້າງບ້ານພັດທະນາ, ຊຸກຍູ້ວຽກງານ 3 ສ້າງ, ຮັບປະກັນການເປີດປີທ່ອງທ່ຽວ ແຂວງໄຊສົມບູນ ປີ 2015 ໃຫ້ບັນ ລຸເປົ້າໝາຍ. ດັ່ງນັ້ນ, ຮຽກຮ້ອງໃຫ້ທຸກ​ພາກສ່ວນ​ທັງ​ພາກລັດ, ເອກະຊົນ ຕະຫລອດຮອດພໍ່ ແມ່ປະຊາ ຊົນບັນດາເຜົ່າໃຫ້ຖືເອົາວັນອະນຸລັກສັດນໍ້າ ແລະ ສັດປ່າແຫ່ງຊາດ, ວັນປູກຕົ້ນໄມ້ແຫ່ງຊາດ ແລະ ວັນສິ່ງແວດລ້ອມໂລກເປັນປີລິເລີ່ມຂະບວນການ ໃນການປົກປັກຮັກ ສາສີ່ງແວດລ້ອມ ແລະ ອະນຸລັກສັດນໍ້າ-ສັດປ່າໃຫ້ອຸດົມສົມບູນ ແລະ ຍືນຍົງຕະຫລອດໄປ.
ຂອບໃຈຂ່າວຈາກ:
ຂປລ

ບົດຄວາມຫຼ້າສຸດ

ເຝົ້າລະວັງ-ຮັບມື ພະຍາດອີໂບລາ ຫົວໜ້າກົມຄວບຄຸມພະຍາດຕິດຕໍ່ ລາຍງານສະພາບການລະບາດຂອງພະຍາດອີໂບລາທີ່ເກີດຂຶ້ນໃນທະວີບອາຟຣິກາ (ລາວແມ່ນມີຄວາມສ່ຽງຕໍ່າ)

ໃນວັນທີ 03 ມິຖຸນາ 2026 ທີ່ຜ່ານມາ ທ່ານ ປອ. ດຣ ພອນປະດິດ ສັງໄຊຍະລາດ ຫົວໜ້າກົມຄວບຄຸມພະຍາດຕິດຕໍ່ ລາຍງານກ່ຽວກັບສະພາບການລະບາດຂອງພະຍາດອີໂບລາທີ່ເກີດຂຶ້ນໃນບັນດາປະເທດຢູ່ທະວີບອາຟຣິກາ. ພະຍາດອີໂບລາເປັນພະຍາດທີ່ຕິດຕໍ່ຈາກສັດສູ່ຄົນ ແລະ ເປັນພະຍາດທີ່ຕິດຕໍ່ຈາກຄົນສູ່ຄົນໄດ້...

ມ້າງແກ້ງສະແກມເມີຈີນ ເຈົ້າໜ້າເມືອງໄຊທານີ ເຂົ້າມ້າງແກ້ງສະແກມເມີ ກັກຕົວຜູ້ກະທຳຜິດ 24 ຄົນ ບ້ານຂຸດສາມບາດ ເມືອງໄຊທານີ ນະຄອນຫຼວງວຽງຈັນ

ໂດຍປະຕິບັດຕາມທິດຊີ້ນໍາຂອງທ່ານລັດຖະມົນຕີ ກະຊວງປ້ອງກັນຄວາມສະຫງົບຢ່າງເຂັ້ມງວດ ແລະ ເດັດຂາດ ໃນການສຸມໃສ່ສະກັດກັ້ນ, ຕ້ານ ແລະ ແກ້ໄຂບັນຫາອາຊະຍາກຳທາງໂທລະຄົມ ຫຼື ອາຊະຍາກຳທາງລະບົບຄອມພິວເຕີ ກໍຄື ການປາບປາມພວກສໍ້ໂກງຊັບທາງໂທລະຄົມ ຫຼື ແກ້ງສະແກມເມີ. ຄຽງຄູ່ກັນນັ້ນ,...

ປະທານປະເທດ ພ້ອມດ້ວຍພັນລະຍາ ແລະ ຄະນະຜູ້ແທນຂັ້ນສູງ ເດີນທາງເຖິງສະໜາມບິນສາກົນຊ່ຽວຊານ ນະຄອນຫາງໂຈ  ແຂວງເຈີ້ຈ່ຽງ  ສປ ຈີນ

ໃນວັນທີ 02 ມິຖຸນາ 2026, ສະຫາຍ ທອງລຸນ ສີສຸລິດ, ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ, ປະທານປະເທດ ແຫ່ງ ສປປ ລາວ ພ້ອມດ້ວຍພັນລະຍາ ແລະ...