spot_img
Homeອຸບັດເຫດແລະປາກົດການຫຍໍ້ທໍ້ເຈົ້າ​ໜ້າ​ທີ່​ເລັ່ງນຳ​ຈັບ​ຕົວ​​ ໄວ​ໜຸ່ມກໍ່​ເຫດ​ແທງ​ກັນ​ເສຍ​ຊີວິດ 1 ຄົນ ຢູ່​ເມືອງ​ປາກ​ເຊ!

ເຈົ້າ​ໜ້າ​ທີ່​ເລັ່ງນຳ​ຈັບ​ຕົວ​​ ໄວ​ໜຸ່ມກໍ່​ເຫດ​ແທງ​ກັນ​ເສຍ​ຊີວິດ 1 ຄົນ ຢູ່​ເມືອງ​ປາກ​ເຊ!

Published on

Untitled

ພາຍຫລັງ​​ໄດ້ເກີດ​ເຫດມີໄວ​ຫນຸ່ມ ​​ໃຊ້​ມີດ​ໄລ່​ແທງ​ກັນ​ຢ່າງ​ໂຫດ​ຫ້ຽມ ​ໃນ​ຕອນ​ແລງ​ຂອງ​ວັນ​ທີ 23 ມິຖຸນາ​ນີ້, ​ຢູ່ບ້ານໂພນ ໄຊ ເມືອງ ປາກເຊ ແຂວງຈຳປາສັກ ຈົນ​ມີ​ຜູ້​ເສຍ​ຊີວິດ​ໜຶ່ງ​ຄົນ​ຄື ທ້າວ ກັນ (ສັນຊາດຫວຽດນາມ) ອາຍຸ 30 ປີ ອາຊີບກຳມະກອນ ພັກເຊົາຢູ່ບ້ານ ຫລັກ 21 ເມືອງປາກເຊ ແຂວງຈຳປາສັກ.

ຈາກການສອບ​ຖາມປະຊາຊົນຜູ້​ເຫັນ​ເຫດການຂອງເຈົ້າໜ້າທີ່ໃຫ້ຮູ້​ໃນ​ເບື້ອງຕົ້ນວ່າ: ກ່ອນ​ເກີດ​ເຫດ ທ້າວ ກັນ ໄດ້​ໄປທີ່​ເຮືອນຂອງທ້າວ ຈອນນີ້ ​ແລະ ຫຼັງຈາກນັ້ນ ບໍ່ພໍເທົ່າໃດນາທີ ທ້າວ ຈອນນີ້ ກໍໄດ້ແລ່ນ​ອອກ​ມາ​ຈາກເຮືອນ​ພ້ອມ​ກັບໃຊ້ມີດປາຍແຫລມແທງເຂົ້າບໍລິ​ເວນໜ້າເອີກຂອງ​ທ້າວ ​ກັນ 1 ບາດ ແລະ ຫລັງ 2 ບາດ ຈຶ່ງ​ເຮັດ​​ໃຫ້​ທ້າວ​ກັນ ​ໄດ້​ຮັບ​ບາດ​ເຈັບ ​ແລະ ແລ່ນ​ໜີ​ຕາຍ​ໄປ​ຫາ​ບ້ານປະຊາຊົນ​ທີ່ຢູ່​​ໃກ້​ຄຽງ, ຈາກ​ນັ້ນ ​ໄດ້ມີ​ພົນລະ​ເມືອງ​ດີ​ນຳ​ຕົວ​ສົ່ງ​ໂຮງໝໍ​, ​ແຕ່​ຜູ້ກ່ຽວທົນ​ຕໍ່​ຄວາມ​ເຈັບ​ປວດ​ບໍ່​ໄຫວ ​ຈຶ່ງ​ໄດ້​ເສຍ​ຊີວິດ​ໃນ​ເວລາ​ຕໍ່​ມາ. ສ່ວນ​ທ້າວ ຈອນ​ນີ້ ​ໄດ້​ຫລົບໜີ. ປັດຈຸບັນ​ເຈົ້າ​ໜ້າ​ທີ່ພວມ​ເລັ່ງ​ສືບສວນ-ສອບ​ສວນຫາ​ສາ​ເຫດ​ຂອງ​ການ​ກໍ່​ເຫດ​ຄັ້ງ​ນີ້ ​ແລະ ນຳ​ຕົວ​ຜູ້​ກະທຳ​ຜິດ​ມາ​ລົງ​ໂທດຕາມ​ລະບຽບ​ກົດໝາຍ​ໂດຍ​ໄວ.

 

ແຫລ່ງຂ່າວ: ລາວພັດທະນາ

 

ບົດຄວາມຫຼ້າສຸດ

ຍີ່ປຸ່ນທຸບສະຖິຕິໃໝ່! ກວດພົບຄື້ນຄວາມຮ້ອນ ອຸນຫະພູມ 41.8 ອົງສາ ພ້ອມເຕືອນໄພປະຊາຊົນໃຫ້ອອກຈາກພື້ນທີ່ສ່ຽງ

ຍີ່ປຸ່ນທຸບສະຖິຕິອາກາດຮ້ອນສູງສຸດ 41.8 ອົງສາ ເຈົ້າໜ້າທີ່ເລັ່ງອົບພະຍົບປະຊາຊົນ ພ້ອມເຕືອນໂຣກລົມແດດ 44 ແຂວງໃນຍີ່ປຸ່ນ ຂະນະດຽວກັນພາກເໜືອຮັບມືຝົນຕົກໜັກ-ສ່ຽງນ້ຳຖ້ວມຊຸ. ສຳນັກຂ່າວຕ່າງປະເທືດລາຍງານໃນວັນທີ 7 ສິງຫາ 2025 ສຳນັກງານອຸຕຸນິຍົມວິທະຍາຂອງປະເທດຍີ່ປຸ່ນ (Japan Meteorological...

ຄະນະບໍລິຫານງານພັກກະຊວງປ້ອງກັນຄວາມ ສະຫງົບ ສະໄໝທີ VI ປະກອບມີ 27 ສະຫາຍ ຍິງ 1 ສະຫາຍ

ຊົມເຊີຍ ຜົນສຳເລັດກອງປະຊຸມຄັ້ງປະຖົມມະລຶກກອງປະຊຸມໃຫຍ່ຜູ້ແທນ ຄັ້ງທີ VI ອົງຄະນະພັກກະຊວງປ້ອງກັນຄວາມສະຫງົບ ໃນຕອນເຊົ້າວັນທີ 6 ສິງຫາ 2025, ສະຫາຍ ພົອ ວິໄລ ຫຼ້າຄຳຟອງ ໄດ້ລາຍງານຜົນຂອງກອງປະຊຸມຄັ້ງປະຖົມມະລຶກຄະນະບໍລິຫານງານພັກກະຊວງປ້ອງກັນຄວາມສະຫງົບ ສະໄໝທີ...

ລາວປະເຊີນບັນຫາພລາສຕິກລົ້ນຕະຫຼາດທ່າມກາງລາຄາຕົກຕໍ່າ

ເສດຖົງຢາງທີ່ເກົ່າໝອງຈົນເກືອບແຍກສີບໍ່ອອກ ບວກກັບຕຸກນໍ້າພລາສຕິກທີ່ຖືກຖິ້ມຊະຊາຍເປັນວົງກວ້າງໃນນະຄອນຫຼວງວຽງຈັນ ເປັນພຽງສ້ຽວໜຶ່ງຂອງເລື່ອງເລົ່າກ່ຽວກັບພລາສຕິກຂອງເມືອງຫຼວງແຫ່ງນີ້. ພາຍໃຕ້ມົນລະມິດທີ່ສາມາດເບິ່ງເຫັນໄດ້ດ້ວຍຕາເປົ່ານີ້ ລ້ວນແຕ່ເຊື່ອງຊ້ອນວິກິດການຂັ້ນຮ້າຍແຮງກວ່າທີ່ຄິດໄວ້. ເນື່ອງຈາກສິ່ງດັ່ງກ່າວໄດ້ກາຍເປັນໄພຂົ່ມຂູ່ຕໍ່ສິ່ງແວດລ້ອມທາງທໍາມະຊາດຂອງລາວ ທັງເປັນໄພຂົ່ມຂູ່ຕໍ່ສຸຂະພາບຂອງຜູ້ຄົນຫຼາຍຮ້ອຍ ທີ່ຕ້ອງເພິ່ງພາການຊື້-ຂາຍສິ່ງເສດເຫຼືອປະເພດພລາສຕິກ. ໃນລະຫວ່າງວັນທີ 5 ຫາ 14 ສິງຫາ, ບັນດາຜູ້ນໍາຈາກຫຼາຍປະເທດໃນໂລກຈະມາເຕົ້າໂຮມກັນທີ່ ເຈນີວາ, ປະເທດສະວິດເຊີແລນ...

ປະກາດ-ແຕ່ງຕັ້ງ ສະຫາຍ ພົນຈັດຕະວາ ແປ້ນຄໍາ ບຸດຈັດແພງ ຮັກສາການແທນເຈົ້າແຂວງ ແຂວງບໍ່ແກ້ວ (ຜູ້ໃໝ່)

ມອບ-ຮັບ ໜ້າທີ່ ລະຫວ່າງ ເລຂາຄະນະບໍລິຫານງານພັກແຂວງ, ເຈົ້າແຂວງ ແຂວງບໍ່ແກ້ວ (ຜູ້ເກົ່າ) ກັບ ຮັກສາການແທນເລຂາຄະນະບໍລິຫານງານພັກແຂວງ, ຮັກສາການເຈົ້າແຂວງ ແຂວງບໍ່ແກ້ວ (ຜູ້ໃໝ່) ປະກາດ ແລະ ມອບ-ຮັບ...