spot_img
Homeຂ່າວພາຍ​ໃນສະຫະລັດປະກາດເພີ່ມທຶນຊ່ວຍເຫລືອລາວ 15 ລ້ານໂດລາເພື່ອເກັບກູ້ລະເບີດບໍ່ທັນແຕກ

ສະຫະລັດປະກາດເພີ່ມທຶນຊ່ວຍເຫລືອລາວ 15 ລ້ານໂດລາເພື່ອເກັບກູ້ລະເບີດບໍ່ທັນແຕກ

Published on

ຂປລ. ລັດຖະບານສະຫະລັດອາເມລິກາປະກາດເພີ່ມທຶນຊ່ວຍເຫລືອໃຫ້ລາວ 15 ລ້ານໂດລາສະຫະລັດເເຂົ້າໃນຂົງເຂດວຽກງານການເກັບກູ້ລະເບີດບໍ່ທັນແຕກຢູ່ ສປປ ລາວພາຍໃນປີນີ້.

ທ່ານ ແດນຽວ ຣຸດແຊວ (Daniel Russel) ລັດຖະມົນຕີຊ່ວຍວ່າການ ກະຊວງການຕ່າງປະເທດ ສະຫະລັດອາເມລິກາ ໄດ້ປະກາດເພີ່ມທຶນຊ່ວຍເຫລືອ 15 ລ້ານໂດລາສະຫະລັດໃຫ້ລັດຖະບານລາວເຂົ້າວຽກເກັບກູ້ລະເບີດບໍ່ທັນແຕກຢູ່ກອງປະຊຸມພົບປະ-ປຶກສາຫາລືຮອບດ້ານສອງຝ່າຍຈັດຂຶ້ນທີ່ນະຄອນ ວໍຊິງຕັນດີຊີ ໃນວັນທີ 19 ມິຖຸນານີ້ ເຊິ່ງຄະນະຜູ້ແທນລາວ ນຳໂດຍ ທ່ານນາງ ສູນທອນ ໄຊຍະຈັກ, ລັດຖະມົນຕີຊ່ວຍວ່າການ ກະຊວງການຕ່າງປະເທດໄດ້ສະແດງຄວາມຂອບອົກຂອບໃຈ ທີ່ທາງ ຝ່າຍສະຫະລັດອາເມລິກາ ສືບຕໍ່ໃຫ້ການຊ່ວຍເຫລືອ ແລະ ສະໜັບສະໜູນຢ່າງໜັກແໜ້ນ ຕໍ່ກັບວຽກງານ ເກັບກູ້ລະເບີດບໍ່ທັນແຕກ.

ທ່ານ ລັດຖະມົນຕີຊ່ວຍວ່າການ ກະຊວງການຕ່າງປະເທດ ສະຫະລັດອາເມລິກາພ້ອມຄະນະໄດ້ເຂົ້າຮ່ວມ ກອງປະຊຸມພົບປະ-ປຶກສາຫາລືຮອບດ້ານສອງຝ່າຍໄດ້ອະທິບາຍວ່າ ການປະກາດເພີ່ມທຶນຊ່ວຍເຫລືອຈຳນວນ 15 ລ້ານໂດລາສະຫະລັດແມ່ນເພື່ອຕອບສະໜອງຄວາມມຸ້ງຫວັງຂອງທັງສອງຝ່າຍລະຫວ່າງສະຫະລັດອາເມລິກາ ແລະ ສປປ ລາວ ໃນ ບາດກ້າວ ຂອງການສຳຫລວດແບບປະຖົມປະຖານທີ່ບໍ່ແມ່ນທາງດ້ານວິຊາການ ແລະ ການສຳຫລວດ ທາງດ້ານເຕັກນິກ ວິຊາການໃນເຂດທີ່ມີຄວາມສ່ຽງຢູ່ສປປ ລາວ.

ນັບແຕ່ປີ 1993, ສະຫະລັດອາເມລິກາໄດ້ໃຫ້ທຶນສະໜັບສະໜູນຊ່ວຍເຫລືອຫລາຍກວ່າ 85 ລ້ານໂດລາສະຫະລັດໃນຂົງເຂດວຽກງານການເກັບກູ້ລະເບີດທີ່ບໍ່ທັນແຕກຢູ່ໃນ ສປປ ລາວ.
ກ່ອນທີ່ຈະມີການຊ່ວຍເຫລືອເພີ່ມຂຶ້ນໃນປີນີ້, ສະຫະລັດອາເມລິກາໄດ້ໃຫ້ທຶນຊ່ວຍເຫລືອ 9 ລ້ານໂດລາສະຫະລັດໃນປີ 2012 ແລະ 2013 ແລະ ຈຳນວນ 12 ລ້ານໂດລາສະຫະລັດໃນປີ 2014.

ຂ່າວ: ຂ່າວສານປະເທດລາວ. ພາບ: UXO

1391509_1453873138262769_8042254865339277048_n 1533911_1453873154929434_8283360698466763713_n 11205615_1453873178262765_6545992223832891208_n

ບົດຄວາມຫຼ້າສຸດ

ຜູ້ນຳຄົນໃໝ່ ອີ ແຈມະຢອງ ຄວ້າຕຳແໜ່ງປະທານາທິບໍດີ ຄົນທີ 14 ສ.ເກົາຫຼີ

ອີ ແຈມະຢອງ ຄວ້າໄຊຊະນະການເລືອກຕັ້ງປະທານາທິບໍດີ ສ.ເກົາຫຼີ ພາຍຫຼັງ ຍຸນຊ໋ອກຍອນ ຖືກຖອດອກກຈາກຕໍາແໜ່ງ. ສຳນັກຂ່າວຕ່າງປະເທດລາຍງານໃນວັນທີ 3 ມິຖຸນາ 2025 ຜ່ານມານີ້ວ່າ: ເກົາຫຼີໃຕ້ຈັດການເລືອກຕັ້ງປະທານາທິບໍດິຄັ້ງພິເສດ ເພື່ອຫາຜູ້ນຳຄົນໃໝ່ແທນ ທ່ານ...

ຈີນປະກາດ ເປີດບໍລິການວີຊາພິເສດ “ASEAN visa”

ຈີນປະກາດເປີດຕົວ ວີຊ່າອາຊຽນ ໄຟຂຽວນັກທຸລະກິດ 10 ບັນປະເທດອາຊຽນລວມເຖິງ ຕີມໍແລັດສະແຕ ເດີນທາງເຂົ້າອອກສະດວກ ສຳນັກຂ່າວຕ່າງປະເທດລາຍງານໃນວັນທີ 4 ມິຖຸນາ 2025, ຈີນປະກາດເປີດຕົວ  "ASEAN Visa" ຫຼື...

ມອບ-ຮັບໜ້າທີ່ລະຫວ່າງເຈົ້ານະຄອນຫຼວງພະບາງ ຜູ້ເກົ່າ ແລະ ຮັກສາການເຈົ້ານະຄອນຫຼວງພະບາງ ຜູ້ໃໝ່

ແຕ່ງຕັ້ງທ່ານ ທ່ານ ສະເຫວີຍ ສີລາວັນ ຮັກສາການເຈົ້ານະຄອນ ຫຼວງພະບາງ ຜູ້ໃໝ່ ໃນວັນທີ 4 ມິຖຸນາ 2025 ທີ່ຫ້ອງປະຊຸມໃຫຍ່ຫ້ອງວ່າການນະຄອນຫຼວງພະບາງ ບ້ານຄອຍ ໄດ້ຈັດພິທີ ມອບ-ຮັບໜ້າທີ່ລະ...

ທ່ານ ອານຸພາບ ວົງໜໍ່ແກ້ວ ເປັນຮອງລັດຖະມົນຕີກະຊວງການຕ່າງປະເທດຄົນໃໝ່

ປະກາດແຕ່ງຕັ້ງ ທ່ານ ອານຸພາບ ວົງໜໍ່ແກ້ວ ເປັນຮອງລັດຖະມົນຕີກະຊວງການຕ່າງປະເທດຄົນໃໝ່ ຢ່າງເປັນທາງການ ວັນທີ 4 ມິຖຸນາ 2025 ຢູ່ກະຊວງການຕ່າງປະເທດ ໄດ້ຈັດພິທີປະກາດການ ຈັດຕັ້ງຕຳແໜ່ງບໍລິຫານຮອງລັດຖະມົນຕີ, ຫົວໜ້າກົມ ແລະ...