Homeຂ່າວເຫດການກະຊວງການເງິນ ຈັດກອງປະຊຸມເປີດກວ້າງຂອງອົງຄະນະພັກກະຊວງ!

ກະຊວງການເງິນ ຈັດກອງປະຊຸມເປີດກວ້າງຂອງອົງຄະນະພັກກະຊວງ!

Published on

financial

ກອງປະຊຸມເປີດກວ້າງຂອງອົງຄະນະພັກກະຊວງການເງິນໄດ້ໄຂ ຂຶ້ນໃນລະຫວ່າງ ວັນທີ 17-18 ມິຖຸນານີ້, ໂດຍການເປັນປະທານຂອງສະຫາຍ ດຣ ລຽນ ທີແກ້ວ ກຳມະການສູນກາງ, ເລຂາຄະນະພັກ, ລັດຖະມົນຕີວ່າ ການກະຊວງການເງິນ, ມີບັນດາສະຫາຍຄະນະພັກຮາກຖານກະຊວງດັ່ງກ່າວເຂົ້າຮ່ວມຢ່າງພ້ອມພຽງ.

ກອງປະຊຸມໄດ້ປຶກສາຫາລືກ່ຽວກັບການກະກຽມບົດສະຫລຸບຕີລາຄາ ວຽກງານຮອບດ້ານ 6 ເດືອນຜ່ານມາ, ການຈັດຕັ້ງປະຕິບັດແຜນງົບປະມານ 6 ເດືອນຕົ້ນປີ, ມາດຕະການ 6 ເດືອນທ້າຍປີ ແລະ ທິດທາງ, ຄາດໝາຍ, ໜ້າທີ່ແຜນງານງົບປະມານສົກປີ 2015 – 2016, ນອກຈາກນີ້, ກໍກະກຽມເນື້ອໃນບົດການສຳຫລວດນຳພາ ຂອງຄະນະພັກກະຊວງ ແລະ ບົດລາຍງານການເມືອງຕໍ່ກອງ ປະຊຸມໃຫຍ່ອົງຄະນະພັກກະຊວງການເງິນຄັ້ງທີ II ທີ່ຈະມີຂຶ້ນໃນບໍ່ດົນນີ້.

ສະຫາຍເລຂາຄະນະພັກ, ລັດຖະມົນຕີວ່າການກະຊວງການເງິນ ໃຫ້ຮູ້ວ່າ: ມະຕິຂອງກອງປະຊຸມຄັ້ງນີ້ຈະເປັນພື້ນ ຖານສຳຄັນເພື່ອເຮັດໃຫ້ການກະກຽມດຳເນີນກອງໃຫຍ່ອົງຄະນະພັກກະຊວງການເງິນຄັ້ງທີ II ມີເນື້ອໃນເລິກເຊິ່ງ, ສາມາດບັນລຸໄດ້ຕາມຈຸດປະສົງ ແລະ ລະດັບຄາດໝາຍວາງໄວ້, ທັງເປັນການສຸມໃສ່ຈັດຕັ້ງປະຕິບັດແຜນລາຍ ຮັບ- ລາຍຈ່າຍງົບປະມານແຫ່ງລັດສົກປີ 2014-2015 ໃຫ້ບັນລຸຕາມແຜນກຳນົດໄວ້.

 

ແຫລ່ງຂ່າວ: ລາວພັດທະນາ

 

ບົດຄວາມຫຼ້າສຸດ

ເຝົ້າລະວັງ-ຮັບມື ພະຍາດອີໂບລາ ຫົວໜ້າກົມຄວບຄຸມພະຍາດຕິດຕໍ່ ລາຍງານສະພາບການລະບາດຂອງພະຍາດອີໂບລາທີ່ເກີດຂຶ້ນໃນທະວີບອາຟຣິກາ (ລາວແມ່ນມີຄວາມສ່ຽງຕໍ່າ)

ໃນວັນທີ 03 ມິຖຸນາ 2026 ທີ່ຜ່ານມາ ທ່ານ ປອ. ດຣ ພອນປະດິດ ສັງໄຊຍະລາດ ຫົວໜ້າກົມຄວບຄຸມພະຍາດຕິດຕໍ່ ລາຍງານກ່ຽວກັບສະພາບການລະບາດຂອງພະຍາດອີໂບລາທີ່ເກີດຂຶ້ນໃນບັນດາປະເທດຢູ່ທະວີບອາຟຣິກາ. ພະຍາດອີໂບລາເປັນພະຍາດທີ່ຕິດຕໍ່ຈາກສັດສູ່ຄົນ ແລະ ເປັນພະຍາດທີ່ຕິດຕໍ່ຈາກຄົນສູ່ຄົນໄດ້...

ມ້າງແກ້ງສະແກມເມີຈີນ ເຈົ້າໜ້າເມືອງໄຊທານີ ເຂົ້າມ້າງແກ້ງສະແກມເມີ ກັກຕົວຜູ້ກະທຳຜິດ 24 ຄົນ ບ້ານຂຸດສາມບາດ ເມືອງໄຊທານີ ນະຄອນຫຼວງວຽງຈັນ

ໂດຍປະຕິບັດຕາມທິດຊີ້ນໍາຂອງທ່ານລັດຖະມົນຕີ ກະຊວງປ້ອງກັນຄວາມສະຫງົບຢ່າງເຂັ້ມງວດ ແລະ ເດັດຂາດ ໃນການສຸມໃສ່ສະກັດກັ້ນ, ຕ້ານ ແລະ ແກ້ໄຂບັນຫາອາຊະຍາກຳທາງໂທລະຄົມ ຫຼື ອາຊະຍາກຳທາງລະບົບຄອມພິວເຕີ ກໍຄື ການປາບປາມພວກສໍ້ໂກງຊັບທາງໂທລະຄົມ ຫຼື ແກ້ງສະແກມເມີ. ຄຽງຄູ່ກັນນັ້ນ,...

ປະທານປະເທດ ພ້ອມດ້ວຍພັນລະຍາ ແລະ ຄະນະຜູ້ແທນຂັ້ນສູງ ເດີນທາງເຖິງສະໜາມບິນສາກົນຊ່ຽວຊານ ນະຄອນຫາງໂຈ  ແຂວງເຈີ້ຈ່ຽງ  ສປ ຈີນ

ໃນວັນທີ 02 ມິຖຸນາ 2026, ສະຫາຍ ທອງລຸນ ສີສຸລິດ, ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ, ປະທານປະເທດ ແຫ່ງ ສປປ ລາວ ພ້ອມດ້ວຍພັນລະຍາ ແລະ...