spot_img
Homeຂ່າວຕ່າງປະເທດບົດຄວາມຂອງພະນະທ່ານ ມີຄາອິນ ບາຣານົບ ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງສະຫະພັນລັດເຊຍປະຈຳສປປລາວເນື່ອງໃນໂອກາດວັນຊາດຂອງລັດເຊຍ

ບົດຄວາມຂອງພະນະທ່ານ ມີຄາອິນ ບາຣານົບ ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງສະຫະພັນລັດເຊຍປະຈຳສປປລາວເນື່ອງໃນໂອກາດວັນຊາດຂອງລັດເຊຍ

Published on

ວັນຊາດຂອງລັດເຊຍໄດ້ສະເຫຼີມສະຫຼອງກັນມາແຕ່ປີ 1992 ເຊີ່ງສະຫະພັນລັດເຊຍ ໃນຖະນະເປັນຜູ້ສືບທອດຂອງ ສະຫະພາບໂຊວຽດ ໄດ້ຮັບການສ້າງຕັ້ງຂຶ້ນໃນວັນດັ່ງກ່າວບໍ່ພຽງແຕ່ສະທ້ອນເຖິງການປ່ຽນແປງທາງດ້ານປະຊາທິປະໄຕ ແລະ ເສດຖະກິດຢ່າງເລິກເຊິ່ງທີ່ໄດ້ເລີ້ມຕົ້ນຂຶ້ນຢູ່ປະເທດພວກເຮົາຫຼາຍກວ່າ 20 ປີມາແລ້ວເທົ່ານັ້ນ, ແຕ່ມັນຍັງສະທ້ອນເຖິງເສັ້ນທາງປະຫວັດສາດທັງໝົດຂອງປະເທດລັດເຊຍທີ່ໄດ້ພັດທະນາຢ່າງຕໍ່ເນື່ອງຫຼາຍກວ່າສິບເອັດສັດຕະວັດມາແລ້ວ.

ຊາດລັດເຊຍ ແລະ ຄົນລັດເຊຍທີ່ອາໃສຢູ່ນອກປະເທດລັດເຊຍ ແມ່ນສ່ວນໜຶ່ງທີ່ໃຫຍ່ສົມຄວນຂອງຄວາມສີວິໄລຂອງໂລກ, ພວກເຮົາ ຍາມໃດກໍ່ບໍ່ຄວນລືມເລີຍວ່າ ລັດເຊຍໄດ້ໃຫ້ຕົວຢ່າງທີ່ບໍ່ສາມາດສົມທຽບໄດ້ແກ່ໂລກ ຄວາມເສຍສະຫຼະຕົວເອງຢ່າງແທ້ຈິງ, ຄວາມກ້າຫານ ແລະ ຄວາມເຂັ້ມແຂງແຫ່ງຈິດວິນຍານໃນກອງທັບ, ໃນຂົງເຂດການອອກແຮງງານ ແລະ ພົນລະເຮືອນ. ບໍ່ຄວນລືມເລີຍວ່າຜົນງານທາງດ້ານວັດທະນະທຳ ແລະ ວິທະຍາສາດທີ່ບໍ່ຊ້ຳຮອຍໃຜ ແລະ ສິ່ງປະດິດສ້າງຫຼາຍຢ່າງ ຖືກຊາວລັດເຊຍສ້າງຂຶ້ນ ເຫັນໄດ້ຊັດເຈນວ່າ ປະຊາຊົນລັດເຊຍໄດ້ປະກອບສ່ວນຢ່າງໃຫຍ່ຫຼວງເຂົ້າໃນຄວາມຄືບໜ້າຂອງການພັດທະນາທົ່ວໂລກ ຜົນສຳເລັດປັດຈຸບັນຂອງນັກວິທະຍາສາດ, ນັກຂຽນ ແລະ ສິນລະປິນ ຄົນລັດເຊຍ ແມ່ນ ຫຼັກຖານທີ່ຢືນຢັນວ່າ ຄວາມຕໍ່ເນື່ອງລະຫວ່າງຍຸກສະໄຫມຕ່າງໆ, ຄວາມຄິດ ແລະ ການສຳຫຼວດດ້ານແນວຄິດສ້າງສັນຍັງສືບຕໍ່ໄປເລື້ອຍໆ.

ໃນຂະນະທີ່ສົງຄາມເຢັນໄດ້ສິ້ນສຸດລົງ ແລະ ສະຫະພາບໂຊຫວຽດກໍ່ຫລົ້ມສະລາຍ, ປະຊາຊົນພວກເຮົາຈະຕ້ອງໄດ້ປະສົບກັບການປ່ຽນແປງແບບໂສກນາດຕະກຳ ໂດຍບໍ່ເອົາຫົວຊາຕໍ່ຄວາມຫຍຸ້ງຍາກເຫຼົ່ານີ້, ຊົນຊາດລັດເຊຍສາມາດລະດົມທຸກໆຄວາມສາມາດບົ່ມຊ້ອນພາຍໃນທັງໝົດ ແລະ ຜ່ານຜ່າຊ່ວງເວລາທີ່ຍາກລຳບາກ ໃນຊ່ວງປີດັ່ງກ່າວໄດ້ສຳເລັດເຮັດຫຼາຍສິ່ງຫຼາຍຢ່າງ, ໃນນັ້ນ ລະບົບການເມືອງຂອງພວກເຮົາກາຍເປັນໜຶ່ງຂອງລະບົບປະຊາທິປະໄຕ ເຊີ່ງມີເສລີພາບຂັ້ນພື້ນຖານການຍຶດຖື ແລະ ຮູບແບບທີ່ເນັ້ນອ່ຽງແບບການຕະຫຼາດຂອງການພັດທະນາທີ່ຖືກຈັດຕັ້ງຂຶ້ນ, ປະເທດລັດເຊຍໄດ້ຜ່ານຜ່າຮັກສາຕົວໄວ້ໄດ້ ແລະ ກາຍເປັນປະເທດທີ່ມີຖານະທີ່ເຂັ້ມແຂງເທື່ອໃຫມ່.

ໃນຊ່ວງທ້າຍຂອງສັດຕະວັດທີ20 ລະບົບສອງຂົ້ວໄດ້ກາຍເປັນປະຫວັດສາດ ຍ້ອນບໍ່ພຽງແຕ່ການຫລົ້ມສະລາຍຂອງສະຫະພາບໂຊຫວຽດ, ແຕ່ຍັງທິດທາງຂອງການພັດທະນານານາຊາດອີກດ້ວຍ ຊ່ວງເວລາທີ່ໄດ້ມີມະຫາອຳນາດໃນຈຳນວນຈຳກັດຄຸມຄອງຊະຕາກຳຂອງປະເທດອື່ນໆໃນທົ່ວໂລກ ມັນໄດ້ສິ້ນສຸດລົງແລ້ວ. ໃນເວລານີ້, ຢູ່ທົ່ວໂລກຄວາມຫຼາກຫຼາຍອັນກວ້າງຂວາງຂອງປະຊາຊົນ ແລະ ປະເທດທີ່ມີເອກະລາດໄດ້ປາກົດຂຶ້ນຢ່າງແທ້ຈິງ ແລະ ເຂົາເຈົ້າກໍ່ເຊື່ອໝັ້ນຕົວເອງທີ່ຈະກຳນົດເສັ້ນທາງພັດທະນາຂອງຕົນເອງໄດ້ປາສະຈາກການແນະນຳ ແລະ ການສະໜີຈາກພາຍນອກ.

ທ່າມກາງສະຖານະການປັ່ນປ່ວນຂອງໂລກທີ່ກຳລັງດຳເນີນຢູ່ໃນປັດຈຸບັນນີ້ ສິ່ງສຳຄັນທີ່ຈະຕ້ອງຈົດຈຳ ແມ່ນ ອັນຕະລາຍຂອງ ຄວາມພະຍາຍາມໃນການຄອບຄອງທົ່ວໂລກ, ຄວາມເຊື່ອຖືແບບງົມງວາຍໃນຄວາມວິເສດຂອງຕົນ, ທາງເລືອກແບບຕາມໃຈນຶກຂອງວິທີການເພື່ອບັນລຸເປົ້າໝາຍທາງພູມິສາດການເມືອງ ເຊີ່ງມັນອາດສາມາດນຳໄປສູ່ຜົນກະທົບອັນຮ້າຍແຮງສຳລັບທົ່ວໂລກ.

ຂ້າພະເຈົ້າເຊື່ອໝັ້ນວ່າ ໄລຍະປ່ຽນຜ່ານຢູ່ໃນການພົວພັນສາກົນ ເຊີ່ງເລີ່ມຕົ້ນຈາກການຫລົ້ມສະລາຍຂອງສະຫະພາບໂຊຫວຽດ ໃນປັດຈຸບັນນີ້ ມັນຄ່ອຍໆກ້າວເຂົ້າສູ່ຈຸດຈົບຂອງມັນ, ມັນເຖິງເວລາແລ້ວທີ່ຈະເລືອກເອົາລະບຽບການຂອງໂລກແບບໃຫມ່ໂດຍມີພື້ນຖານເປັນລະບົບຫຼາຍຂົ້ວ, ຄວາມສະເໝີພາບ, ການນັບຖືຊຶ່ງກັນ ແລະ ກັນ ແລະ ການຄຳນຶງເຖິງຜົນປະໂຫຍດຂອງຊາດອື່ນໆຊຶ່ງກັນ ແລະ ກັນ ໃນການພົວພັນສາກົນ ຈະຕ້ອງບໍ່ມີບ່ອນຫວ່າງ ສຳລັບ ການແຊກແຊງແບບຈົງໃຈເຂົ້າໃນກິດຈະການອະທິປະໄຕພາຍໃນ, ການໃຫ້ຄຳປຶກສາ ແລະ ການບີບບັງຄັບຮູບແບບການພັດທະນາອັນໃດອັນໜຶ່ງ, ການປົກປັກຮັກສາໂລກຂອງພວກເຮົາຮ່ວມກັນແມ່ນສິ່ງທີ່ພວກເຮົາຕ້ອງການໃຫ້ມີເພື່ອຮັບປະກັນສັນຕິພາບ, ຄວາມໝັ້ນຄົງ ແລະ ການພັດທະນາແບບຍືນຍົງຢູ່ບົນຜືນແຜ່ນດິນຂອງພວກເຮົາຮ່ວມກັນ ລະບຽບການຂອງໂລກແບບໃໝ່ຈະຕ້ອງ ສະທ້ອນແສງເຖິງທຳມະຊາດອັນແທ້ຈິງຂອງຄວາມສີວິໄລຂອງມວນມະນຸດຄື ຄວາມຫຼາກຫຼາຍ ແລະ ຄວາມແຕກຕ່າງ.

ຕົວຢ່າງທີ່ດີຂອງການສົນທະນາລະຫວ່າງປະເທດ ແມ່ນສາຍພົວພັນລະຫວ່າງສະຫະພັນລັດເຊຍ ແລະ ສປປລາວ ອັນນີ້ບໍ່ແມ່ນຄວາມລັບ, ປະຫວັດສາດແຫ່ງສາຍພົວພັນຂອງພວກເຮົາ ແມ່ນມາຈາກອະດີດຂອງການປະຕິວັດ ແລະ ການຕ້ານການລ່າເມືອງຂຶ້ນ ເຖິງແມ່ນວ່າ ສະຫະພາບໂຊວຽດໄດ້ສະລາຍຕົວ ແລະ ມີສະຫະພັນລັດເຊຍສ້າງຕັ້ງຂຶ້ນແທນມາ ແຕ່ຄວາມສຳພັນຂອງພວກເຮົາກັບປະເທດລາວ ກໍ່ຍັງແມ່ນອ້າຍນ້ອງທີ່ແທ້ຈິງຢູ່, ຂ້າພະເຈົ້າຍັງເຊື່ອໝັ້ນຢ່າງເລິກເຊິ່ງວ່າ ເຫດຜົນສຳລັບຄວາມເຊື່ອໝັ້ນ ແລະ ຄວາມໄວ້ເນື້ອເຊື່ອໃຈນັ້ນແມ່ນພວກເຮົາມີຕົ້ນກຳເນີດມາຈາກແຫຼ່ງແຫ່ງຄວາມນັບຖືເຊີ່ງກັນ ແລະ ກັນ ແລະ ຄວາມຈິງໃຈທີ່ຈະເວົ້າກັນຄືຄູ່ຮວ່ມທີ່ເທົ່າທຽມກັນໂດຍບໍ່ຄຳນຶງເຖິງຂະໜາດ ແລະ ຄວາມອາດສາມາດຂອງແຕ່ລະຝ່າຍ ຖ້າພວກເຮົາຫາກບໍ່ສູນເສຍສັກກະຍະພາບນີ້, ມິດຕະພາບ ລັດເຊຍ-ລາວ ຈະບໍ່ຫາຍສາບສູນໄປເລີຍ ຂ້າພະເຈົ້າຫວັງວ່າປີນີ້ຈະເອົາສິ່ງດີໆໃຫມ່ຕື່ມມາເຂົ້າໃນສາຍພົວພັນຄວາມເປັນຄູ່ຮ່ວມຍຸດຖະສາດຂອງພວກເຮົາ ເພາະວ່າ ປີ2015ນີ້ ສະເຫຼີມສະຫຼອງ ຄົບຮອບ55ປີຂອງການສ້າງຕັ້ງສາຍພົວພັນການທູດລະຫວ່າງລັດເຊຍແລະລາວ, ຂ້າພະເຈົ້າເຊື່ອໝັ້ນວ່າປີນີ້ຈະຊ່ວຍຊຸກຍູ້ໃຫ້ມີການຍົກລະດັບສາຍພົວພັນລະຫວ່າສອງປະເທດສອງຊາດເຮົາໃຫ້ສູງຂຶ້ນ.

20407_1635440840002636_4421116534468056632_n

ບົດຄວາມຫຼ້າສຸດ

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ ຢ່າງເປັນທາງການ

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ. ພິທີເຊັນບົດບັກທຶກ ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ຈາກກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ມາຂຶ້ນກັບຄະນະໂຄສະນາອົບຮົມສູນກາງພັກ ຈັດຂຶ້ນໃນວັນທີ 8 ກໍລະກົດ 2025,...