spot_img
Homeຊີວິດແລະຄວາມຮັກພໍ່ສອນລູກສາວ

ພໍ່ສອນລູກສາວ

Published on

923235_429501990480839_1744567875_n

ພໍ່ຖາມລູກສາວທີ່ກຳລັງກ້າວເຂົ້າສູ່ໄວໜຸ່ມ

“ຢາກຮູ້ບໍວ່າໃນມືຂອງພໍ່ມີຫຍັງ?”

ລູກສາວງຶກຫົວ

“ຖ້າຢາກຮູ້ຕ້ອງເອົາມືຟາດພື້ນ 3 ບາດ”

ລູກສາວກໍເຮັດຕາມທີ່ບອກ

“ຍັງບໍ່ພໍ ຕ້ອງຟາດອີກ 5 ບາດ”

ແລະປ່ຽນເປັນ 10 ບາດ ຈົນເຖິງ 15 ບາດ ຈົນລູກສາວຍອມ ແລະຮ້ອງອອກມາວ່າ

“ໂອ້ຍຍຍ ປານໃດຈັ່ງຊິເປີດໃຫ້ເບິ່ງລະພໍ່ ວ່າໃນມືມີຫຍັງ”

ເມື່ອພໍ່ແບມືອອກ ໃນມືມີພຽງເຂົ້າໜົມອົມທຳມະດານີ້ເອງ ພໍ່ຫົວຂຶ້ນ ແລ້ວກຳເຂົ້າໜົມກ້ອນນັ້ນເອົາໄວ້ຄືເກົ່າ

“ຢາກເບິ່ງອີກບໍ ຖ້າຢາກເບິ່ງຕ້ອງເອົາມືຟາດພື້ນ 10 ບາດ”

“ລູກຮູ້ແລ້ວ ບໍ່ຢາກເບິ່ງແລ້ວລະ”

“ເອົ້າ! ຟາດພື້ນບາດດຽວກໍໄດ້”

“ກໍເຫັນແລ້ວ ບໍ່ຢາກເບິ່ງອີກແລ້ວເບື່ອແລ້ວ”

“ຖ້າຈັ່ງຊັ້ນ ໃຫ້ເບິ່ງລ້າໆ ກໍໄດ້”

ພໍ່ແບມືອອກ ລູກສາວກໍເບິ່ງແບບບໍ່ສົນໃຈ ພໍ່ຈຶ່ງສອນຕໍ່ໄປວ່າ

“ນີ້ລະລູກເອີຍ ອັນໃດທີ່ເປັນຄວາມລັບ ຄົນເຮົາມັກຈະຍອມເຮັດທຸກຢ່າງເພື່ອໃຫ້ໄດ້ ສົມດັ່ງປາຖະໜາຢາກເບິ່ງ ຢາກຮູ້ ຢາກເຫັນ ແຕ່ເມື່ອໄດ້ສົມໃຈແລ້ວ ເບິ່ງເລື້ອຍໆ ກໍມັກຈະເບື່ອ ຕໍ່ໃຫ້ເບິ່ງລ້າໆ ກໍຍັງບໍ່ຢາກເບິ່ງເລີຍ ສິ່ງທີ່ຄວນຫວງແຫນທີ່ສຸດ ສຳລັບລູກຜູ້ຍິງມັນເປັນສິ່ງທີ່ມີຄ່າ ຖ້າລູກໃຫ້ໃຜຮູ້ກ່ອນເວລາອັນຄວນ ມັນກໍຄົງຈະບໍ່ມີຄ່າຫຍັງ ບໍ່ຕ່າງກັບເຂົ້າໜົມກ້ອນນີ້ ທີ່ພໍ່ໃຫ້ລູກເບິ່ງລ້າໆ ນີ້ດອກ”

ທ່ານຜູ້ອ່ານ ອ່ານແລ້ວມີທາງເລືອກຢູ່ 2 ທາງຄື: 1. ອ່ານແລ້ວປ່ອຍເສີຍ. 2. ກົດໄລ້ແລ້ວແຊຕໍ່ເພື່ອແບ່ງປັນ ໃຫ້ສັງຄົມໄດ້ອ່ານຄືກັນກັບທ່ານ ເພື່ອປະໂຫຍດຂອງຄົນອື່ນ ແລະໂຕທ່ານກໍຈະໄດ້ບຸນ.

ບົດຄວາມຫຼ້າສຸດ

ທ່ານ ອານຸພາບ ວົງໜໍ່ແກ້ວ ເປັນຮອງລັດຖະມົນຕີກະຊວງການຕ່າງປະເທດຄົນໃໝ່

ປະກາດແຕ່ງຕັ້ງ ທ່ານ ອານຸພາບ ວົງໜໍ່ແກ້ວ ເປັນຮອງລັດຖະມົນຕີກະຊວງການຕ່າງປະເທດຄົນໃໝ່ ຢ່າງເປັນທາງການ ວັນທີ 4 ມິຖຸນາ 2025 ຢູ່ກະຊວງການຕ່າງປະເທດ ໄດ້ຈັດພິທີປະກາດການ ຈັດຕັ້ງຕຳແໜ່ງບໍລິຫານຮອງລັດຖະມົນຕີ, ຫົວໜ້າກົມ ແລະ...

ສປປ ລາວ ສົ່ງອອກໝາກມ່ວງສົດ ຂະບວນທໍາອິດ ໄປສູ່ ສປ ຈີນ ຈຳນວນ 90 ໂຕນ

ສົ່ງອອກສູ່ຕະຫຼາດສາກົນ ສປປ ລາວ ສົ່ງອອກໝາກມ່ວງສົດຂະບວນທຳອິດ ໄປສູ່ ສປ ຈີນ ຈຳນວນ 90 ໂຕນ ວັນທີ 30 ພຶດສະພາ 2025 ໄດ້ມີພິທີເປີດຂະບວນສົ່ງຫມາກມ່ວງສົດຂະບວນທຳອິດຈາກສປປ...

ຂ່າວດີ! ເປີດບໍລິການຄືນໃໝ່ແລ້ວ ຖ້ຽວບິນນະຄອນຫຼວງວຽງຈັນ-ຊຽງຂວາງ

ຖ້ຽວບິນນະຄອນຫຼວງວຽງຈັນ-ຊຽງຂວາງ ເປີດບໍລິການຄືນໃໝ່ແລ້ວ ເລີ່ມ 1 ມິຖຸນາ 2025 ເປັນຕົ້ນໄປ. ລັດວິສາຫະກິດການບິນລາວໄດ້ເປີດຖ້ຽວບິນລະຫວ່າງນະຄອນຫຼວງວຽງຈັນ ແລະ ແຂວງຊຽງຂວາງຄືນໃໝ່ ເລີ່ມແຕ່ວັນທີ 1 ມິຖຸນາເປັນຕົ້ນໄປດ້ວຍເຮືອບິນ ATR 72...

ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025

ໄຂກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ຢ່າງເປັນທາງການ. ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ໄຂຂຶ້ນໃນວັນທີ29 ພຶດສະພາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານຂອງ ທ່ານ...