Homeຂ່າວພາຍ​ໃນປະທານາທິບໍດີອາເມຣິກາ ອະນຸມັດສົ່ງທະຫານໄປອີຣັກເພີ່ມອີກ 450 ຄົນ!

ປະທານາທິບໍດີອາເມຣິກາ ອະນຸມັດສົ່ງທະຫານໄປອີຣັກເພີ່ມອີກ 450 ຄົນ!

Published on

EyWwB5WU57MYnKOuXxxA3JfFATi48ihm9rCF0VSFzEChIV1zVwQBwW

ປະທານາທິບໍດີສະຫະລັດອາເມຣິກາ ອະນຸມັດສົ່ງເຈົ້າໜ້າທີ່ຂອງກອງທັບເຂົ້າໄປອີຣັກເພີ່ມອີກ 450 ຄົນ ເພື່ອຊ່ວຍຝຶກກອງທັບອິຣັກ ຕໍ່ສູ້ກັບກຸ່ມຕິດອາວຸດລັດອິດສະລາມ ຫລື IS.

ສຳນັກຂ່າວຕ່າງປະເທດລາຍງານວ່າ ໃນມື້ວັນພຸດທີ 10 ມິຖຸນາຜ່ານມານີ້ ປະທານາທິບໍດີ ບາຣັກ ໂອບາມາ ແຫ່ງສະຫະລັດອາເມຣິກາ ໄດ້ອະນຸມັດເລື່ອງການສົ່ງເຈົ້າໜ້າທີ່ກອງທັບ ໄປຍັງປະເທດອີຣັກເພີ່ມອີກ 450 ຄົນ ເພື່ອຮ່ວມກັບເຈົ້າໜ້າທີ່ອາເມຣິກາທີ່ຢູ່ຫັ້ນກ່ອນແລ້ວ ຈຳນວນ 3,000 ຄົນ ເພື່ອຊ່ວຍໃນການຝຶກ, ໃຫ້ຄຳປຶກສາ ແລະ ຊ່ວຍເຫລືອກອງທັບອີຣັກ ພ້ອມທັງກຸ່ມນັກຮົບຊາວມຸດສະລິມນິກາຍສຸນີ່ ໃນການຕໍ່ສູ້ຕ້ານກັບກຸ່ມຕິດອາວຸດລັດອິດສະລາມ ຫລື ກຸ່ມໄອເອັສ.

ທັງນີ້ ລັດຖະບານສະຫະລັດອາເມຣິກາ ໄດ້ຖືກວິພາກວິຈານຢ່າງໜັກວ່າ ຍຸດທະສາດໃນການໂຈມຕີທາງອາກາດພຽງຢ່າງດຽວ ໃສ່ກຸ່ມລັດອິດສະລາມໃນອີຣັກ ແລະ ຊີເຣຍນັ້ນ ລົ້ມເຫລວ ຫລັງຈາກທີ່ກຸ່ມດັ່ງກ່າວສາມາດຍຶດຄອງເມືອງຣາມາດີ ເມືອງເອກຂອງແຂວງອັນບາ ທາງພາກຕາເວັນຕົກຂອງອີຣັກ ເຊິ່ງຫ່າງຈາກນະຄອນຫລວງແບກແດດໄປບໍ່ໄກປານໃດ ອີກທັງຍັງສາມາດຍຶດຄອງເມືອງພັນໄມຣາ ເຊິ່ງເປັນເມືອງມໍລະດົກໂລກ ໃນປະເທດຊີເຣຍອີກດ້ວຍ.

 

ບົດຄວາມຫຼ້າສຸດ

ປະທານປະເທດ ພ້ອມດ້ວຍພັນລະຍາ ແລະ ຄະນະຜູ້ແທນຂັ້ນສູງ ເດີນທາງເຖິງສະໜາມບິນສາກົນຊ່ຽວຊານ ນະຄອນຫາງໂຈ  ແຂວງເຈີ້ຈ່ຽງ  ສປ ຈີນ

ໃນວັນທີ 02 ມິຖຸນາ 2026, ສະຫາຍ ທອງລຸນ ສີສຸລິດ, ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ, ປະທານປະເທດ ແຫ່ງ ສປປ ລາວ ພ້ອມດ້ວຍພັນລະຍາ ແລະ...