spot_img
Homeຂ່າວຕ່າງປະເທດມຽນມາເປີດຜົນສຳຫລວດພົນລະເມືອງ ໃນຮອບ 30 ປີ ລະບຸມີປະຊາກອນ 51.5 ລ້ານຄົນ ບໍ່ລວມຊາວໂຣຮິງຍາ!

ມຽນມາເປີດຜົນສຳຫລວດພົນລະເມືອງ ໃນຮອບ 30 ປີ ລະບຸມີປະຊາກອນ 51.5 ລ້ານຄົນ ບໍ່ລວມຊາວໂຣຮິງຍາ!

Published on

558000006423701

ມຽນມາເຜີຍແຜ່ຜົນສຳຫລວດພົນລະເມືອງທົ່ວປະເທດ ຄັ້ງທຳອິດໃນຮອບ 30 ປີ ໂດຍລະບຸມີພົນລະເມືອງທັງໝົດ 51.5 ລ້ານຄົນ ແຕ່ບໍ່ໄດ້ລວມເອົາຊົນເຜົ່າໂຣຮິງຍາ ພາຍໃນປະເທດເຂົ້ານຳ.

ສຳນັກຂ່າວຕ່າງປະເທດ ລາຍງານໃນວັນທີ 1 ມິຖຸນາຜ່ານມານີ້ວ່າ ປະທານາທິບໍດີ ເທັນ ເຊັນ ແຫ່ງສາທາລະນະລັດ ແຫ່ງ ສະຫະພາບມຽນມາ ໄດ້ເປັນປະທານກ່າວສູນທອນພົດ ໃນພິທີເຜີຍແຜ່ຜົນການສຳຫລວດພົນລະເມືອງທົ່ວປປະເທດ ໃນມື້ວັນທີ 29 ພຶດສະພາຜ່ານມາ ທີ່ນະຄອນຫລວງເນປິດໍ ໂດຍການສຳຫລວດດັ່ງກ່າວນີ້ ແມ່ນໄດ້ເລີ່ມຂຶ້ນຕັ້ງແຕ່ເດືອນມີນາ ຫາເດືອນເມສາ 2014​ ທີ່ຜ່ານມາ ເຊິ່ງຜົນຂອງການສຳຫລວດໄດ້ລະບຸວ່າ ມຽນມາມີປະຊາກອນທັງໝົດ 51.5 ລ້ານຄົນ ໂດຍໃນນັ້ນແມ່ນບໍ່ທັນໄດ້ລວມຊາວໂຣຮິງຍາຈຳນວນປະມານ 1.1 ລ້ານຄົນເຂົ້ານຳ ເນື່ອງຈາກຊາວໂຣຮິງຍາ ຖືກຈັດໃຫ້ຢູ່ໃນສະພາບເປັນບຸກຄົນໄຮ້ສັນຊາດ ຫລື ໄຮ້ລັດ ທີ່ບໍ່ໄດ້ຖືເປັນພົນລະເມືອງຂອງມຽນມາຢ່າງເປັນທາງການ.

ຜົນການສຳຫລວດດັ່ງກ່າວ ຍັງໄດ້ລະບຸອີກວ່າ ອັດຕາການຮູ້ໜັງສືຂອງຜູ້ໃຫຍ່ຊາວມຽນມາ ແມ່ນຢູ່ລະດັບ 90% ແລະ ຍັງລວມທັງຂໍ້ມູນດ້ານອື່ນໆອີກເຊັ່ນ: ມີປະຊາກອນມຽນມາ ພຽງ 1/3 ເທົ່ານັ້ນ ທີ່ໄດ້ຮັບການຊົມໃຊ້ໄຟຟ້າ ແລະ ອາຍຸຍືນສະເລ່ຍຂອງປະຊາກອນ ແມ່ນຢູ່ທີ່ 66.8 ປີ ດັ່ງນີ້ເປັນຕົ້ນ.

ທັງນີ້ ການສຳຫລວດພົນລະເມືອງຂອງມຽນມາຄັ້ງປັດຈຸບັນ ແມ່ນເປັນຄັ້ງທີ 3 ຢູ່ໃນປະຫວັດສາດ, ໂດຍຄັ້ງທຳອິດ ແມ່ນຈັດຂຶ້ນໃນປີ 1872 ເຊິ່ງລະບຸວ່າ ມີພົນລະເມືອງມຽນມາທັງໝົດ 2.7 ລ້ານຄົນ, ຄັ້ງທີສອງຈັດຂຶ້ນໃນປີ 1983 ຜົນສຳຫລວດສະຫລຸບວ່າ ມີພົນລະເມືອງມຽນມາ 35.3 ລ້ານຄົນ.

 

ບົດຄວາມຫຼ້າສຸດ

ສາຍກິນດິບໃຫ້ລະວັງ! ພະຍາດໃບໄມ້ໃນປອດທີ່ເກີດຈາກການກິນດິບ ໂດຍສະເພາະເມນູກຸ້ງເຕັ້ນ ແລະ ປູດິບຈາກແຫຼ່ງນໍ້າຈືດ

ພະຍາດໃບໄມ້ໃນປອດ ເກີດຈາກການກິນອາຫານດິບ ແລະ ສຸຂະອະນາໄມໃນການປຸງແຕ່ງອາຫານ ສາຍກິນດິບຄວນລະວັງ, ເມື່ອບໍ່ດົນມານີ້,ມີກໍລະນີເດັກນ້ອຍອາຍຸ 14 ປີ ຈາກ ສ.ເກົາຫຼີ ທີ່ມັກກິນກຸ້ງສົດ ແລະ ປູສົດນໍ້າຈືດ ມີອາການຫາຍໃຈລໍາບາກ, ໄອມີເສມຫະ...

ເກີດຂຶ້ນ 1 ໃນ 8 ລ້ານ ຕ້ອງໄດ້ທຳການຜ່າອອກດ່ວນ ຍິງຊາວອິນເດຍພົບໂຕອ່ອນມາຢູ່ໃນຕັບ

ຍິງຊາວອິນເດຍມີອາການເຈັບທ້ອງ ຜົນສະແກນ MRI ພົບວ່າມີໂຕອ່ອນມາຢູ່ໃນຕັບ ເຊິ່ງເກີດຂຶ້ນໄດ້ຍາກມີພຽງ 45 ກໍລະນີ ໃນທົ່ວໂລກ ຈາກກໍລະນີຍິງຊາວອິນເດຍ ອາຍຸ 35 ປີ, ທີ່ກຳລັງຖືພາ 12 ອາທິດ...

ຍອດຜູ້ເສຍຊີວິດທະລຸ 1,400 ຄົນ ຈາກເຫດແຜ່ນດິນໄຫວໃນອັບການິສຖານ

ອັບເດດຍອດຜູ້ເສຍຊີວິດຈາກເຫດການແຜ່ນດິນໄຫວໃນອັບການິສຖານ ຄວາມຮຸນແຮງ 6.0 ຣິກເຕີ ຫຼ້າສຸດມີລາຍງານການເສຍຊີວິດເພີ່ມຂຶ້ນເປັນ 1,400 ຄົນ ແລະ ບາດເຈັບອີກຫຼາຍພັນຄົນ. ອີງຕາມສຳນັກຂ່າວຮອຍເຕີລາຍງານໃນວັນທີ 2 ກັນຍາ 2025, ກ່ຽວກັບເຫດການແຜ່ນດິນໄຫວໃນອັບການິສຖານ ເຮັດໃຫ້ມີຍອດຜູ້ເສຍຊີວິດເພີ່ມຂຶ້ນເປັນ...

ຫວຽດນາມ ຈັດພິທີສະຫລອງ 80 ປີ ການປະຕິວັດເດືອນສິງຫາ ແລະ ວັນຊາດ.

ສະເຫຼີມສະຫຼອງຢ່າງຍິ່ງໃຫຍ່! ປະທານປະເທດແຫ່ງ ສປປ ລາວ ເຂົ້າຮ່ວມ ພິທີສະເຫລີມສະຫລອງ 80 ປີ ການປະຕິວັດເດືອນສິງຫາທີ່ສຳເລັດຜົນ ແລະ ວັນຊາດ ສສ ຫວຽດນາມ. ໃນເຊົ້າວັນທີ 2...