spot_img
HomeມູມໄອທີລາວTV ລາວ ອອກອາກາດຢ່າງເປັນທາງການ

TV ລາວ ອອກອາກາດຢ່າງເປັນທາງການ

Published on

TV ລາວ ອອກອາກາດຢ່າງເປັນທາງການ

 

ທ່ານ ຫົງຄຳ ສຸວັນນະວົງ ປະທານສະຖານີໂທລະພາບທີວີລາວຈຳກັດ ໄດ້ຖະແຫຼງຂ່າວກ່ຽວກັບການແຜ່ພາບສັນຍານໂທລະພາບ
ດັ່ງກ່າວຢ່າງເປັນທາງການວ່າ: ສະຖານີໂທລະພາບທີວີລາວ ໄດ້ຮັບການສ້າງຕັ້ງໃນເດືອນທັນວາ ປີ 2012 ແລະ ໄດ້ເລີ່ມທົດ
ລອງອອກອາກາດຜ່ານການສົ່ງສັນຍານດາວທຽມ Thaicom 5 ໃນວັນທີ 14 ເດືອນກຸມພາ 2013 ເປັນຕົ້ນມາ ຜ່ານການທົດ
ລອງອອກອາກາດນັ້ນເຫັນວ່າ ມີຄວາມພ້ອມ  100 % ໂດຍສະເພາະ ອຸປະກອນການຜະລິດລາຍການ ແລະ ຄວາມພ້ອມທາງ
ດ້ານບຸກຄະລາກອນຕ່າງໆ ສະນັ້ນ ໃນວັນທີ 6 ມີນາ 2013 ເປັນຕົ້ນໄປ ຈຶ່ງໄດ້ເລີ່ມການແຜ່ພາບສັນຍານໂທລະພາບຢ່າງເປັນ
ທາງການ ແລະ ຜູ້ຊົມສາມາດຮັບຊົມລາຍການຕ່າງໆຂອງສະຖານີທາງສັນຍານດາວທຽມ Thaicom 5 ຕາມຄວາມຖີ່ຄື:
DownLink Frequency: 3640 MHZ symbolRate: 2,222 MSY/s FEC:3/4 POl G Ver ພ້ອມນີ້ຈະໄດ້ແຜ່ພາບ
ອອກອາກາດທາງເຄເບີນ ນະຄອນຫຼວງວຽງຈັນ ແລະ ຜ່ານເຄເບີນຕ່າງໆທົ່ວ ສປປ ລາວ ໃນເວລາອັນໃກ້ນີ້ ແລະ ມາເຖິງປັດ
ຈຸບັນນີ້ ບາງແຂວງກໍສາມາດຮັບສັນຍານໄດ້ ແລະ ໃນເວລາອັນໃກ້ນີ້ ກໍຈະສາມາດຮັບຊົມໄດ້ໃນທົ່ວປະເທດ ເຊິ່ງສະຖານີໂທລະ
ພາບດັ່ງກ່າວ ທີ່ສົ່ງສັນຍານຜ່ານດາວທຽມ Thaicom 5 ສາມາດເບິ່ງໄດ້ໃນ 26 ປະເທດ.
ສະຖານີໂທລະພາບທີວີລາວ ຈະຜະລິດລາຍການໂທລະພາບທົ່ວໄປ ໂດຍເນັ້ນໜັກໃສ່ລາຍການກີລາກາຍະກຳເປັນຫຼັກ ກວມເອົາ
40% ຂອງລາຍການ ນອກນັ້ນກໍຍັງມີລາຍການທ່ອງທ່ຽວ ວັດທະນະທຳ ສາລະຄະດີ ເສດຖະກິດŒສັງຄົມ ທຸລະກິດ ເຕັກໂນໂລ
ຢີ ບັນເທີງ ແລະ ຄວາມຮູ້ຕ່າງໆຂອງສັງຄົມ ມາຮອດປັດຈຸບັນນີ້ ທາງສະຖານີມີລາຍການທັງໝົດ 15 ລາຍ ການຕາມຄຳຂວັນ
ຂອງສະຖານີທີວີລາວ ກ້າວໄກວ່ອງໄວທັນສະໄໝ ເພື່ອໃຫ້ມີຄວາມວ່ອງໄວໃນການນຳສະເໜີຂ່າວ ດ້ວຍເຕັກນິກວິທີການ ການ
ນຳສະເໜີທີ່ທັນສະໄໝ ບົນພື້ນຖານເນື້ອໃນທີ່ຄົບຖ້ວນ ເຊິ່ງເປັນສ່ວນປະກອບເຮັດໃຫ້ວົງການສື່ໂທລະພາບຂອງລາວມີຫຼາຍຍິ່ງ
ຂຶ້ນ ໂດຍຈະສົ່ງຜົນດີໃຫ້ຜູ້ຊົມໃຫ້ມີທາງເລືອກຫຼາຍຂຶ້ນ.
ສະຖານີີໂທລະພາບວີທີລາວ ເປັນການລົງທຶນຂອງເອກະຊົນ 100% ມີທຶນຈົດທະບຽນ 16 ຕື້ກີບ ຫຼື ປະມານ 2 ລ້ານໂດລາ
ໂດຍສະຖານີແຫ່ງນີ້ ມີຫ້ອງຕັດຕໍ່ ຫ້ອງອອກອາກາດ ແລະ ສະຕູດີໂອ ພ້ອມດ້ວຍເຄື່ອງມືອຸປະກອນທີ່ທັນສະໄໝ ສະຖານີແຫ່ງ
ນີ້ຕັ້ງຢູ່ບ້ານໂພນພະເນົາ ເມືອງໄຊເຊດຖາ ນະຄອນຫຼວງວຽງຈັນ.
ທີ່ມາhttp://www.vientianemai.net

ບົດຄວາມຫຼ້າສຸດ

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...

ພະນັກງານກວດກາ ສປປ ລາວ 30 ທ່ານ ເຂົ້າຮ່ວມຝຶກອົບຮົມ ວຽກງານ ສະກັດກັ້ນ ແລະ ຕ້ານການສໍ້ລາດບັງຫຼວງ ຢູ່ ສປ ຈີນ

ພະນັກງານກວດກາ ສປປ ລາວ ເຂົ້າຮ່ວມຝຶກອົບຮົມ ວຽກງານ ສະກັດກັ້ນ ແລະ ຕ້ານການສໍ້ລາດບັງຫຼວງ ຢູ່ ສປ ຈີນໃນລະຫວ່າງວັນທີ 17-25 ຕຸລາ 2025...