spot_img
Homeຂ່າວການພັດທະນາທາງຫລາຍເສັ້ນ​ໃນ ນ.ວ ກຽມປັບປຸງໃໝ່ ກ່ອນກອງປະຊຸມສຸດຍອດອາຊຽນ 2016

ທາງຫລາຍເສັ້ນ​ໃນ ນ.ວ ກຽມປັບປຸງໃໝ່ ກ່ອນກອງປະຊຸມສຸດຍອດອາຊຽນ 2016

Published on

way to repair

ໃນລະຫວ່າງການກະກຽມກອງປະຊຸມສຸດຍອດຜູ້ນຳອາຊຽນ ໃນປີ 2016 ທີ່ຈະມາເຖິງນີ້, ລັດຖະບານລາວໄດ້ ອອກແຮງຂົນຂວາຍທຶນຮອນຈາກ ປະເທດ ເພື່ອນມິດເຂົ້າມາສ້າງສາພັດທະ ນາປະເທດຊາດ, ໂດຍສະເພາະແມ່ນພື້ນ ຖານໂຄງ ລ່າງເສັ້ນທາງຄົມມະນາຄົມຢູ່ໃນນະຄອນຫລວງວຽງຈັນ ແລະ ນອກຊານເມືອງ ຈຳນວນໜຶ່ງ, ເຊິ່ງໃນນີ້ຈະໄດ້ມີ ການນຳໃຊ້ເງິນກູ້ດອກເບ້ຍຕ່ຳ ຈາກລັດຖະບານຈີນ ຈຳນວນ 2 ໂຄງການ, ໂດຍໄດ້ມອບໃຫ້ພະແນກໂຍທາທິການ ແລະ ຂົນສົ່ງ ເປັນ ເຈົ້າຂອງໂຄງການເພື່ອຈັດຕັ້ງປະຕິບັດ ແລະ ບໍລິສັດ ໄຊນາ ເຣວເວ ເລກ 2 ຫລື ບໍລິສັດເສັ້ນທາງລົດໄຟ ເລກ 2 ເປັນຜູ້ຮັບເໝົາກໍ່ສ້າງ ລວມມູນຄ່າ 71 ລ້ານກວ່າໂດລາສະຫະລັດ.

ສຳລັບໂຄງການກໍ່ສ້າງເສັ້ນທາງທີ 1 ແມ່ນຟື້ນຟູເສັ້ນທາງເບຕົ້ງເສີມເຫລັກ ຈາກ 3 ແຍກ ວັດດອນແດງ-ບ້ານໜອງ ທາເໜືອ-ປ່າຍາງ ເມືອງຈັນທະບູລີ ໄປຫາ ບ້ານໂພນຄຳ ເມືອງສີໂຄດຕະບອງ, ມີຄວາມຍາວເກືອບ 5 ກິໂລແມັດ, ເຊິ່ງເປັນເສັ້ນທາງຮ່ອມເຊື່ອມຕໍ່ 2 ຕົວເມືອງ, ໂດຍຈະກຳນົດອອກ ແບບໜ້າທາງກວ້າງ 12 ແມັດ, ມີທາງຄົນຍ່າງ 2 ເບື້ອງ, ເບື້ອງລະ 1,50 ແມັດ, ມີຮ່ອງລະບາຍນ້ຳ ແລະ ໄຟເຍືອງທາງຄົບຊຸດ, ພ້ອມນີ້ ເສັ້ນທາງດັ່ງກ່າວຍັງມີຂົວເບຕົງ 1 ແຫ່ງ, ຍາວ 25 ແມັດ, ກວ້າງ 15 ແມັດ ລວມມູນຄ່າ 13 ລ້ານ ກວ່າໂດລາສະຫະລັດ. ສຳລັບໂຄງການທີ 2 ຈະໄດ້ຍົກ

ລະດັບເສັ້ນທາງຈາກ ບ້ານທ່າສະຫວ່າງ (ເສັ້ນທາງເລກ 10), ເມືອງໄຊທານີ ໄປຫາບ້ານແສນດິນ-ບ້ານໂພນມ່ວງ ເສັ້ນ ທາງເລກທີ 13 ເໜືອ), ເມືອງນາຊາຍທອງ, ມີຄວາມຍາວເກືອບ 24 ກິໂລແມັດ, ເຊິ່ງເປັນ ເສັ້ນທາງເວັ້ນຕົວເມືອງ ແລະ ເປັນການຮອງຮັບການ ຂະຫຍາຍຕົວຂອງນະຄອນຫລວງວຽງຈັນ ໃນ ອະນາຄົດ, ໂດຍໄດ້ມີການກຳນົດອອກແບບເຂດ ຊຸມຊົນ ມີໜ້າກວ້າງ 15 ແມັດ, ປູເບຕົ້ງເສີມເຫລັກໜາ 23 ຊັງຕີແມັດ, ປະກອບມີຮ່ອງລະບາຍນ້ຳ, ທາງຄົນຍ່າງ 2 ຝາກ, ມີໄຟເຍືອງທາງ. ສ່ວນເຂດທີ່ບໍ່ມີຊຸມຊົນກຳນົດຈະມີໜ້າກວ້າງປະມານ 12 ແມັດ, ບໍ່ມີຮ່ອງລະບາຍນ້ຳ ແລະ ໄຟ ເຍືອງທາງ. ໃນເສັ້ນທາງດັ່ງກ່າວ ຈະມີຂົວເບຕົງ 1 ແຫ່ງ, ຍາວ 77 ແມັດ, ກວ້າງ 15 ແມັດ ຕົກເປັນມູນ ຄ່າ ການກໍ່ສ້າງ ທັງໝົດ 57 ລ້ານກວ່າໂດລາສະຫະລັດ, ທັງສອງໂຄງການດັ່ງກ່າວໄດ້ຖືກລົງນາມໃນສັນ ຍາລະຫວ່າງເຈົ້າຂອງໂຄງການ ແລະ ບໍລິສັດ ຜູ້ຮັບເໝົາ ໃນຄັ້ງວັນທີ 29 ເມສາຜ່ານມາ, ຢູ່ນະຄອນຫລວງວຽງຈັນ.

ໃນຂະນະດຽວກັນ ລັດຖະບານລາວ ຍັງໄດ້ຮັບທຶນຊ່ວຍເຫລືອລ້າຈາກລັດຖະບານຈີນເປັນຈຳນວນເງິນຫລາຍ 10 ລ້ານຢວນ (ສະກຸນເງິນຈີນ) ເພື່ອນຳໃຊ້ເຂົ້າໃນການກໍ່ສ້າງ ແລະ ສ້ອມແປງເສັ້ທາງ ທີ່ຈຳເປັນໃນນະຄອນຫລວງວຽງຈັນ ເປັນຕົ້ນການປັບປຸງກໍ່ສ້າງເສັ້ນທາງຈາກ 4 ແຍກໄຟແດງດົງໂດກ- 4 ແຍກໄຟແດງຕານມີໄຊ-ໜອງພະຍາ, ຂະຫຍາຍ ເສັ້ນທາງໜອງໜ່ຽງ ເຊື່ອມຕໍ່ເສັ້ນທາງ 450 ປີ, ສ້ອມ ແປງເສັ້ນທາງຫລາຍເສັ້ນທີ່ເຫັນວ່າມີສະພາບຊຸດໂຊມເປ່ເພ, ເຊິ່ງການສ້ອມແປງທັງໝົດນີ້, ໂດຍຄາດ ວ່າຈະໃຫ້ສຳເລັດ ແລະ ສາມາດນຳໃຊ້ກ່ອນກອງປະຊຸມສຸດຍອດຜູ້ນຳອາຊຽນ ໃນປີ 2016 ທີ່ຈະມາ ເຖິງນີ້.

 

ແຫລ່ງ​ຂ່າວ: ລາວ​ພັດ​ທະ​ນາ

ບົດຄວາມຫຼ້າສຸດ

ງົດງາມທີ່ສຸດຈາກທົ່ວໂລກ ຕາດກວາງຊີ ແຂວງຫຼວງພະບາງ ຖືຈັດຢູ່ໃນ 21 ນໍ້າຕົກທີ່ສວຍງາມຈາກທົ່ວໂລກ ປີ 2025

ວາລະສານ ການທ່ອງທ່ຽວຊື່ດັງຂອງໂລກ Travel + Leisure ໄດ້ຈັດອັນດັບ Top 21 Most Beautiful Waterfalls in the World...

ໄທເລີ່ມປະຕິບັດແລ້ວ ທະນາຄານເລີ່ມປາບປາມຂະບວນການບັນຊີມ້າ ຖ້າກວດພົບຄວາມສົງໄສ ຈະອາຍັດບັນຊີທັນທີ

ບັນຊີມ້າແມ່ນບັນຊີທະນາຄານທີ່ຖືກນໍາໃຊ້ໂດຍອາດຊະຍາກອນ ເພື່ອເກັບເງິນ ຫຼື ຟອກເງິນທີ່ໄດ້ມາແບບຜິດກົດໝາຍ ແມ່ນບັນຊີທີ່ຖືກຈ້າງໃຫ້ເປີດ ຫຼື ຖືກລັກຂໍ້ມູນໄປໃຊ້ ເພື່ອເປັນທາງຜ່ານຂອງເງິນທີ່ໄດ້ມາຈາກການກະທຳຜິດກົດໝາຍ ລວມທັງການພະນັນ. ໃນຊ່ວງໜຶ່ງອາທິດທີ່ຜ່ານມາ ທາງທະນາຄານເເຫ່ງປະເທດໄທ ເລີ່ມກວດສອບ ແລະ ລົງມືປະຕິບັດຢ່າງເຂັ້ມງວດ ໃນການອາຍັດບັນຊີມ້າ...

ຄວາມຫວັງໃໝ່ຂອງເນປານ ແຕ່ງຕັ້ງລັດຖະມົນຕີຄົນໃໝ່ ໂດຍຈະປະຕິບັດໜ້າຮັກສາການ 6 ເດືອນ

ພາຍຫຼັງຄວາມວຸ່ນວາຍຂອງເຫດການປະທ້ວງໃນປະເທດເນປານ ເຮັດໃຫ້ອະດີດນາຍຍົກລັດຖະມົນຕີໄດ້ລາອອກ ພ້ອມທັງເດີນທາງອອກນອກປະເທດ ນຳພາໃຫ້ເນປານບໍ່ມີຄົນດຳລົງຕໍາເເໜ່ງນາຍົກລັດຖະມົນຕີໃນໄລຍະໜຶ່ງ. ເຊິ່ງໃນວັນທີ 12 ກັນຍາ 2025 ທີ່ຜ່ານມາ, ໄດ້ມີການປະກາດແຕ່ງຕັ້ງ ທ່ານ ນາງ  ສຸຊີລາ ກາກີ ຂຶ້ນຮັບຕໍາແໜ່ງຮັກສາການນາຍົກລັດຖະມົນຕີ...

ສະຫຼົດ! ຊາຍອາຍຸ 26 ປີ (ເສຍຊີວິດ) ຍ້ອນຂັບລົດຕຳງົວ ທີ່ບ້ານວຽງແກ້ວ ເມືອງຈັນທະບູລີ ນະຄອນຫຼວງວຽງຈັນ

ບັນຫາການປ່ອຍສັດຊະຊາຍ ສ່ຽງເຮັດໃຫ້ຄົນອື່ນເກີດອຸບັດຕິເຫດ ເຖິງຂັ້ນເສຍຊີວິດໄດ້. ບັນຫາການປ່ອຍສັດລ້ຽງ (ງົວ, ຄວາຍ, ແບ້, ມ້າ...) ຍັງຄົງຖືກພົບເຫັນເລື້ອຍໆຢູ່ຫຼາຍໆຂົງເຂດ ຕັ້ງແຕ່ເຂດຊານເມືອງຈົນໄປເຖິງໃນເມືອງ. ຈົນກາຍເປັນຄວາມເຄີຍຊິນໄປແລ້ວສຳລັບຜູ້ສັນຈອນໄປມາທີ່ຕ້ອງລະວັງເອງ ແຕ່ບາງຄັ້ງກໍມີອຸບປະຕິເຫດຕາມມາ ເຊັ່ນ: ລົດໃຫຍ່ຕຳງົວ, ລົດຈັກຕຳງົວ,...