ເຈົ້າໜ້າທີ່ໄທ ຈັບກຸມ 2 ຊາວລາວ ກຽມລັກລອບຄ້າຂາຍຊາກສັດປ່າຫຼາຍກວ່າ 101 ກິໂລກຼາມ
ສຳນັກຂ່າວຕ່າງປະເທດລາຍງານໃນວັນທີ 25 ມິຖຸນາ 2025 ຜ່ານມາ, ເຈົ້າໜ້າທີ່ກົມອຸທະຍານແຫ່ງຊາດ ສັດປ່າ ແລະ ພັນພຶດ ແຫ່ງປະເທດໄທ ແລະ ເຈົ້າໜ້າທີ່ພາກສ່ວນກ່ຽວຂ້ອງ ເຂົ້າຈັບເຄືອຂ່າຍກຸ່ມຄົນລັັກລອບຄ້າຂາຍສັດປ່າ ຢູ່ຈຸດແຈມປ໋ອງ ອຳເພີວຽງແກ່ນ ຈັງຫວັດຊຽງລາຍ ເຊິ່ງເປັນພຶ້ນທີ່ຊາຍແດນຕິດກັບ ສປປ ລາວ.
ຈາກການກວດສອບຂອງເຈົ້າໜ້າທີ່ພົບຊາກສັດປ່າຈຳນວນຫຼາຍທີ່ກຽມໄວ້ຈຳໜ່າຍ ປະກອບດ້ວຍ: ເໝັ້ນໃຫຍ່ 2 ໂຕ, ຊາກແລນ 1 ໂຕ, ຊາກໝີ 1 ໂຕ, ຊາກເໝັ້ນໃຫຍ່ 5 ໂຕ ແລະ ຊາກຟານ 22 ປ່ຽງ ລວມນໍ້າໜັກທັງໝົດ 101 ກິໂລ.
ທາງດ້ານເຈົ້າໜ້າທີ່ສາມາດຈັບກຸມຜູ້ຕ້ອງສົງໃສຈຳນວນ 2 ຄົນ ເປັນຄົນລາວທັງໝົດ ຊາຍ 1 ຄົນ ແລະ ຍິງ 1 ຄົນ ເພື່ອນຳຕົວໄປສອບສວນເພີ່ມເຕີມເຖິງຂະບວນການຄ້າ-ຂາຍສັດປ່າຂ້າມຊາດ ສ່ວນຂອງກາງຊາກສັດປ່າທັງໝົດໄດ້ຖືກສົ່ງມອມໃຫ້ພະນັກງານສືບສວນ-ສອບສວນ ຢູ່ສຳນັກງານວຽງແກ່ນ ແລະ ໄດ້ປະສານດ່ານກັກກັນສັດ ຈັງຫວັດຊຽງລາຍ ກົມປະຄຸສັດແຫ່ງປະເທດໄທ ເພື່ອນຳໄປທຳລາຍ ຕາມລະບຽບກົດໝາຍຕໍ່ໄປ.
ແຫຼ່ງຂ່າວ: CH7