ຈີນປະກາດເປີດຕົວ ວີຊ່າອາຊຽນ ໄຟຂຽວນັກທຸລະກິດ 10 ບັນປະເທດອາຊຽນລວມເຖິງ ຕີມໍແລັດສະແຕ ເດີນທາງເຂົ້າອອກສະດວກ
ສຳນັກຂ່າວຕ່າງປະເທດລາຍງານໃນວັນທີ 4 ມິຖຸນາ 2025, ຈີນປະກາດເປີດຕົວ “ASEAN Visa” ຫຼື ວີຊ່າທຸລະກິດພິເສດສຳລັບບັນດາປະເທດສະມາຊິກອາຊຽນທັງ 10 ປະເທດ ລວມ ຕິມໍແລັດສະເຕ ເຊິ່ງເປັນສະມາຊິກສັງເກດການ ASEAN ໂດຍວີຊາດັ່ງກ່າວອະນຸຍາດໃຫ້ຜູ້ຖື ສາມາດເດີນທາງ ແລະ ອາໄສຢູ່ໃນຈີນໄດ້ຄັ້ງລະ 180 ວັນ ເພື່ອອຳນວຍຄວາມສະດວກ ສຳລັບຜູ້ທີ່ມີການເດີນທາງເຂົ້າອອກຕະຫຼອດ ໂດຍບໍ່ຕ້ອງຂໍວີຊ່າໃໝ່.
ກະຊວງການຕ່າງປະເທດຂອງຈີນຖະແຫຼງເມື່ອວັນອັງຄານຜ່ານມານີ້ວ່າ: ມາດຕະການໃໝ່ນີ້ຈະກວມເອົາຜູ້ເດີນທາງຈາກປະເທດໃນກຸ່ມອາຊຽນໄດ້ແກ່: ອິນໂດເນເຊຍ, ມາເລເຊຍ, ຟີລິບປິນ, ສິງກາໂປ, ໄທ, ບູໄນ, ຫວຽດນາມ, ລາວ, ມຽນມາ, ກຳປູເຈຍ ແລະ ຕີມໍແລັດສະເຕ.
ການເປີດບໍລິການວີຊາພິເສດນີ້ ຈະຊ່ວຍເສີມສ້າງຄວາມສຳພັນທາງເສດຖະກິດ ແລະ ສົ່ງເສີມການເດີນທາງລະຫວ່າງຈີນກັບປະເທດໃນພູມິພາກ ASEAN ລວມເຖິງກຸ່ມພັນທະມິດອື່ນໆ ໂດຍໃນໄຕມາດທຳອິດຂອງປີ 2025 ຈີນສາມາດດຶງດູດນັກທ່ອງທ່ຽວ ແລະ ຜູ້ເດີນທາງຕ່າງປະເທດໄດ້ເພີ່ມຂຶ້ນເຖິງ 40% ເມື່ອທຽບກັບຊ່ວງດຽວກັນຂອງປີທີ່ຜ່ານມາ.