ເຈົ້າໜ້າທີ່ກູ້ໄພຫວຽດນາມ ເລັ່ງປ້ຳອາກາດເຂົ້າໄປໃນອຸໂມງທີ່ຖະຫລົ່ມ ເພື່ອຮັກສາຊີວິດກຳມະກອນ 12 ຄົນທີ່ຕິດຢູ່ໃຕ້
ດິນຫລັງຝົນຕົກໜັກຈົນນ້ຳຖ້ວມໃນພື້ນທີ່.
ສຳນັກຂ່າວຕ່າງປະເທດ ລາຍງານໃນວັນທີ 17 ທັນວາຜ່ານມານີ້ວ່າ ກຳມະກອນທັງ 12 ຄົນ ຍັງຄົງປອດໄພດີ ຫລັງເຫດອຸ
ໂມງທີ່ເປັນສ່ວນໜຶ່ງຂອງເຂື່ອນໄຟຟ້າພະລັງນ້ຳ ໃນແຂວງເລິມດົງ ທາງພາກກາງຂອງປະເທດຫວຽດນາມ ເກີດເຫດຖະ
ຫລົ່ມລົງ ນັບຕັ້ງແຕ່ຕອນເຊົ້າຂອງມື້ວັນອັງຄານທີ 16 ທັນວາຜ່ານມາ ເນື່ອງຈາກຝົນຕົກໜັກໃນພື້ນທີ່, ແຕ່ສະຖານະ
ການຍັງຢູ່ໃນສະພາວະຮີບດ່ວນ ເນື່ອງຈາກລະດັບນ້ຳທີ່ເພີ່ມສູງຂຶ້ນ ຕາມການລະບຸຂອງລັດຖະມົນຕີກະຊວງກໍ່ສ້າງຫວຽດ
ນາມ.
ເຈົ້າໜ້າທີ່ກູ້ໄພພະຍາຍາມທີ່ຈະຫາທາງສູບນ້ຳອອກ ແລະ ຂຸດອຸໂມງເພື່ອນຳເອົາຜູ້ທີ່ຕິດຢູ່ພາຍໃນອຸໂມງອອກມາ, ຂະນະ
ດຽວກັນເຈົ້າໜ້າທີ່ກໍໄດ້ສົ່ງອາຫານ ແລະ ປ້ຳອົກຊີເຢັນເຂົ້າໄປໃຫ້ກັບຜູ້ທີ່ຕິດຢູ່ພາຍໃນອຸໂມງ ຜ່ານທາງຮູຂະໜາດນ້ອຍ
ທີ່ເຈາະໄວ້.
ປັດຈຸບັນກຸ່ມຜູ້ຊ່ຽວຊານຈາກ ກຸ່ມບໍລິສັດອຸດສາຫະກຳຖ່ານຫີນ ແລະ ຮ່ທາດແຫ່ງຊາດຫວຽດນາມ (Vinacomin) ໄດ້ປະ
ສານງານກັບທະຫານຊ່າງແສງ ໄດ້ສົນທິກຳລັງກັນເຂົ້າຂຸດເຈາະຂຸມອີກແຫ່ງໜຶ່ງ ເພື່ອທີ່ຈະເຂົ້າໄປພາຍໃນອຸໂມງ ເຊິ່ງຈະ
ພະຍາຍາມສອດທໍ່ຂະໜາດໃຫຍ່ເຂົ້າໄປ ແລະ ນຳຕົວຜູ້ທີ່ຕິດຢູ່ດ້ານໃນອອກມາທາງທໍ່.
