spot_img
Homeຂ່າວພາຍ​ໃນຄືບໜ້າ 70 % ການສ້າງທາງປູຢາງ ແຍກທາງເລກ 13 ໃຕ້ ຫາ ບ້ານປຸງ ເມືອງຫີນບູນ

ຄືບໜ້າ 70 % ການສ້າງທາງປູຢາງ ແຍກທາງເລກ 13 ໃຕ້ ຫາ ບ້ານປຸງ ເມືອງຫີນບູນ

Published on

ວັນທີ 18 ທັນວາ 2024 ທ່ານ ວັນໄຊ ພອງສະຫວັນ ເຈົ້າແຂວງຄຳມ່ວນ ພ້ອມດ້ວຍ ຫົວໜ້າພະແນກໂຍທາທິການ ແລະ ຂົນສົ່ງແຂວງ, ພະແນກການກ່ຽວຂ້ອງຂອງແຂວງຈໍານວນໜຶ່ງ ໄດ້ເຄື່ອນໄຫວຕິດຕາມກວດກາຄວາມຄືບໜ້າການຈັດຕັ້ງປະຕິບັດໂຄງການກໍ່ສ້າງ ແລະ ປັບປຸງເສັ້ນທາງປູຢາງ 2 ຊັ້ນ ແຕ່ແຍກທາງເລກທີ 13 ໃຕ້ ຫາ ບ້ານປຸງ ເມືອງຫິນບູນ, ໂດຍມີທ່ານເຈົ້າເມືອງຫີນບູນ ແລະ ພາກສ່ວນບໍລິສັດຮັບເໝົາຮ່ວມຕ້ອນຮັບ.

อาจเป็นรูปภาพของ ถนน และ ขอบฟ้า

ທ່ານ ວັດທະນາ ມາດມະນີສອນ ຮອງປະທານກຸ່ມບໍລິສັດດີເອັມຈໍາກັດໄດ້ລາຍງາຍວ່າ : ເສັ້ນທາງປູຢາງ 2 ຊັ້ນດັ່ງກ່າວທີ່ມີຄວາມຍາວ 9.040 ແມັດ, ໜ້າທາງກວ້າງ 8 ແມັດ, ລວມມູນຄ່າການກໍ່ສ້າງທັງໝົດ 22 ຕື້ກວ່າກີບ, ໂດຍແມ່ນ ກຸ່ມບໍລິສັດດີເອັມ ຈໍາກັດ ຜູ້ດຽວ ເປັນຜູ້ຮັບເໝົາກໍ່ສ້າງ, ເລີ່ມຈັດຕັ້ງປະຕິບັດແຕ່ເດືອນຕຸລາ 2023 ປະຈຸບັນມີຄວາມຄືບໜ້າ 70% ຂອງແຜນການ, ຄາດວ່າຈະສໍາເລັດໃນທ້າຍເດືອນ ກຸມພາ 2025.

อาจเป็นรูปภาพของ 9 คน

ຈາກນັ້ນ ກໍ່ໄດ້ສືບຕໍ່ເຄື່ອນໄຫວຊຸກຍູ້ການສ້ອມແປງຂົວຫ້ວຍແຫ່, ບ້ານປຸງ ເມືອງຫິນບູນ ເຊິ່ງເປັນປະເພດຂົວໄມ້ເສີມເຫຼັກ, ນໍາໃຊ້ໄດ້ຫລາຍປີເຮັດໃຫ້ສະພາບຂົວເປ່ເພຊຸດໂຊມໄປຕາມການເວລາ ແລະ ເຄື່ອນໄຫວຊຸກຍູ້ການປັງປຸງສ້ອມແປງເສັ້ນ ທາງບໍລິເວນດ່ານຂົວມິດຕະພາບ 3.

อาจเป็นรูปภาพของ 3 คน, อนุสาวรีย์, ถนน และ ข้อความ

ໃນໂອກາດດັ່ງກ່າວນີ້ ທ່ານເຈົ້າແຂວງ ຄໍາມ່ວນ ໄດ້ມີຄໍາຊີ້ນໍາໃຫ້ ບໍລິສັດຜູ້ຮັບເໝົາ ຈົ່ງເອົາໃຈໃສ່ໃນການປະຕິບັດໂຄງການດັ່ງກ່າວໃຫ້ຖືກຕ້ອງຕາມຫຼັກວິຊາການ ແລະ ມາດຕະຖານການກໍ່ສ້າງທີ່ມີຄຸນນະພາບ, ທັງຮັບປະກັນໃຫ້ໄດ້ຮັບຜົນສໍາເລັດທັນຕາມກໍານົດເວລາ. ສະເໜີໃຫ້ ພະແນກການທີ່ກ່ຽວຂ້ອງ, ກວດກາພ້ອມທັງຂຶ້ນແຜນຄິດໄລ່ອອກແບບ, ສ້າງແຜນເປັນອັນລະອຽດ ນໍາສະເໜີ ເພື່ອດໍາເນີນການກໍ່ສ້າງສ້ອມແປງເສັ້ນທາງເຂົ້າຫາດ່ານຂົວມິດຕະພາບ 3 ແລະ ຂົວຫ້ວຍແຫ່, ທັງນີ້ເພື່ອສ້າງເງື່ອນໄຂອໍານວຍຄວາມສະດວກໃຫ້ແກ່ປະຊາຊົນກໍ່ຄືຜູ້ທີ່ມາຊົມໃຊ້ສະຖານທີ່ດັ່ງກ່າວໄດ້ມິຄວາມປອດໄພ ແລະ ສະດວກສະບາຍ.

ຂ່າວ: Khammouane News

ບົດຄວາມຫຼ້າສຸດ

ລາວເສຍຫາຍໜັກ! ຜົນກະທົບຈາກພາຍຸບົວລອຍ ພັດຖະລົ່ມລາວ ເຮັດໃຫ້ມີຜູ້ເສຍຊີວິດທັງໝົດ 4 ຄົນ.

ພາຍຸບົວລອຍ ສົ່ງຜົນກະທົບຕໍ່ 34 ເມືອງໃນທົ່ວປະເທດ ມີຜູ້ເສຍຊີວິດ 4 ຄົນ ຮອງນາຍົກຊີ້ນຳໃຫ້ເລັ່ງໃຫ້ການຊ່ວຍເຫຼືອຜູ້ໄດ້ຮັບຜົນກະທົບໂດຍດ່ວນ. ໃນຕອນເຊົ້າວັນທີ 6 ຕຸລາ 2025, ທີ່ຫ້ອງວ່າການສໍານັກງານນາຍົກລັດຖະມົນຕີ ຄະນະກໍາມະການຄຸ້ມຄອງໄພພິບັດຂັ້ນສູນກາງ ໄດ້ຈັດກອງປະຊຸມ...

ແລກເມຍກັບງົວ 1 ໂຕ ເມື່ອໜຸ່ມອິນໂດເນເຊຍຖືກເມຍຄົບຊູ້ ຈຶ່ງສະເໜີການແລກປ່ຽນເພື່ອຈົບບັນຫາ

ໃນວັນທີ 07/10/2025 ລາຍງານຈາກສຳນັກຂ່າວໃນປະເທດອິນໂດເນເຊຍ ມີຄລິບເຫດການທີ່ເປັນກະແສເນື່ອງຈາກມີຊາຍຄົນໜຶ່ງຍອມໃຫ້ເມຍຕົນເອງໄປຄົບກັບຊູ້ ພ້ອມຍອມແລກເມຍກັບງົວ 1 ໂຕ, ແລະເງິນອີກປະມານ 5,000,000 ລູເປຍອິນໂດເນເຊຍ (ປະມານ 6,800,000 ກີບ) ຜ່ານການຕົກລົງຈາກທັງ 2...

14 ຂໍ້ຫ້າມພາຍໃນບຸນອອກພັນສາ ແລະ ຊ່ວງເຮືອປະເພນີ້່ ທີ່ທ່າວັດຈັນ ເມືອງຈັນທະບູລີ ນະຄອນຫຼວງວຽງຈັນ ຈັດຂຶ້ນໃນ ວັນທີ 04-08 ຕຸລາ 2025

ທ່ານ ແສງສາທິດ ພິມເມືອງ ຕາງໜ້າອົງການປົກຄອງເມືອງຈັນທະບູລີ ປະທານຄະນະກໍາມະການຈັດງານບຸນອອກພັນສາປະວໍລະນາ ແລະ ຊ່ວງເຮືອປະເພນີ ທີ່ທ່າວັດຈັນ ປະຈໍາປີ 2025 ໄດ້ຖະແຫຼງຂ່າວຕໍ່ສື່ມວນຊົນໃນການກະກຽມ ແລະ ຈັດງານບຸນ ລະຫວ່າງ...

ສປປ ລາວ ແລະ ສ ອາເມລິກາ ຈະສືບຕໍ່ແກ້ໄຂບັນຫາທີ່ຍັງຄົງຄ້າງຮ່ວມກັນ

ສປປ ລາວ ແລະ ສ ອາເມລິກາ ຈະສືບຕໍ່ແກ້ໄຂບັນຫາທີ່ຍັງຄົງຄ້າງຮ່ວມກັນ ໃນທ້າຍເດືອນກັນຍາ 2025 ຜ່ານມານີ້, ທ່ານ ສອນໄຊ ສີພັນດອນ ນາຍົກລັດຖະມົນຕີ ແຫ່ງ ສປປ...