Homeຂ່າວນໍ້າຖ້ວມເມືອງສິງ ເລັ່ງຟື້ນຟູຫລັງນໍ້າຖ້ວມເປັນຄັ້ງທີ 2

ເມືອງສິງ ເລັ່ງຟື້ນຟູຫລັງນໍ້າຖ້ວມເປັນຄັ້ງທີ 2

Published on

ທ່ານ ຈັນພິພັກ ກອງຈໍາປາ, ເຈົ້າເມືອງໆ ສິງ ແຂວງຫລວງນໍ້າທາ ໃນວັນທີ 3 ຕຸລາ 2024 ວ່າ: ເນື່ອງຈາກຝົນຕົກໜັກເປັນເວລາຫລາຍຊົ່ວໂມງນັບແຕ່ຕອນ ເຊົ້າວັນທີ 1 ຫາ ຕອນເຊົ້າວັນທີ 2 ຕຸລາ 2024 ເຮັດໃຫ້ເກີດມີນໍ້າປ່າໄຫລຊຸລົງມາຢ່າງໄວ ແລະ ສ້າງຜົນກະທົບແກ່ປະຊາຊົນ 14 ບ້ານ ທີ່ຢູ່ພາຍໃນເທດສະບານເມືອງສິງ, ໃນນີ້ ເສຍຫາຍໜັກໜ່ວງກວ່າໝູ່ແມ່ນຢູ່ບ້ານຈອມ ແລະ ບ້ານເລົ້າເຂົ້າ.

ຢ່າງໃດກໍຕາມ, ມາຮອດວັນທີ 3 ຕຸລານີ້ ສະພາບນໍ້າໄດ້ບົກແຫ້ງໝົດແລ້ວ, ເຊິ່ງອົງການປົກຄອງເມືອງໄດ້ລະດົມກໍາລັງຈາກທຸກພາກສ່ວນຕ່າງໆ ໄປຊ່ວຍເຫລືອປະຊາຊົນອະນາໄມເຮືອນຊານ, ໂຮງຮຽນ ແລະ ສໍານັກງານຕ່າງໆ. ຂະນະທີ່ຫລາຍພາກ ສ່ວນໄດ້ເຂົ້າໄປໃຫ້ການຊ່ວຍເຫລືອປະຊາຊົນທີ່ໄດ້ຮັບຜົນກະທົບ ໂດຍສະເພາະການຊ່ວຍເຫລືອເຄື່ອງອຸປະໂພກ-ບໍລິໂພກທີ່ຈໍາເປັນຕ່າງໆ, ພ້ອມນີ້ ອົງການປົກຄອງເມືອງ ໄດ້ມອບໃຫ້ຂະແໜງໂຍທາທິການ ແລະ ຂົນສົ່ງ, ກະສິກໍາ, ຊົນລະປະທານ ແລະ ຂະແໜງການອື່ນໆ ຮີບຮ້ອຍເກັບກໍາຂໍ້ມູນຜົນເສຍຫາຍໃຫ້ລະອຽດຊັດເຈນ, ເຊິ່ງສະພາບທີ່ເຫັນ ເຮັດໃຫ້ຄາດຄະເນຜົນເສຍຫາຍຈາກສະພາບນໍ້າຖ້ວມໃນຄັ້ງນີ້ແມ່ນບໍ່ຫລຸດ 30 ຕື້ກີບ.

ທ່ານ ເຈົ້າເມືອງໆ ສິງ ໃຫ້ຮູ້ຕື່ມວ່າ: ສະພາບນໍ້າຖ້ວມໃນຄັ້ງນີ້ ແມ່ນເປັນຄັ້ງທີ 2 ໃນຮອບ 1 ປີ ທີ່ເກີດຂຶ້ນຢູ່ພາຍໃນເມືອງສິງ ພາຍຫລັງສະພາບນໍ້າຖ້ວມ ຄັ້ງທີ 1 ເກີດຂຶ້ນໃນວັນທີ 9 ກັນຍາ 2024 ຍ້ອນໄດ້ຮັບຜົນກະທົບຈາກພະຍຸຢາກິ. ສັງລວມແລ້ວສະພາບນໍ້າຖ້ວມທັງ 2 ຄັ້ງທີ່ເກີດຂຶ້ນ ແມ່ນສ້າງຄວາມເສຍຫາຍໜັກໜ່ວງຫລາຍແລະ ເປັນເຫດການທີ່ເກີດຂຶ້ນໃນຮອບຫລາຍກວ່າ 15 ປີ ຜ່ານມາ. ສ່ວນໜ້າວຽກທີ່ຕ້ອງຮີບຮ້ອນຊ່ວຍເຫລືອປະຊາຊົນ. ນອກຈາກການຊ່ວຍອະນາໄມເຮືອນຊານ, ຊ່ວຍເຫລືອເຄື່ອງອຸປະໂພກ-ບໍລິໂພກໃນໄລຍະສະເພາະໜ້າ ແມ່ນການສ້ອມແປງຂົວບາງແຫ່ງທີ່ຫັກ ແລະ ການສ້ອມແປງທາງຂາດຫລາຍຈຸດ ເພື່ອໃຫ້ສາມາດສັນຈອນໄປ-ມາໄດ້ເປັນປົກກະຕິໂດຍໄວ.

ແຫຼ່ງຂ່າວ: ວິທະຍຸກະຈາຍສຽງແຫ່ງຊາດລາວ

ບົດຄວາມຫຼ້າສຸດ

ນາຍົກລັດຖະມົນຕີລາວ ພົບປະກັບ ປະທານສະພາແຫ່ງຊາດຫວຽດນາມ ໃນໂອກາດເດີນທາງຢ້ຽມຢາມ ສສ ຫວຽດນາມ ແລະ ເຂົ້າຮ່ວມກອງປະຊຸມເວທີອະນາຄົດອາຊຽນ ຄັ້ງທີ 3

ໃນຕອນບ່າຍວັນທີ 8 ມິຖຸນາ 2026, ທີ່ ນະຄອນຫຼວງຮ່າໂນ້ຍ ສສ ຫວຽດນາມ, ສະຫາຍ ສອນໄຊ ສີພັນດອນ ກໍາມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງ...

ແຈ້ງການມອດໄຟຟ້າຊົ່ວຄາວ ລັດວິສາຫະກິດໄຟຟ້າລາວ ນວ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ ເລີ່ມແຕ່ວັນທີ 9-14 ມິຖຸນາ 2026

​ລັດວິສາຫະກິດໄຟຟ້າລາວ (EDL) ຝ່າຍຄຸ້ມຄອງລະບົບໄຟຟ້າພາກກາງ ສາຂານະຄອນຫຼວງວຽງຈັນ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ (ມອດໄຟ) ເພື່ອປັບປຸງ, ສ້ອມແປງລະບົບຕາໜ່າງໄຟຟ້າ ແລະ ຕິດຕັ້ງເສົາໄຟຟ້າໃໝ່ ໃຫ້ມີຄວາມປອດໄພ ແລະ ກຽມພ້ອມຮອງຮັບການຊົມໃຊ້ທີ່ດີຂຶ້ນ....

ກຽມໄປແຂ່ງຕໍ່ທີ່ຍີ່ປຸ່ນ MAZDA GB FC U12 ຄວ້າແຊ້ມ ບານເຕະເຍົາວະຊົນທີ່ອິນໂດເນເຊຍ ພ້ອມໄດ້ໄປແຂ່ງຕໍ່ຮອບສຸດທ້າຍທີ່ປະເທດຍີ່ປຸ່ນ

ເກັ່ງຫຼາຍ MAZDA GB FC ຢູ 12 ຄວ້າແຊ້ມບານເຕະເຍົາວະຊົນ ທີ່ອິນໂດເນເຊຍ ພ້ອມໄດ້ສິດບິນລັດຟ້າໄປແຂ່ງຂັນທີ່ປະເທດຍີ່ປຸ່ນ. ນ້ອງໆເຍົາວະຊົນຈາກສະໂມສອນ Mazda Laos GB FC ໂຊຊຟອງເກັ່ງຄວ້າແຊ້ມລາຍການແຂ່ງຂັນບານເຕະເຍົາວະຊົນລະດັບພາກພື້ນ...

ນາຍົກລັດຖະມົນຕີລາວ ສົ່ງຈົດໝາຍເຖິງນາຍົກລັດຖະມົນຕີໄທ ເພື່ອສະແດງຄວາມຂອບໃຈຕໍ່ການຊ່ວຍເຫຼືອຄົ້ນຫາ ແລະ ກອບກູ້ເອົາຊິວິດປະຊາຊົນທີ່ຕິດຄ້າງຢູ່ໃນຖໍ້າ

ວັນທີ 7 ມິຖຸນາ 2026 ທີ່ນະຄອນຫຼວງວຽງຈັນ, ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ໄດ້ສົ່ງຈົດໝາຍຂອບໃຈເຖິງທ່ານ ອະນຸທິນ ຊານວີຣະກູນ, ນາຍົກລັດຖະມົນຕີ ແຫ່ງ...