spot_img
Homeຂ່າວພາຍ​ໃນເມືອງແບງ ອຸດົມໄຊ ແກ້ໄຂປ້າຍໂຄສະນາບໍ່ຖືກຕ້ອງ 200 ກວ່າປ້າຍ

ເມືອງແບງ ອຸດົມໄຊ ແກ້ໄຂປ້າຍໂຄສະນາບໍ່ຖືກຕ້ອງ 200 ກວ່າປ້າຍ

Published on

ການຄວບຄຸມ ແລະ ອະນຸຍາດອອກປ້າຍໂຄສະນາຢູ່ພາຍໃນເມືອງແບງ, ແຂວງອຸດົມໄຊ ຍັງພົບຫຼາຍບັນຫາເນື່ອງຈາກມີຜູ້ປະກອບການທຸລະກິດຈຳນວນຫຼາຍຍັງບໍ່ເອົາໃຈໃສ່ ແລະ ໃຫ້ຄວາມຮ່ວມມືໃນການແຈ້ງດຳເນີນການຂໍຂຶ້ນປ້າຍໂຄສະນານຳ ພາກສ່ວນຮັບຜິດຊອບວຽກງານຄຸ້ມຄອງປ້າຍ ຂອງຫ້ອງການຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ (ຖວທ) ເມືອງ, ເຮັດໃຫ້ມີປ້າຍໂຄສະນາຕິດຕັ້ງບໍ່ເປັນລະບຽບ, ຕິດຕັ້ງຊະຊາຍ, ປ້າຍບໍ່ມີເຈົ້າຂອງ, ມີການລັກຕິດຕັ້ງປ້າຍໂຄສະນາ, ປ້າຍບໍ່ໄດ້ມາດຕະຖານຕາມກຳນົດ ແລະ ບໍ່ຖືກຕ້ອງຕາມຫລັກການໃຊ້ພາສາລາວ, ເຊິ່ງສ່ວນຫຼາຍຈະພົບເຫັນຕາມເສັ້ນທາງຫຼວງ.

May be an image of 2 people, grass and text

ຕໍ່ກັບບັນຫາດັ່ງກ່າວ, ຫ້ອງການຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ເມືອງແບງ ໄດ້ລົງຕິດຕາມ, ກວດກາ ຫ້າງຮ້ານທີ່ໃຊ້ປ້າຍໂຄສະນາ ບໍ່ຖືກຕາມລະບຽບການ ຢູ່ພາຍໃນຂອບເຂດເມືອງແບງ, ເມື່ອບໍ່ດົນມານີ້, ເຊິ່ງນໍາໂດຍທ່ານ ທອງເພັດ ຈັນທະວົງ ຫົວໜ້າຫ້ອງການ ຖວທ ເມືອງແບງ ພ້ອມດ້ວຍວິຊາການ, ໂດຍໄດ້ເອົາໃຈໃສ່ກວດກາປ້າຍໂຄສະນາຈຳນວນໜຶ່ງ ທີ່ບໍ່ຖືກຕ້ອງຕາມລະບຽບການ ເປັນຕົ້ນ ປ້າຍມີແຕ່ພາສາຕ່າງປະເທດ, ບາງປ້າຍພາສາຕ່າງປະເທດໃຫຍ່ກວ່າພາສາລາວ ແລະ ບາງປ້າຍການອອກແບບ, ສີ, ຂະໜາດ ບໍ່ຖືກຕ້ອງຕາມລະບຽບການ.

May be an image of 2 people and text

ພ້ອມນີ້, ຍັງມີບັນດາຫ້າງຮ້ານ ທີ່ນໍາໃຊ້ປ້າຍໂຄສະນາທີ່ບໍ່ຖືກຕາມລະບຽບການ ເປັນຈໍານວນຫລາຍ, ເຊິ່ງຄະນະຮັບຜິດຊອບໄດ້ສຶກສາອົບຮົມ ແລະ ກ່າວເຕືອນຜູ້ປະກອບການ, ພ້ອມທັງຮື້-ຖອນ ປ້າຍໂຄສະນາດັ່ງກ່າວອອກຈໍານວນ 200 ກວ່າປ້າຍ, ພ້ອມທັງໄດ້ຮຽກຮ້ອງໃຫ້ຜູ້ປະກອບການ ທັງພາກລັດ ແລະ ເອກະຊົນ, ທີ່ນໍາໃຊ້ປ້າຍ ຈົ່ງໃຫ້ການຮ່ວມມືໃນການຕິດຕັ້ງປ້າຍໃຫ້ຖືກຕ້ອງຕາມລະບຽບການ, ເພື່ອເຮັດໃຫ້ເມືອງແບງ ມີຄວາມງົດງາມ ທັງນີ້ກໍເພື່ອເຮັດໃຫ້ການຄຸ້ມຄອງການໂຄສະນາດ້ວຍປ້າຍ, ປ້າຍໂຄສະນາສິນຄ້າ ແລະ ບໍລິການຢູ່ເມືອງແບງ ມີຄວາມ ເປັນລະບຽບຮຽບຮ້ອຍ ຖືກຕ້ອງຕາມລະບຽບການ ແລະ ກົດໝາຍ.

ຂ່າວ: ວສລ

ບົດຄວາມຫຼ້າສຸດ

14 ຂໍ້ຫ້າມພາຍໃນບຸນອອກພັນສາ ແລະ ຊ່ວງເຮືອປະເພນີ້່ ທີ່ທ່າວັດຈັນ ເມືອງຈັນທະບູລີ ນະຄອນຫຼວງວຽງຈັນ ຈັດຂຶ້ນໃນ ວັນທີ 04-08 ຕຸລາ 2025

ທ່ານ ແສງສາທິດ ພິມເມືອງ ຕາງໜ້າອົງການປົກຄອງເມືອງຈັນທະບູລີ ປະທານຄະນະກໍາມະການຈັດງານບຸນອອກພັນສາປະວໍລະນາ ແລະ ຊ່ວງເຮືອປະເພນີ ທີ່ທ່າວັດຈັນ ປະຈໍາປີ 2025 ໄດ້ຖະແຫຼງຂ່າວຕໍ່ສື່ມວນຊົນໃນການກະກຽມ ແລະ ຈັດງານບຸນ ລະຫວ່າງ...

ສປປ ລາວ ແລະ ສ ອາເມລິກາ ຈະສືບຕໍ່ແກ້ໄຂບັນຫາທີ່ຍັງຄົງຄ້າງຮ່ວມກັນ

ສປປ ລາວ ແລະ ສ ອາເມລິກາ ຈະສືບຕໍ່ແກ້ໄຂບັນຫາທີ່ຍັງຄົງຄ້າງຮ່ວມກັນ ໃນທ້າຍເດືອນກັນຍາ 2025 ຜ່ານມານີ້, ທ່ານ ສອນໄຊ ສີພັນດອນ ນາຍົກລັດຖະມົນຕີ ແຫ່ງ ສປປ...

ສສກ ຈະສຸມໃສ່ປະຕິຮູບລະບົບການສຶກສາ ສາຍສາມັນ ຈາກ 5+4+3 ເປັນ 6+3+3

ອົງຄະນະພັກ ສສກ ຈະສຸມໃສ່ປະຕິຮູບລະບົບການສຶກສາ ສາຍສາມັນ ຈາກ 5+4+3 ເປັນ 6+3+3 ສະຫາຍ ຮສ.ປອ ທອງສະລິດ ມັງໜໍ່ເມກ ເລຂາທິການສູນກາງພັກ, ເລຂາຄະນະບໍລິຫານງານພັກ, ລັດຖະມົນຕີ...

ແຈ້ງເຕືອນຈາກກົມໃຫຍ່ຕຳຫຼວດ ໃຫ້ລະວັງ 10 ລັກສະນະການກໍ່ເຫດທີ່ເປັນການສໍ້ໂກງຊັບ ຖ້າພົບເຫັນເຫດລັກສະນະນີ້ ສາມາດແຈ້ງດຳເນີນຄະດີໄດ້

- ອີງຕາມ ຂໍ້ຕົກລົງຂອງລັດຖະມົນຕີກະຊວງປ້ອງກັນຄວາມສະຫງົບ ລົງວັນທີ 05 ມັງກອນ 2022 ວ່າດ້ວຍການຈັດຕັ້ງ ແລະ ການເຄື່ອນໄຫວຂອງກົມໃຫຍ່ຕໍາຫຼວດ. ເພື່ອປ້ອງກັນ ບໍ່ໃຫ້ທຸກຄົນໃນສັງຄົມ ຕົກເປັນເຫຍື່ອຂອງກຸ່ມແກ້ງສໍ້ໂກງຊັບທາງໂທລະຄົມ ແລະ...