spot_img
Homeຂ່າວພາຍ​ໃນຄາຕະກຳຄົນໃນຄອບຄົວ ບ້ານຫຼັງຄັງ ເມືອງບົວລະພາ ແຂວງຄຳມ່ວນ

ຄາຕະກຳຄົນໃນຄອບຄົວ ບ້ານຫຼັງຄັງ ເມືອງບົວລະພາ ແຂວງຄຳມ່ວນ

Published on

ໃນເວລາປະມານ 03:00 ໂມງ ຂອງວັນທີ 7 ສິງຫາ 2024 ໄດ້ເກີດເຫດ ຄາຕະກຳຄົນໃນຄອບຄົວ ແລະ ຍິງຕົວຕາຍ ຢູ່ບ້ານຫຼັງຄັງ, ເມືອງບົວລະພາ, ແຂວງຄຳມ່ວນ, ພາຍຫຼັງເຫດການເກີດຂຶ້ນ ທາງເຈົ້າໜ້າທີ່ ປກສ ເມືອງບົວລະພາ ໄດ້ລາຍງານຕໍ່ກອງບັນຊາການ ປກສ ແຂວງຄຳມ່ວນ ຮັບຊາບ ແລະ ໄດ້ແຕ່ງຕັ້ງກຳລັງວິຊາສະເພາະລົງສັນລະສູດສະຖານທີ່ເກີດເຫດຕົວຈິງ ຈຶ່ງພົບເຫັນຜູ້ເສຍຊີວິດຈຳນວນ 4 ຄົນ, ຍິງ 1 ຄົນ ແລະ ປືນ AK 1 ກະບອກ ທີ່ໃຊ້ກໍ່ເຫດ.

May be an image of 3 people and clothes iron

ຜ່ານການເກັບກໍາຂໍ້ມູນຫຼັກຖານ ແລະ ເອົາຄໍາໃຫ້ການຈາກພີ່ນ້ອງຜູ້ເສຍຊີວິດ ຈຶ່ງຮູ້ໄດ້ວ່າ: ຜູເສຍຊີວິດ ຊື່ ທ້າວ ແກ້ວອຸດອນ ອາຍຸ 36 ປີ(ຜົວ, ຜູ້ກໍ່ເຫດ), ນາງ ແພງຕາ ອາຍຸ 34 ປີ (ເມຍ), ທ້າວ ບຸນຊ່ອງ (ອ້າຍຂອງເມຍ)ອາຍຸ 36 ປີ ແລະ ທ້າວ ຄອນສະຫວັນ (ນ້ອງຂອງເມຍ) ອາຍຸ 20 ປີ, ນອນເສຍຊີວິດຢູ່ເຮືອນຂອງ ນາງ ແພງຕາ ທີ່ບ້ານຫຼັງຄັງ, ເມືອງບົວລະພາ, ແຂວງຄຳມ່ວນ.

No photo description available.

ເຈົ້າໜ້າທີ່ໃຫ້ຮູ້ຕື່ມວ່າ: ສາເຫດ ແລະ ແຮງຈູງໃຈໃນການກໍ່ເຫດ ຄັ້ງນີ້ແມ່ນຍ້ອນ: ວັນທີ 5 ສິງຫາ 2024 ນາງແພງຕາ ໄດ້ມາບອກ ນາງ ສີອຳພອນ ແລະ ນາງ ບຸນມາກ (ທັງສອງເປັນພີ່ນ້ອງ ກັບ ນາງ ແພງຕາ) ຢູ່ບ້ານດຽວກັນວ່າ: ຢາກຢ່າຮ້າງກັບ ທ້າວ ແກ້ວອຸດອນ(ຜູ້ເປັນຜົວ), ດັ່ງນັ້ນຈຶ່ງມາຂໍໃຫ້ທັງສອງເຂົ້າຮ່ວມຮັບຟັງ ແລະ ເປັນສັກຂີພະຍານ ຢູ່ຫ້ອງການບ້ານ, ພາຍຫຼັງການຈັດຕັ້ງບ້ານໄກ່ເກ່ຍໂດຍຊ່ອງໜ້າຍາດພີ່ນ້ອງ, ສະຫຼຸບສາເຫດຍ້ອນ ທ້າວ ແກ້ວອຸດອນ ເອົາເງິນໃນຄອບຄົວໄປໃຊ້ຈ່າຍສ່ວນຕົວໂດຍບໍ່ມີເຫດຜົນຈຳນວນຫຼາຍຄັ້ງ ແລະ ພົວພັນເສບຢາເສບຕິດ, ຄັ້ງລ່າສຸດ ເປັນຈຳນວນເງິນ 12,000,000 ກີບ(ສີບສອງລ້ານກີບ) ໄປໃຊ້ຈ່າຍຈົນໝົດ.

May be an image of smiling and bedroom

ຈາກນັ້ນການຈັດຕັ້ງບ້ານ ຈຶ່ງໄດ້ສ້າງບົດບັນທຶກຢ່າຮ້າງໃຫ້ພວກກ່ຽວທັງ 2 ຂາດຈາກການເປັນຜົວ-ເມຍກັນ; ດັ່ງນັ້ນ, ທ້າວ ແກ້ວອຸດອນ ຈຶ່ງເກີດຄວາມບໍ່ພໍໃຈ, ຕໍ່ມາວັນທີ 6 ສິງຫາ 2024 ທ້າວ ແກ້ວອຸດອນ ຈຶ່ງໄດ້ກັບບ້ານນາບໍ່, ເມືອງຍົມມະລາດ, ແຂວງຄຳມ່ວນ ແລ້ວລັກເອົາປືນ AK ຢູ່ໃນຫ້ອງນອນຂອງພໍ່ (ເຊິ່ງພໍ່ເປັນພະນັກງານບໍານານ) ເພື່ອຈະໄປຄາດຕະກຳນາງ ແພງຕາ. ພໍມາຮອດມື້ກໍ່ເຫດ, ໃນຂະນະນັ້ນ ທ້າວ ບຸນຊ່ອງ (ອ້າຍຂອງເມຍ) ທີ່ຢູ່ເຮືອນໃກ້ຄຽງກັນ ໄດ້ຖືໄມ້ຄ້ອນ ເພື່ອຈະເຂົ້າໄປຫ້າມ, ເມື່ອທ້າວ ແກ້ວອຸດອນ ເຫັນຈຶ່ງຍິງທ້າວ ບຸນຊ່ວງ (ອ້າຍຂອງເມຍ) ຈຳນວນ 1 ລູກ ຖືກໜ້າເອິກຊອດອອກຫຼັງ, ແລ້ວຍິງ ທ້າວ ຄອນສະຫວັນ (ນ້ອງຂອງເມຍ) ທີ່ຢູ່ເຮືອນກັບນາງແພງຕາ) ຈຳນວນ 2 ລູກ ຖືກນົມເບື້ອງຂວາຊອດອອກບ່າໄລ່ ແລະ ຖືກຫົວຊອດອອກງ່ອນ.

May be an image of 2 people

ຈາກນັ້ນກໍຍິງ ນາງ ແພງຕາ (ຜູ້ເປັນເມຍ) ຈຳນວນ 1 ລູກ ຖືກນົມເບື້ອງຂວາຊອດອອກບ່າໄລ່ ທັງສາມຄົນແມ່ນເສຍຊີວິດຄາທີ່. ພາຍຫຼັງກໍ່ເຫດ ເພື່ອໜີຄວາມຜິດ ທ້າວ ແກ້ວອຸດອນ ກໍໄດ້ຍິງໂຕເອງຈຳນວນ 1 ລູກ ຖືກຄາງຊອດອອກງ່ອນເສຍຊີວິດຄາທີ່, ປະຈຸບັນ ທາງເຈົ້າໜ້າທີ່ຕຳຫຼວດ ຍັງດຳເນີນເກັບກຳຂໍ້ມູນເພີ່ມເຕີມໃນເຫດການດັ່ງກ່າວ.

ພາບ-ຂ່າວ: ປກສ ແຂວງຄຳມ່ວນ, ຄວາມສະຫງົບ

ບົດຄວາມຫຼ້າສຸດ

ຍີ່ປຸ່ນກຽມຮັບມື! ສຶນາມິສູງເຖິງ 3 ແມັດ ຫຼັງຈາກເກີດເຫດແຜ່ນດິນໄຫວລະດັບ 8.7 ຣິກເຕີ.

ຍີ່ປຸ່ນສັ່ງອົບພະຍົບປະຊາຊົນຫຼາຍພັນຄົນ ພາຍຫຼັງພົບຄຶ້ນສຶນາມິພັດເຂົ້າຝັ່ງ ເຈົ້າໜ້າທີ່ຄາດວ່າຄຶ້ນອາດຈະສູງເຖິງ 3 ແມັດ. ສຳນັກຂ່າວໃນປະເທດຍີ່ປຸ່ນລາຍງານໃນວັນທີ 30 ກໍລະກົດ 2025 ຜ່ານມາ, ຍີ່ປຸ່ນກຍມຮັບມືກັບສຶນາມິທີ່ເລີ່ມພັດເຂົ້າຊາຍຝັ່ງອີກຮອບ ໂດຍຄາດການວ່າ: ຄຶ້ນອາດຈະສູງເຖິງ 3 ແມັດ,...

ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ

ປັບລາຄາຂຶ້ນຄັ້ງທຳອິດ! ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ. ແຫຼ່ງຂ່າວຈາກ ແຂວງວຽງຈັນ ໃຫ້ຮູ້ວ່າ: ປັດຈຸບັນ ໄດ້ເກີດມີຫາງສຽງຈົ່ມວ່າ ຈາກພໍ່ແມ່ປະຊາຊົນ ກໍຄືສື່ສັງຄົມອອນລາຍ ກ່ຽວກັບການປັບຂຶ້ນລາຄາຄ່ານ້ຳປະປາ ຢູ່ພາຍໃນແຂວງວຽງຈັນ, ຕໍ່ກັບບັນຫາດັ່ງກ່າວ,...

ຣັດເຊຍເກີດແຜ່ນດິນໄຫວຮຸນແຮງລະດັບ 8.7 ຣິກເຕີ ທາງດ້ານຍີ່ປຸ່ນກຽມຮັບມືກັບຄຶ້ນໃຫຍ່ສຶນາມິ

ທາງການຣັດເຊຍເປີດເຜີຍ: ຄຶ້ນສຶນາມິສູງ 3-4 ແມັດ ພັດເຂົ້າສູ່ແຄມຝັ່ງທາງຕາເວັນອອກ ຫຼັງເກີດແຜ່ນດິໄຫວລະດັບ 8.7 ຣິກເຕີ ເບື້ອງຕົ້ນບໍ່ມີລາຍງານຜູ້ເສຍຊີວິດ ແລະ ບາດເຈັບ. ອີງຕາມສຳນັກຂ່າວຕ່າງປະເທດລາຍງານໃນວັນທີ 30 ກໍລະກົດ 2025,...

ເສຍຫາຍຫຼາຍສົມຄວນ! ປະເມີນຜົນກະທົບຈາກໄພພິບັດ ແລະ ແນວທາງການຊ່ວຍເຫຼືອຟື້ນຟູ

ລາວໄດ້ຮັບຜົນກະທົບທັງໝົດ 34 ເມືອງ ແລະ ເສຍຊີວິດ 4 ຄົນ ຈາກຜົນກະທົບຈາກພາຍຸວິພາ ຄະນະກຳມະການຄຸ້ມຄອງໄພພິບັດຂັ້ນສູນກາງ ຈັດກອງປະຊຸມເພື່ອປຶກສາຫາລືກ່ຽວກັບການປະເມີນຜົນກະທົບ, ຜົນເສຍຫາຍ ແລະ ແນວທາງຟື້ນຟູສຸກເສີນ ບັນດາແຂວງທີ່ໄດ້ຮັບຜົນກະທົບຈາກພາຍຸວິພາ ໃນວັນທີ...