spot_img
Homeຂ່າວຕ່າງປະເທດຂ່າວດີ! ແພດອິນເດຍສຳເລັດການຜ່າຕັດປູກຖ່າຍມືໃໝ່ ໃຫ້ຊາຍທີ່ເກີດອຸບັດຕິເຫດ

ຂ່າວດີ! ແພດອິນເດຍສຳເລັດການຜ່າຕັດປູກຖ່າຍມືໃໝ່ ໃຫ້ຊາຍທີ່ເກີດອຸບັດຕິເຫດ

Published on

ສຳນັກຂ່າວຕ່າງປະເທດລາຍງານໃນວັນທີ 10 ມີນາ 2024 ຜ່ານມາກ່ຽວກັບເລື່ອງລາວຂອງຈິດຕະກອນຊາວອິນເດຍອາຍຸ 45 ປີ ທີ່ສູນເສຍມືຈາກອຸບັດຕິເຫດ ແລະ ຍັງຫວັງວ່າຈະກັບມາແຕ້ມຮູບໄດ້ອີກຄັ້ງ ແຕ່ສຸດທ້າຍປະຕິຫານກໍເປັນຈິງ ເມື່ອລາວໄດ້ຮັບການບໍລິຈາກ ມື ຈົນແພດສາມາດຜ່າຕັດໄດ້ສຳເລັດເປັນຄັ້ງທຳອິດ.

ຊາຍຊາວອິນເດຍໄດ້ເຂົ້າຮັບການຜ່າຕັດປູກຖ່າຍອະໄວຍະວະສ່ວນ ມື ໄປຈົນຮອດ ສອກ ຈາກຜູ້ບໍລິຈາກຮ່າງກາຍທີ່ເປັນຜູ້ຍິງ ຫຼັງຈາກນາງໄດ້ເສຍຊີວິດຈາກອາການສະໝອງຕາຍ ເຊິ່ງທີມແພດໄດ້ກ່າວວ່າ: ຕ້ອງໄດ້ໃຊ້ເວລາດົນຜ່າຕັດຫຼາຍກວ່າ 12 ຊົ່ວໂມງ ແລະ ຍັງພົບຄວາມທ້າທາຍຫຼາຍຢ່າງເນື່ອງຈາກແພດຕ້ອງເຊື່ອມຕໍ່ຫຼອດເລືອດແດງ, ກ້າມຊິ້ນ, ເສັ້ນເອັນ ແລະ ເສັ້ນປະສາດທຸກເສັ້ນລະຫວ່າງມືຂອງຜູ້ບໍລິຈາກ ແລະ ແຂນຂອງຜູ້ປ່ວຍ ແຕ່ໃນທີ່ສຸດການຜ່າຕັດກໍປະສົບຄວາມສຳເລັດ, ຜູ້ປ່ວຍມີການຕອບສະໜອງດີ ລວມເຖິງລະບົບໄຫຼວຽນເລືອດຢູ່ມືຂອງລາວກໍປົກກະຕິດີ ນັບເປັນຄັ້ງທຳອິດທີ່ອິນເດຍສຳເລັດໃນການປູກຖ່າຍມື ແລະ ຍັງເປັນບາດກ້າວສຳຄັນຂອງວິທະຍາການທາງການແພດອີກດ້ວຍ.

ຢ່າງໃດກໍຕາມຊາຍຄົນດັ່ງກ່າວປະກອບອາຊີບເປັນຈິດຕະກອນ ແຕ່ໃນປີ 2020 ລາວເກີດອຸບັດຕິເຫດຢູ່ລົດໄຟຈົນເຮັດໃຫ້ສູນເສຍແຂນທັງສອງ ປລະ ຕ້ອງໄດ້ໃສ່ແຂນທຽມນັບຕັ້ງແຕ່ນັ້ນມາ ແຕ່ຫຼັງຈາກທີ່ໄດ້ຮັບການຜ່າຕັດປູກຖ່າຍໃໝ່ ເຮັດໃຫ້ລາວສາມາດກັບມາແຕ້ມຮູບດ້ວຍມືອີກຄັ້ງ.

ແຫຼ່ງຂ່າວ: TNN

ບົດຄວາມຫຼ້າສຸດ

ຜູ້ນຳຄົນໃໝ່ ອີ ແຈມະຢອງ ຄວ້າຕຳແໜ່ງປະທານາທິບໍດີ ຄົນທີ 14 ສ.ເກົາຫຼີ

ອີ ແຈມະຢອງ ຄວ້າໄຊຊະນະການເລືອກຕັ້ງປະທານາທິບໍດີ ສ.ເກົາຫຼີ ພາຍຫຼັງ ຍຸນຊ໋ອກຍອນ ຖືກຖອດອກກຈາກຕໍາແໜ່ງ. ສຳນັກຂ່າວຕ່າງປະເທດລາຍງານໃນວັນທີ 3 ມິຖຸນາ 2025 ຜ່ານມານີ້ວ່າ: ເກົາຫຼີໃຕ້ຈັດການເລືອກຕັ້ງປະທານາທິບໍດິຄັ້ງພິເສດ ເພື່ອຫາຜູ້ນຳຄົນໃໝ່ແທນ ທ່ານ...

ຈີນປະກາດ ເປີດບໍລິການວີຊາພິເສດ “ASEAN visa”

ຈີນປະກາດເປີດຕົວ ວີຊ່າອາຊຽນ ໄຟຂຽວນັກທຸລະກິດ 10 ບັນປະເທດອາຊຽນລວມເຖິງ ຕີມໍແລັດສະແຕ ເດີນທາງເຂົ້າອອກສະດວກ ສຳນັກຂ່າວຕ່າງປະເທດລາຍງານໃນວັນທີ 4 ມິຖຸນາ 2025, ຈີນປະກາດເປີດຕົວ  "ASEAN Visa" ຫຼື...

ມອບ-ຮັບໜ້າທີ່ລະຫວ່າງເຈົ້ານະຄອນຫຼວງພະບາງ ຜູ້ເກົ່າ ແລະ ຮັກສາການເຈົ້ານະຄອນຫຼວງພະບາງ ຜູ້ໃໝ່

ແຕ່ງຕັ້ງທ່ານ ທ່ານ ສະເຫວີຍ ສີລາວັນ ຮັກສາການເຈົ້ານະຄອນ ຫຼວງພະບາງ ຜູ້ໃໝ່ ໃນວັນທີ 4 ມິຖຸນາ 2025 ທີ່ຫ້ອງປະຊຸມໃຫຍ່ຫ້ອງວ່າການນະຄອນຫຼວງພະບາງ ບ້ານຄອຍ ໄດ້ຈັດພິທີ ມອບ-ຮັບໜ້າທີ່ລະ...

ທ່ານ ອານຸພາບ ວົງໜໍ່ແກ້ວ ເປັນຮອງລັດຖະມົນຕີກະຊວງການຕ່າງປະເທດຄົນໃໝ່

ປະກາດແຕ່ງຕັ້ງ ທ່ານ ອານຸພາບ ວົງໜໍ່ແກ້ວ ເປັນຮອງລັດຖະມົນຕີກະຊວງການຕ່າງປະເທດຄົນໃໝ່ ຢ່າງເປັນທາງການ ວັນທີ 4 ມິຖຸນາ 2025 ຢູ່ກະຊວງການຕ່າງປະເທດ ໄດ້ຈັດພິທີປະກາດການ ຈັດຕັ້ງຕຳແໜ່ງບໍລິຫານຮອງລັດຖະມົນຕີ, ຫົວໜ້າກົມ ແລະ...