spot_img
Homeຂ່າວຕ່າງປະເທດງາມໜ້າ! ອາເມຣິກາ ຖືກລ້ວງຄວາມລັບ CIA ທໍລະມານນັກໂທດ ສຸດປ່າເຖື່ອນ! ສະຖານທູດສະຫະລັດທົ່ວໂລກ ເຕືອນພົນລະເມືອງ ລະວັງເຫດປະທ້ວງຮຸນແຮງ!

ງາມໜ້າ! ອາເມຣິກາ ຖືກລ້ວງຄວາມລັບ CIA ທໍລະມານນັກໂທດ ສຸດປ່າເຖື່ອນ! ສະຖານທູດສະຫະລັດທົ່ວໂລກ ເຕືອນພົນລະເມືອງ ລະວັງເຫດປະທ້ວງຮຸນແຮງ!

Published on

1_4

 

ສະຖານທູດສະຫະລັດອາເມຣິກາຫລາຍປະເທດທົ່ວໂລກ ເຕືອນພົນລະເມືອງໃຫ້ລະວັງຕົນເປັນພິເສດ ອາດເກີດການ

ລຸກຮືປະທ້ວງສະຫະລັດ ຫລັງ CIA ຖືກລ້ວງຄວາມລັບທໍລະມານນັກໂທດສຸດທາລຸນ.

 

ສຳນັກຂ່າວຕ່າງປະເທດລາຍງານ ໃນວັນທີ 11​ ທັນວານີ້ວ່າ ຄະນະກຳມາທິການການຂ່າວ ຂອງວຸດທິສະພາສະຫະລັດອາ

ເມຣິກາ ໄດ້ເປີດເຜີຍລາຍງານສະບັບໜຶ່ງ ເຊິ່ງສະເທືອນທົ່ວໂລກ ກ່ຽວກັບເລື່ອງວິທີການສອບປາກຄຳຜູ້ຕ້ອງສົງໄສທີ່

ເປັນສະມາຊິກກຸ່ມອັນກໍອິດະ ຂອງເຈົ້າໜ້າທີ່ໜ່ວຍສືບຂ່າວລັບສູນກາງຂອງສະຫະລັດ ຫລື CIA ທີ່ໃຊ້ວິທີການສຸດທໍລະ

ມານ ແລະ ໂຫດຫ້ຽມປ່າເຖື່ອນທີ່ສຸດ ຈົນເຮັດໃຫ້ສະຖານເອກອັກຄະລັດຖະທູດສະຫະລັດປະຈຳປະເທດຕ່າງໆໃນທົ່ວໂລກ

ເຊິ່ງລວມມີ ອັບການິດສະຖານ, ປາກິສະຖານ ແລະ ປະເທດໄທ ຕ້ອງໄດ້ອອກມາຖະແຫລງການເຕືອນພົນລະເມືອງຊາວ

ອາເມຣິກັນ ໃຫ້ລະມັດລະວັງຕົນຫລາຍຂຶ້ນເປັນພິເສດ ເພາະອາດຈະເກີດມີການປະທ້ວງຕໍ່ຕ້ານອາເມຣິກາຢ່າງຮຸນແຮງ

ຫລັງຈາກທີ່ມີການເປີດເຜີຍລາຍງານເລື່ອງຄວາມລັບຂອງ CIA ດັ່ງກ່າວ ອອກສູ່ສາທາລະນະວ່າງບໍ່ດົນມານີ້.

 

557000014657510

 

ສຳລັບລາຍງານເປີດເຜີຍຄວາມລັບດັ່ງກ່າວນີ້ ມີຄວາມຍາວກ່ວາ 6,000 ໜ້າ ເຊິ່ງໄດ້ລະບຸລາຍລະອຽດທີ່ສະເທືອນຂັວນ

ທີ່ສຸດ ເພາະ CIA ໄດ້ກະທຳການທໍລະມານຜູ້ຕ້ອງສົງໄທັງທາງດ້ານຮ່າງກາຍ ແລະ ຈິດໃຈ ເປັນຕົ້ນແມ່ນການຈັບແກ້

ເສື້ອຜ້າອອກໃຫ້ເປືອຍກາຍຢູ່ໃນອາກາດເຢັນຈັດ, ປ່ອຍໃຫ້ອຶດຫິວ, ອັດແຮງດັນເຂົ້າເສັ້ນເລືອດ, ໃຫ້ອາຫານຜ່ານຮູທະ

ວານໜັກ, ບັງຄັບໃຫ້ອົດນອນດົນເຖິງ 180 ຊົ່ວໂມງ ດັ່ງນີ້ເປັນຕົ້ນ.

 

ຈາກການເປີດເຜີຍຂອງລາຍງານດັ່ງກ່າວ ແມ່ນໄດ້ກະທົບຕໍ່ພາບລັກຂອງສະຫະລັດອາເມຣິກາເອງ ທີ່ເວລາໃດກໍແອບ

ອ້າງຕົນເປັນເຈົ້າຈອມຜູ້ພິທັກສິດທິມະນຸດຂອງໂລກ ເຊິ່ງເກີດໃຫ້ມີຄວາມວິຕົກກັງວົນວ່າ ຂໍ້ມູນດັ່ງກ່າວນີ້ອາດຈະເຮັດ

ໃຫ້ຫຼາຍຝ່າຍຄຽດແຄ້ນ, ລຸກຂຶ້ນມາປະທ້ວງຕໍ່ໂທດກຳຂອງສະຫະລັດ ທີ່ທໍລະມານນັກໂທດດ້ວຍວິທີສຸດປ່າເຖື່ອນດັ່ງກ່າວ

ເຊິ່ງເຮັດໃຫ້ສະຖານເອກອັກຄະລັດຖະທູດຂອງສະຫະລັດຢູ່ຫລາຍປະເທດ ອອກເຕືອນປະຊາຊົນຂອງຕົນ ໃຫ້ຫລີກລ່ຽງ

ພື້ນທີ່ທີ່ມີການຊຸມນຸມ ເພາະອາດຈະມີການລຸກຮືຂຶ້ນປະທ້ວງສະຫະລັດ ຕໍ່ວິທີການທາລຸນອັນສຸດປ່າເຖື່ອນດັ່ງກ່າວ.

 

557000014657502

ບົດຄວາມຫຼ້າສຸດ

ຜູ້ນຳຄົນໃໝ່ ອີ ແຈມະຢອງ ຄວ້າຕຳແໜ່ງປະທານາທິບໍດີ ຄົນທີ 14 ສ.ເກົາຫຼີ

ອີ ແຈມະຢອງ ຄວ້າໄຊຊະນະການເລືອກຕັ້ງປະທານາທິບໍດີ ສ.ເກົາຫຼີ ພາຍຫຼັງ ຍຸນຊ໋ອກຍອນ ຖືກຖອດອກກຈາກຕໍາແໜ່ງ. ສຳນັກຂ່າວຕ່າງປະເທດລາຍງານໃນວັນທີ 3 ມິຖຸນາ 2025 ຜ່ານມານີ້ວ່າ: ເກົາຫຼີໃຕ້ຈັດການເລືອກຕັ້ງປະທານາທິບໍດິຄັ້ງພິເສດ ເພື່ອຫາຜູ້ນຳຄົນໃໝ່ແທນ ທ່ານ...

ຈີນປະກາດ ເປີດບໍລິການວີຊາພິເສດ “ASEAN visa”

ຈີນປະກາດເປີດຕົວ ວີຊ່າອາຊຽນ ໄຟຂຽວນັກທຸລະກິດ 10 ບັນປະເທດອາຊຽນລວມເຖິງ ຕີມໍແລັດສະແຕ ເດີນທາງເຂົ້າອອກສະດວກ ສຳນັກຂ່າວຕ່າງປະເທດລາຍງານໃນວັນທີ 4 ມິຖຸນາ 2025, ຈີນປະກາດເປີດຕົວ  "ASEAN Visa" ຫຼື...

ມອບ-ຮັບໜ້າທີ່ລະຫວ່າງເຈົ້ານະຄອນຫຼວງພະບາງ ຜູ້ເກົ່າ ແລະ ຮັກສາການເຈົ້ານະຄອນຫຼວງພະບາງ ຜູ້ໃໝ່

ແຕ່ງຕັ້ງທ່ານ ທ່ານ ສະເຫວີຍ ສີລາວັນ ຮັກສາການເຈົ້ານະຄອນ ຫຼວງພະບາງ ຜູ້ໃໝ່ ໃນວັນທີ 4 ມິຖຸນາ 2025 ທີ່ຫ້ອງປະຊຸມໃຫຍ່ຫ້ອງວ່າການນະຄອນຫຼວງພະບາງ ບ້ານຄອຍ ໄດ້ຈັດພິທີ ມອບ-ຮັບໜ້າທີ່ລະ...

ທ່ານ ອານຸພາບ ວົງໜໍ່ແກ້ວ ເປັນຮອງລັດຖະມົນຕີກະຊວງການຕ່າງປະເທດຄົນໃໝ່

ປະກາດແຕ່ງຕັ້ງ ທ່ານ ອານຸພາບ ວົງໜໍ່ແກ້ວ ເປັນຮອງລັດຖະມົນຕີກະຊວງການຕ່າງປະເທດຄົນໃໝ່ ຢ່າງເປັນທາງການ ວັນທີ 4 ມິຖຸນາ 2025 ຢູ່ກະຊວງການຕ່າງປະເທດ ໄດ້ຈັດພິທີປະກາດການ ຈັດຕັ້ງຕຳແໜ່ງບໍລິຫານຮອງລັດຖະມົນຕີ, ຫົວໜ້າກົມ ແລະ...