ໃນວັນທີ 16 ທັນວາ 2024, ທີ່ພະແນກການເງິນນະຄອນຫຼວງວຽງຈັນ ໄດ້ມີພິທີມອບ-ຮັບໜ້າທີ່ຫົວໜ້າສ່ວຍສາອາ ກອນປະຈຳນະຄອນຫຼວງວຽງຈັນ ລະຫວ່າງ ທ່ານ ຄຳພັນ ພັນທຸລັກ ຜູ້ເກົ່າ ແລະ ທ່ານ ວິໄນ ທິບດາລາ ຜູ້ໃໝ່, ໂດຍການເປັນປະທານຂອງທ່ານ ສິຣິລາດ ທົງສິນທອງເພັງ ຫົວໜ້າພະແນກການເງິນນະຄອນຫຼວງວຽງຈັນ ມີຄະນະພະແນກການເງິນນະຄອນຫຼວງ ແລະ ພາກສ່ວນກ່ຽວຂ້ອງ ເຂົ້າຮ່ວມ.
ພ້ອມນີ້ ທ່ານ ວິໄນ ທິບດາລາ ຫົວໜ້າສ່ວຍສາອາກອນປະຈຳນະຄອນຫຼວງວຽງຈັນ ຜູ້ໃໝ່ກໍ່ໄດ້ໃຫ້ ທັດສະນະວ່າຈະສືບ ຕໍ່ຈັດຕັ້ງປະຕິບັດພາລະກິດ ອັນສົມກຽດດັ່ງກ່າວນີ້ໃຫ້ເປັນຢ່າງດີ ໃຫ້ສົມກັບຄວາມໄວ້ເນື້ອເຊື່ອໃຈຂອງ ຂັ້ນເທິງ ຕະຫຼອດຮອດພະນັກງານທຸກຂັ້ນທີ່ ໃຫ້ການສະໜັບສະໜູນຕົນເອງເພື່ອ ພ້ອມກັນ ຈັດຕັ້ງປະຕິບັດແຜນຈັດເກັບລາຍຮັບໃຫ້ໄດ້ຕາມແຜນ ແລະ ລື່ນແຜນການດີຂຶ້ນຢ່າງເຂັ້ມແຂງ ແລະ ຍືນຍົງ.
ໂອກາດນີ້, ທ່ານ ສິຣິລາດ ທົງສິນທອງເພັງ ໄດ້ມີຄຳເຫັນຕໍ່ພິດັ່ງກ່າວ ໂດຍທ່ານ ໄດ້ສະແດງຄວາມຍ້ອງຍໍຊົມ ເຊີຍຕໍ່ຜົນ ງານຂອງ ຫົວໜ້າສ່ວຍສາອາກອນປະຈຳນະຄອນຫຼວງວຽງຈັນ ຜູ້ເກົ່າ ແລະ ຜູ້ໃຫມ່ ສະເໜີມາຍັງ ຜູ້ຮັບຕຳ ແໜ່ງໃໝ່ໃຫ້ສືບຕໍ່ເພີ່ມຄວາມຮັບຜິດຊອບສູງຂຶ້ນຕື່ມ ສືບຕໍ່ປະສານສົມທົບກັບທຸກຂັ້ນ ທຸກພາກສ່ວນ ເພື່ອເຮັດໃຫ້ວຽກງານມີຄວາມຄ່ອງຕົວ ໃຫ້ສຳເລັດຕາມແຜນງານທີ່ຂັ້ນເທິງມອບໝາຍໃຫ້ຢ່າງມີປະສິທິພາບ ແລະ ປະສິດທິຜົນ ດີຂຶ້ນເປັນກ້າວໆ.
ທີ່ມາ: ກະຊວງການເງິນ