spot_img
Homeຂ່າວພາຍ​ໃນອອກມາຊີ້ແຈງແລ້ວ! ບັນຫາຊີງຊັ່ງນຳ້ໜັກທີ່ສະຖານີເກັບເງິນທາງດ່ວນ

ອອກມາຊີ້ແຈງແລ້ວ! ບັນຫາຊີງຊັ່ງນຳ້ໜັກທີ່ສະຖານີເກັບເງິນທາງດ່ວນ

Published on

ຊີ້ແຈງ ແລະ ໄຂຂໍ້ຂ້ອງໃຈກໍລະນີບັນຫາຊີງຊັ່ງນຳ້ໜັກທາງດ່ວນນະຄອນຫຼວງວຽງຈັນ-ວັງວຽງ.

ຈາກກໍລະນີຜູ້ໃຊ້ເຟສບຸກທ່ານໜຶ່ງໄດ້ມາແບ່ງປັນປະສົບການ ກ່ຽວກັບຊິງຊັ່ງນໍ້າໜັກມີບັນຫາທີ່ສະຖານີເກັບເງິນວັງວຽງ ເຮັດໃຫ້ນໍ້າໜັກລົດທີ່ຊັ່ງມີຄວາມຕ່າງກັນຈາກການຊັ່ງ 2 ຮອບ ໃນວັນທີ 11 ທັນວາ 2023, ໂດຍມີເນື້ອໃນວ່າ: ຝາກເຕືອນທຸກຄົນໃຫ້ມີຄວາມລະມັດລະວັງກັນແດ່ເດີ້, ເລື່ອງມີຢູ່ວ່າຂ້ອຍຂີ່ລົດວີໂກ້ເຕ້ຍຂຶ້ນທາງດ່ວນ ຈຸດຂຶ້ນນະຄອນຫຼວງວຽງຈັນ – ວັງວຽງ ພໍຮອດຈຸດລົງຄ່າທາງດ່ວນ ຄ່າທາງແມ່ນ 231,000 ກີບ ນ້ຳໜັກລົດຂ້ອຍ 3.48 ໂຕ່ນ, ຂ້ອຍລະຖາມວ່າ ລົດຂ້ອຍຄືໜັກແທ້! ວີໂກ້ເຕ້ຍນ້ຳໜັກບໍ່ຮອດ 2 ໂຕ່ນພະນັກງານຈຶ່ງບອກຖອຍຊັ່ງໃໝ່, ເຊິ່ງຊັ່ງໃໝ່ ນ້ຳໜັກໄດ້ 1.96 ໂຕ່ນ ເປັນເງິນ 139,000 ກີບ ແລ້ວແບບນີ້ໝາຍຄວາມວ່າແນວໃດນໍ້? 1. ລະບົບມີບັນຫາ ຫຼື 2.ຄົນມີບັນຫາ ຫຼັງຈາກໂພສນີ້ຖືກແຊຣອອກໄປຫຼາຍຄົນກໍເຂົ້າມາຕັ້ງຄຳຖາມ ພ້ອມສະແດງຄວາມຄິດເຫັນຫຼາກຫຼາຍກ່ຽວກັບຊິງສັ່ງນໍ້າໜັກ ແລະ ເກັບເງິນຢູ່ສະຖານີທາງດ່ວນ.

ຫຼ້າສຸດ, ໃນວັນທີ 11 ມັງກອນ 2024, ກໍໄດ້ມີການອອກມາຊີ້ແຈງຈາກບໍລິສັດ ກ່ຽວກັບເຫດການທີ່ເກີດຂຶ້ນ ໂດຍໄດ້ເລົ່າຄວາມເປັນມາຂອງເຫດການ ພ້ອມ ຊີ້ແຈງດັ່ງນີ້:

1. ຫຼັງຈາກເກີດເຫດ, ຜູ້ໃຊ້ເຟສບຸກກໍໄດ້ເກີດມີຄວາມສົງໄສຕໍ່ກັບຊີງຊັ່ງນໍ້າໜັກຂອງທາງດ່ວນ, ເຊິ່ງທາງບໍລິສັດກໍ່ບໍ່ໄດ້ນິ້ງນອນໃຈ ແລະ ໄດ້ແຕ່ງຕັ້ງພະນັກງານລົງກວດກາໂດຍທັນທີ.

2. ຜົນຂອງການກວດກາຊີງຊັ່ງນໍ້າໜັກ ບໍລິສັດໄດ້ລົງກວດກາ ແລະ ວັດແທກອຸປະກອນຊີງຊັ່ງນໍ້າໜັກ ແລະ ລະບົບການຄິດໄລ່ຄ່າຜ່ານທາງ ທຸກສະຖານີເກັບເງິນຂອງທາງດ່ວນ, ຜົນຂອງການກວດກາອຸປະກອນຊີງຊັ່ງນໍ້າໜັກ ແລະ ລະບົບການຄິດໄລ່ຄ່າຜ່ານທາງແມ່ນເປັນປົກກະຕິ, ຫຼັງຈາກນັ້ນ, ທິມງານກໍໄດ້ເຂົ້າໄປກວດກາກ້ອງວົງຈອນປິດຄືນໃນເວລາທີ່ເກີດເຫດການ, ປະກົດເຫັນວ່າ: ສາເຫດທີ່ເຮັດໃຫ້ນໍ້າໜັກຂອງລົດຄັນດັ່ງກ່າວແຕກຕ່າງກັນຍ້ອນວ່າ: ໃນມື້ດັ່ງກ່າວ ມີຈໍານວນປະລິມານລົດບັນທຸກຂ້ອນຂ້າງຫຼາຍ ຈຶ່ງເຮັດໃຫ້ຂໍ້ມູນລົດຄັນທາງໜ້າຄ້າງຢູ່, ສະນັ້ນທາງບໍລິສັດຈຶ່ງຂໍອະໄພມານະທີ່ນີ້ດ້ວຍ.

3. ການຊີ້ແຈງຂອງບໍລິສັດ ອຸປະກອນຊິງຊັ່ງນໍ້າໜັກຂອງທາງດ່ວນ ໃນແຕ່ລະປີແມ່ນຈະມີໜ່ວຍງານທີ່ກ່ຽວຂ້ອງ ຂອງລັດຖະບານລົງມາຕິດຕາມກວດກາ ແລະ ວັດແທກເປັນປະຈໍາ ແລະມີເອກະສານຢັ້ງຢືນທີ່ມີປະສິດທິພາບຢ່າງຄົບຖ້ວນວ່າ ອຸປະກອນຊິງຊັ່ງນໍ້າໜັກແມ່ນບໍ່ມີບັນຫາ ພ້ອມດຽວກັນນັ້ນ ຖ້າຜູ້ຂັບຂີ່ຄົນໃດມີຂໍ້ສົງໃສຢາກສອບຖາມກ່ຽວກັບຂະບວນການເກັບຄ່າຜ່ານທາງ ແມ່ນສາມາດສອບຖາມພະນັກງານພາກສະໜາມໄດ້ໂດຍກົງ, ເພື່ອໃຫ້ໄດ້ຮັບການແກ້ໄຂ ແລະ ໄດ້ຄໍາຕອບທີ່ຊັດເຈນ ແລະ ທາງບໍລິສັດ ຈະເພີ່ມທະວີໃນການຄຸ້ມຄອງ, ຍົກສູງປະສິດທິພາບໃນການຈັດຕັ້ງປະຕິບັດວຽກງານ ແລະ ການບໍລິການ ສັງຄົມໃຫ້ດີຂື້ນກ່ວາເກົ່າ.

ບົດຄວາມຫຼ້າສຸດ

ກ້າວໄປອີກຂັ້ນ! ຍີ່ປຸ່ນສ້າງເລືອດທຽມ ສາມາດໃຊ້ທົດແທນໄດ້ທຸກກຸບເລືອດ ແລະ ສາມາດເກັບຮັກສາໄດ້ດົນກວ່າ 2 ປີ

ເປັນການພັດທະນາທາງດ້ານເຕັກໂຕໂລຊີເລືອດທຽມຂອງປະເທດຍີ່ປຸ່ນທີ່ຈະມາແກ້ໄຂບັນຫາຂາດແຄນເລືອດໃນໂລກ ການພັດທະນາທາງດ້ານການແພດຂອງປະເທດຍີ່ປຸ່ນ ໄດ້ແນ່ໃສ່ຄວາມສຳຄັນໃນການຈັດສັນຫາເລືອດ ດ້ວຍການພັດທະນາເຕັກໂນໂລຊີ ເລືອດທຽມ ທີ່ສາມາດໃຊ້ໄດ້ກັບຄົນເຈັບທຸກກຸບເລືອດ ແລະ ສາມາດເກັບຮັກສາໄດ້ດົນ 2 ປີ. ໃນການວິໄຈຂອງມະຫາວິທະຍາໄລການແພດນາລາ ຂອງປະເທດຍີ່ປຸ່ນ ທີ່ໄດ້ພັດທະນາສານທີ່ເອີ້ນວ່າ hemoglobin vesicles ເປັນຫຼັກການດຶງເອົາ...

ແຜ່ນດິນໄຫວຂະໜາດ 6,0 ຣິກເຕີ ໃນປະເທດອັບການິສະຖານ ເຮັດໃຫ້ມີຜູ້ເສຍຊີວິດ 622 ຄົນ ແລະ ໄດ້ຮັບບາດເຈັບຫຼາຍກວ່າ 1,500 ຄົນ

ເກີດເຫດແຜ່ນດີນໄຫວໃນວັນທີ 31 ກັນຍາ 2025 ທີ່ປະເທດອັບການິສະຖານ ມີຂະໜາດ 6,0 ຣິກເຕີ ເຮັດໃຫ້ມີຜູ້ເສຍຊີວິດຈໍານວນ 622 ຄົນ ລາຍງານຫຼ້າສຸດ, ຈາກເຫດແຜ່ນດິນໄຫວໃນປະເທດອັຟການິສຖານ ທີ່ເກີດຂຶ້ນໃນວັນທີ 31...

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...