ອີງຕາມສຳນັກຂ່າວຕ່າງປະເທດ World Forum ລາຍງານໃນວັນທີ 23 ທັນວາ 2023 ຜ່ານມາ, ຊາຍຊາວຟິລິປິນຖືກງູເຫຼືອມຍາວ 3 ແມັດກັດທີ່ແຂນ ແຕ່ໃຈສູ້ກັດງູຄືນຈົນງູຕາຍ ເຫດການດັ່ງກ່າວເກີດຂຶ້ນທີ່ແຂວງ ໂບໂຫ ປະເທດຟິລິປິນ ໃນວັນທີ 21 ທັນວາ 2023 ຜ່ານມາ.
ຕາມການລາຍງານຊາຍຄົນດັ່ງກ່າວຊື່ວ່າ: ທ້າວ ໂບຈູລີໂອ ອາເລເຣີຍ ອາຍຸ 48 ປີກຳລັງຂັບລົດຈັກຕາມຫົນທາງ ໃນຕອນເຊົ້າມືດ ແລ້ວພົບງູເຫຼືອມຍາວປະມານ 3 ແມັດໂຕເທົ່າແກ້ວເບຍ ກຳລັງຂ້າມທາງ ເຂົາຈຶ່ງຈອດລົດໃຫ້ງູຂ້າມ ແຕ່ເຂົາແປກໃຈງູໄດ້ມາໂຈມຕີເຂົາ ໂດຍກັານກັດເຂົ້າທີ່ແຂນ ແລ້ວ ພັນຮອບຕົວ ລາວຈຶ່ງຕັດສິນໃຈຊອກຫົວງູແລ້ວກັດຄືນຈົນໜັງງູຈີກຂາດອອກ ໃຊ້ເວລາປະມານ 10 ນາທີ ງູໂຕດັ່ງກ່າວໝົດລິດ. ສ່ວນທ້າວ ໂບຈູລິໂອ ຖືກນຳສົ່ງໂຮງໝໍໃນເວລາຕໍ່ມາ.
ທັງນີ້ ໂບຈູລິໂອ ເກີດອາການວິນຫົວຍ້ອນເສຍເລືອດຫຼາຍ ແຕ່ເຂົາໂຊກດີສາມາດຟື້ນຕົວໄດ້ໃນເຊົ້າມື້ຕໍ່ມາ ສ່ວນງູ ຖືກຊາວບ້ານໄດ້ເອົາໄປເປັນອາຫານ ຕາມການລາຍງານງູຊະນິດນີ້ບໍ່ມີພິດ ແຕ່ສາມາດລ່າເຫຍື່ອດ້ວຍກັນກັດ ແລະ ຣັດເຫຍື່ອແໜ້ນຈົນຕາຍ.
ຮູບພາບ: CDN