ກະຊວງກະສິກຳ ແລະ ປ່າໄມ້ ໃຫ້ຮູ້ວ່າ ມາຮອດຕົ້ນເດືອນທັນວານີ້ ທົ່ວປະເທດສາມາດເກັບກ່ຽວມ້ຽນມັດເຂົ້ານາປີແລ້ວ
ຫລາຍກວ່າ 98% ຂອງເນື້ອທີ່ 772.600 ເຮັກຕາ, ໃນນັ້ນພາກເໜືອປະຕິບັດໄດ້ຫລາຍກວ່າ 97 ພັນເຮັກຕາ ເທົ່າກັບ 92%
ຂອງເນື້ອທີ່ແຜນການ, ພາກກາງປະຕິບັດໄດ້ຫລາຍກວ່າ 418 ພັນເຮັກຕາ ເທົ່າກັບ 99%, ພາກໃຕ້ປະຕິບັດໄດ້ຫລາຍກວ່າ
207 ພັນເຮັກຕາ ເທົ່າກັບ 98% ຄາດວ່າການເກັບກ່ຽວຈະສຳເລັດໃນທ້າຍອາທິດນີ້.
ຜູ້ລາຍງານໃຫ້ຮູ້ອີກວ່າ ການເກັບກ່ຽວເຂົ້າປີນີ້ ເມື່ອທຽບໃສ່ປີຜ່ານມາແລ້ວເຫັນວ່າມີຂະບວນການດີຂື້ນ, ສຳລັບການເກັບ
ກ່ຽວເຂົ້າຢູ່ເຂດເນີນສູງ ມາຮອດປັດຈຸບັນໄດ້ສຳເລັດແລ້ວ 100%, ສ່ວນຂະບວນການປູກພືດອື່ນໆສາມາດປະຕິບັດໄດ້ແລ້ວ
ໃນເນື້ອທີ່ຫຼາຍກວ່າ 450.000 ກວ່າເຮັກຕາ ເທົ່າກັບ 72% ຂອງເນື້ອທີ່ແຜນການ, ສຳລັບພຶດອາຍຸສັ້ນປູກໄດ້ຫຼາຍຮອບວຽນ
ກໍມີການເກັບກ່ຽວສົ່ງຂາຍໃຫ້ຕະຫຼາດພາຍໃນ ແລະ ທ້ອງຖິ່ນໄດ້ເປັນຢ່າງດີ, ສຳລັບຂະແໜງກະສິກຳ ແລະ ປ່າໄມ້ ຈະໄດ້ສືບ
ຕໍ່ສົມທົບກັບທ້ອງຖິ່ນ ສັງລວມແຜນການ ແລະ ຊຸກຍູ້ການຜະລິດເຂົ້ານາແຊງ ແລະ ພືດລະດູແລ້ງສົກປີ 2014-2015 ໃຫ້ໄດ້
ຕາມຄາດໝາຍທີ່ວາງໄວ້ໂດຍເນັ້ນໃສ່ປັດໄຈທີ່ກ່ຽວຂ້ອງເຊັ່ນ: ນ້ຳ, ຝຸ່ນປຸ໋ຍ, ແນວພັນ ແລະ ອື່ນໆໃຫ້ຮັບປະກັນ.
ແຫລ່ງຂ່າວ: ລາວພັດທະນາ